شڤان‮ ‬غازی‮ ‬
مللەتێ كورد ل سەرانسەری‮ ‬جیهانێ ستەم لێ دهێتە كرن ب هەمی‮ ‬رەنگان تایبەتی‮ ‬ل هەر چار پارچێن كوردستانێ‮ ‬،‮ ‬ل جیهانێ هەمیێ مللەتەك هەیه چل ملیون كەس و پێهەل بیت بێ دەولەت بیت‮ ‬،‮ ‬ئەم مللەتەكین چ جارا مە هێرش نەكریە سەر چ وەلاتان نەبووینە جهێ مەترسیێ بو چ وەلاتان لێ مە ئێك ئاریشە هەیە ئەم هەردەم دبینە دوو بەر و پێهەل و دژی‮ ‬ئێك هەلسوكەفتێ دكەین دوژمن و ناحەزێت مللەتێ مە گرنگی‮ ‬ب جاش و خوفروشان ددەن لەورا ئەم بخو دبنینە ركابەر دژی‮ ‬ئێك ل جهێ ئەم پشتەڤانیا ئیك بكەین خو تاوانبار و دژاتیا ئیك دكەین‮ ‬،‮ ‬وەلات كەنگی‮ ‬ئاڤا دبن دەمێ دلسوز زور بن و هەستێ نەتەوایەتی‮ ‬ژ ترس و برساتیێ بهێزتر بیت و خوراگری‮ ‬ببیتە كەلتور مە بخو هێشتا چ نینە ئەوا مە هەی‮ ‬ژی‮ ‬ئەم‮ ‬یێ بلوكا بن دیوارێ خو دئینە دەرێ‮ ‬،‮ ‬سەیرە خەلكانەك هەبن ب سەدان سالانە ب هەزاران شەهید ب دەریا خوینێ ئەڤ وەلاتە هاتیە ئاڤاكرن بو مووچەی‮ ‬دڤێن هەرێم هەر نەمینیت‮ ‬،‮ ‬سەدان كەس و سەركردە و لایەنێت كوردستانێ‮ ‬یێ حكومەتا مە تاوانبار دكەن و عیراقێ ماف دار دكەن باشە ما ئەم پرسیار ژخو نەكەین ئەگەر ژلایێ كارگێری‮ ‬كارێ مە بكەڤیتە دەستێ حكومەتا عیراقێ و ئابورێ مەژی‮ ‬بكەڤیتە دەستێ واندا بێی‮ ‬ئەو مافێن مە‮ ‬یێن رەوا ل دەستوری‮ ‬هاتینە دانان دابین بكەن مە دێ چ بها مینیت‮ ‬،‮ ‬راستیەكێ من دڤێت بێژم ئەف دلسوزیا دەف سەروكێ هەرێما مە هەی‮ ‬بو مللەتێ خو ئەگەر سەروكێ هەر چ وەلاتەكێ پێشكەفتیێ جیهانێ با دا مللەت وی‮ ‬خو بو حەلینن‮ ‬،‮ ‬ل هەمی‮ ‬كاودانێت نەخوش سەر هەرێما مەدا دهێت ئەو گرێیێن نەڤەبن نێچیرڤان بارزانی‮ ‬ب دلسوزانە دهێتە سەر خەتی‮ ‬و كاریزما و كەساتیا وی‮ ‬بخو دبنە ئەگەر بو چارەسەركرنا ئاریشەیان بو هندێ كو مللەتێ كورد ل نەهامەتیان قورتالكەت خو هەوجەیی‮ ‬زور وەلات و سەركردێن جیهانێ دكەت و روژهەلاتا ناڤین بێی‮ ‬هزر ل پێگەها خو بكەت و هەر تشتەكی‮ ‬قبول دكەت بێی‮ ‬كەرب و كین داكو چارەسەریا بارودوخی‮ ‬بكەت و مێژو شاهدە مەزنترین ئاریشەیان ب ئاسانترین رێك چارەسەر دكەت چونكی‮ ‬ژ لایێ دبلوماسی‮ ‬زورێ ب هێزە خودانێ مەزنترین پەیوەندیێن نیڤ دەولەتی‮ ‬یە‮ ‬،‮ ‬هەر دوهی‮ ‬شەڤ ب جانترین شێواز دگەل هەردو جێگرێن خو وەك شاندەك بناڤێ هەرێما كوردستانێ‮ ‬گەهشتە بەغدا و هەمی‮ ‬مللەتێ كوردستانێ چاڤەرێی‮ ‬پێنگاڤێن وی‮ ‬شاندی‮ ‬نە هەر ئەڤرو ل بەغدا باشترین سەرەدان ئەنجامداینە دگەل سەروكێ عیراقێ و سەروك وەزیران و سەروكێ پەرلەمانی‮ ‬دیسان دێ زوربەیا سەركردەیێن شیعەیان بینیت بو هندێ كو ئاریشەیێن هەلاویستی‮ ‬دنافبەرا هەرێمێ و عیراقێ بدیماهیك بینیتن داخازێ سەركەفتنێ بو دخازین و هەر سەرفرز بیتن دڤێن ئەم مللەت ژی‮ ‬سوپاسدارێ ڤان هەلویستێن وی‮ ‬یێن جامێرانە بین و پشتەڤانیا سەروكێ خو بكەین و مە باوەریەكا مەزن پێ هەبیتن‮ ‬،‮ ‬دڤێت خەلكێ شەرەفمەندێ كوردستانێ ب ئێك دەنگ بێژن مە كەرامەت دڤێت و ئەم بگەهینە وێ باوەرێ كو وەلاتێن دوروبەرێت مە‮ ‬یێ دژاتیا مە دكەن بێی‮ ‬كو مە چ مەترسی‮ ‬بو وانا هەبیت چێنابیت مە باوەری‮ ‬ب دەسهەلاتا خو نەمینیت نەكو دێ زەرەرێ بینین خو فروش و خاك فروش مە هەر هەبووینە و دبنە پالە بو دوژمنان و پیروزیێن مللەتێ مە ل پێش چاڤێن خەلكی‮ ‬رەش دكەن لێ دڤێت ئەم پێكڤە خوراگربین و مە باوەری‮ ‬ب دەستهەلاتا هەرێماخو هەبیت راستە خراب و خرابی‮ ‬هەنە دڤێت ل ئایندەیەكێ نێزیك ئەوژی‮ ‬بگەهنە سزایێن خو و دێ هەرێم ڤان كاودانا ژی‮ ‬دەرباز كەت و پێشتركەڤیت وە باوەری‮ ‬هەبیت خەلكێ ڤێ عیراقا ئەم دبینین‮ ‬یێ ئومێدێ دخازن وەكی‮ ‬مە دخوشیێ دابن‮.‬