خەبات: سۆلین سلێمان:- عەلی هادی راهێنەری ناوداری عێراقی و راهێنەری پێشووی یانەی زاخۆ بە هۆی تووشبوونی بە ڤایرۆسی کۆرۆنا و خراپی بارودۆخەکەی دوای چەند هەفتەیەک مانەوەی لە نەخۆشخانە، دواجار لە رۆژی هەینی 2020/6/12 لە تەمەنی 53 ساڵیدا گیانی لەدەستدا، عەلی هادی یاریزانی پێشووی هەڵبژاردەی عێراق بوو، راهێنەرایەتی هەریەک لە یانەکانی کەربه‌لاو تەلەبە و زاخۆ و کارەبای کردووە، عەلی هادی لەم وەرزەیدا دوای ئەوەی یانەی زاخۆ له خولی نایابی عێراق دەکشێتەوە لەگەڵ ئەوەش دەست لە کارکێشانەوی خۆی لە پۆستی راهێنەری یانەی زاخۆ رادەگەیێنێت.
