وەزارەتی تەندروستی حکوومەتی هەرێمی کوردستان 23 حاڵەتی نوێی تووشبوون بە کۆرۆنای لە سلێمانی راگەیاند.
وەزارەتی تەندروستی لە راگەیاندراوێکدا کە کۆپییەکی دەست (ماڵپه‌ڕی خه‌بات ) کەوتووە و تێیدا هاتووە: “لە بەردەوامی پشکنینەکان و گەڕان بەدوای گومانلێکراوان و تووشبووان، بیست و سێ تووشبووی دیکەی ڤایرۆسی کۆڕۆنای نوێ COVID-19 لە پارێزگای سلێمانی دەستنیشانکران، چواردە پیاو و ھەشت ئافرەت و کچێکی گەنج”.
دەقی راگەیاندراوەکە:
دەرەنجامی نوێ…
لە بەردەوامی پشکنینەکان و گەڕان بەدوای گومانلێکراوان و تووشبووان، بیست و سێ تووشبووی دیکەی ڤایرۆسی کۆڕۆنای نوێ COVID-19 لە پارێزگای سلێمانی دەستنیشانکران، چواردە پیاو و ھەشت ئافرەت و کچێکی گەنج.
چوار تووشبوو بەرکەوتووی تووشبووانی پێشوون، یەک تووشبوو پێشینەی گەشتی ھەبووە، ھەژدە تشبووەکەی تر نیشانەی نەخۆشیان ھەیە و پشکنینیان پۆزەتیڤ دەرچووە.
هەژدە تووشبوو دانیشتووی ناو شاری سلێمانی.
یەك تووشبوو دەنیشتووی قەزای دەربەندیخان.
یەك تووشبوو دانیشتووی قەزای پێنجوین.
یەك تووشبوو دانیشتووی قەزای کەلار.
یەك تووشبوو دانیشتووی پارێزگای ھەڵەبجە.
یەك تووشبوو دانیشتووی پارێزگای بەغداد.
وەزارەتی تەندروستی
٣٠ ئایار ٢٠٢٠
