وەزارەتی دارایی و ئابووریی حکوومەتی هەرێمی کوردستان خشتەی دابەشکردنی مووچەی بۆ دوو ڕۆژی ئەم هەفتەیە راگەیاند.
کەمێک لەمەوبەر وەزارەتی دارایی رای گەیاند، سبەی سێشەممە ٥ی ئایاری ٢٠٢٠، مووچەی دیوان و لیواکانی وەزارەتی پێشمەرگە بۆ مانگی یەکی ٢٠٢٠ خەرج دەکرێت.
هاوکات ئاشکرا کرا کە ڕۆژی چوارشەممە ٦ی ئایاری ٢٠٢٠، مووچەی هەردوو یەکەی ٧٠ و ٨٠ی پێشمەرگە خەرج دەکرێت.
ئەمڕۆ دووشەممە، وەزارەتی دارایی و ئابووری بە دابەشکردنی مووچەی پزیشک و کارمەندانی وەزارەتی تەندروستی، دەستی بە دابەشکردنی مووچە کرد.
پێشتر سەرۆکایەتیی ئەنجوومەنی وەزیرانی هەرێمی کوردستان بڕیاری دابوو، بەپێی ئەو توانا داراییەی لەبەردەستدایە، مووچەی مانگی ئایاری ٢٠٢٠ دابەش بکرێت.
