مەلەك ڕۆژهات، خانمە گۆرانیبێژی كورد، خەریكی بڵاوكردنەوەی چەند بەرهەمێكی نوێی هونەرییە و دەڵێت چاوەڕوانی باشتربوونی بارودۆخەكە دەكەم.
مەلەك، لەبارەی كاری نوێی هونەرییەوە ڕایگەیاند: “چەند كارێكی نوێی هونەریم لەبەردەستە، كە تایبەت و نوێن، بارودۆخەكە باشتر بێت، بڵاویان دەكەمەوە”.
ئەو خانمە گۆرانیبێژە، ئاشكراشی كرد، دوای كۆنترۆڵكردنی پەتای كۆرۆنا و بارودۆخی تەندروستیی ئاسایی ببێتەوە، دێتەوە هەرێمی كوردستان و گوتیشی: “پلانم داناوە كارەكانم لە هەولێر بڵاو بكەمەوە”.
مەلەك ڕۆژهات، خانمە هونەرمەندێكی دیاری باكووری كوردستانە، خاوەنی چەندین گۆرانی و ڤیدیۆ كلیپە، كلیپەكانی لە تۆڕە كۆمەڵایەتییەكان بینەرێكی زۆریان هەیە .
