خەبات‮: ‬هاوار مورتكەیی
رۆژی‮ ‬2‮/‬2‮/‬2020‮ ‬لە شاری‮ ‬هەولێر هەڵمەتی‮ ‬بڕینی‮ ‬زێدەڕۆیی‮ ‬سەر تۆڕەكانی‮ ‬كارەبا دەستی‮ ‬پێكرد،‮ ‬دوای‮ ‬ئەوەی‮ ‬هەڵمەتەكە لەلایەن وەزیر كارەبا و وەزیری‮ ‬ناوخۆ و پارێزگاری‮ ‬هەولێرەوە راگەیەنرابوو،‮ ‬هەڵمەتەكە لە هەردوو گەڕەكی‮ ‬مامۆستایان‮ ( ‬ئەمین عامەكان‮) ‬و گەڕەكی‮ (‬وەزیران‮) ‬دەستی‮ ‬پێكرد،‮ ‬كە پێشتر راگەیەنرا كە هەڵمەتەكە لەو گەڕەكانەوە دەست پێدەكەن كە قەبارەی‮ ‬خانووەكانیان گەورەیە و لەناو كۆمەڵگەدا بە دەستڕۆیشتوو ناو دەبرێن‮.‬
پێكهینانی‮ ‬لیژنە
بەر لە دەستپیكی‮ ‬هەڵمەتەكەش چەندین كۆبوونەوە لە دیوانی‮ ‬پاریزگا بەڕێوەچوو و لیژنەی‮ ‬تایبەتی‮ ‬بۆ پیكهێنرا بۆ ئەوەی‮ ‬هەڵمەتەكە بەسەركەوتوویی‮ ‬بەڕێوەبچێت،‮ ‬لیژنەكەش بەسەرپەرستی‮ ‬خودی‮ ‬پاریزگار و ئەندامێتی‮ ‬وەزارەتی‮ ‬كارەبا و ناوخۆ و بەڕێوەبەرایەتی‮ ‬گشتی‮ ‬كارەبای‮ ‬هەولێر و پۆلیسی‮ ‬كارەبا و زێرەڤانی‮ ‬و ئاسایش پێكهات و لە دوای‮ ‬تەواوبوونی‮ ‬وادەكەش،‮ ‬ئەو هەڵمەتە دەستیپیكرد،‮ ‬و هەروەك بڕیاردرابوو هەڵمەتی‮ ‬بڕینی‮ ‬زیادەرۆییەكانی‮ ‬سەر تۆڕەكانی‮ ‬كارەبا لەو گەڕەكانە دەستپیبكات كە رووبەری‮ ‬خانووەكانیان زۆرە و بەگەڕەكی‮ ‬دەسترۆیشتوو ناودەبڕین‮.‬
دادپەروەری‮ ‬لە دابەشكردنی‮ ‬كارەبادا
‮ ‬لە دەستپێكی‮ ‬ئەو هەڵمەتەشدا نەبەز عەبدولحەمید قایمقامی‮ ‬قەزای‮ ‬ناوەندی‮ ‬هەولێر و ئەندازیار حوسین حەمەد قادر بەڕێوەبەری‮ ‬گشتی‮ ‬كارەبای‮ ‬هەولێر و بەڕێوەبەرانی‮ ‬كارەبای‮ ‬یەك و دووی‮ ‬هەولێر و ژمارەیەكی‮ ‬بەرچاو لە كارمەندان و ئەندازیارانی‮ ‬كارەبا و هێزەكانی‮ ‬ناوخۆ ئامادەیبوون،‮ ‬قایمقامی‮ ‬هەولێرلە كۆنگرەیەكی‮ ‬رۆژنامەوانیدا‮ ‬باسی‮ ‬لە ئامانجی‮ ‬سەرەكی‮ ‬هەڵمەتەكە كرد و رایگەیاند كە بۆ باشكردنی‮ ‬دۆخی‮ ‬كارەبا و زیادبوونی‮ ‬كاتژمێرەكانی‮ ‬كارەبایە بە هاوڵاتیان و هەروەها جێبەجێكردنی‮ ‬دادپەروەرییە لەدابەشكردنی‮ ‬كارەبادا،‮ ‬هەورەها گوتی‮: ‬بۆیە سەرەتای‮ ‬هەڵمەتەكەشمان لەو دوو گەڕەكە دەستپیكرد تا ئەو پەیامە بە هاوڵاتیان بگەیەنین ئێمە لە بڕینی‮ ‬زیدەرۆیی‮ ‬سەر تۆڕەكانی‮ ‬كارەبادا جیاوازی‮ ‬ناكەین و چاوپۆشی‮ ‬لەهیچ بەرپرس و پلەداریك ناكەین كە ئەگەر زیدەرۆیی‮ ‬كردبێت لە سەر تۆڕەكانی‮ ‬كارەبادا،‮ ‬چونكە ئەو هەڵمەتە بە رێنمای‮ ‬خوودی‮ ‬جەنابی‮ ‬سەرۆكی‮ ‬حكومەتی‮ ‬هەریمی‮ ‬كوردستان بەڕێوەدەچێت،‮ ‬خۆشبەختانەش لەیەكەم رۆژی‮ ‬ئەو هەڵمەتەدا كارەكان بەسەركەوتوویی‮ ‬بەڕێوەچوون و هیچ كێشەیەك نەهاتە پێش‮.‬
سوود وەرگرتنی‮ ‬هاوڵاتیان لە وادە دیاریكراوەكە
لەلایەن خۆشیەوە ئەندازیار حوسێن حەمەد قادر بەڕێوەبەری‮ ‬گشتی‮ ‬كارەبای‮ ‬هەولێر سوپاسی‮ ‬ئەو هاوڵاتیانەی‮ ‬كرد كە لەماوەی‮ ‬دوو مانگی‮ ‬رابردوودا سەردانی‮ ‬بەڕێوەبەرایەتی‮ ‬و فەرمانگەكانی‮ ‬كارەبایان كردووەو گرفت و كێشەكانی‮ ‬كارەباكانیان چارەسەر كردووە و بەدەنگ داواكەمانەوە هاتن و ژمارەیەكی‮ ‬زۆر سەردانیان كردین و سەرپێچییەكانیان لادران،‮ ‬هەروەها رایگەیاند لەدوو مانگی‮ ‬رابردوودا بە هەزارەها هاوڵاتی‮ ‬كە خانووەكانیان سەرپێچی‮ ‬بووەو پێوەریان نەبووە سوودیان لەو بڕیارە وەرگرتووە كە پێوەری‮ ‬كارەبایان بۆ دانراوە ئەمە وێڕای‮ ‬ئەوەی‮ ‬سەدان هاوڵاتی‮ ‬كە گرفتی‮ ‬پێوەریان هەبووە گرفتەكانیان چارەسەر كراوە‮.‬
رێوئوینی‮ ‬یاسایی‮ ‬بەرامبەر سەرپێچیكاران
نوێنەری‮ ‬وەزارەتی‮ ‬كارەبا كە‮ ‬یاوەری‮ ‬ئەو هەڵمەتە بوو لای‮ ‬خۆیەوە رایگەیاند‮:‬
هەڵمەتی‮ ‬بڕین و نەهێشتنی‮ ‬سەرپێچیەكانی‮ ‬كارەبا لەهەرسێ پارێزگاكانی‮ ‬كوردستان و ئیدارەی‮ ‬گەرمیان دەست پێدەكات،‮ ‬دوای‮ ‬ئەوەی‮ ‬لەماوەی‮ ‬دوو مانگی‮ ‬رابردوودا كارئاسانی‮ ‬بۆ ژمارەیەكی‮ ‬زۆری‮ ‬ئەو هاوبەشانەی‮ ‬كارەبا كرا كە كێشەو گرفتیان لە پێوەرەكانی‮ ‬كارەبادا هەبوو،‮ ‬لەلایەكی‮ ‬دیكەوە كۆمەڵێك رێوشوێنی‮ ‬یاسایی‮ ‬و دارایی‮ ‬بەرامبەر ئەو كەسانە دەگیرێتەبەر كە بەزێدەڕۆیی‮ ‬كارەبایان راكێشاوە‮ ‬یاخود دەسكاری‮ ‬پێوەرەكانیان كردووە‮.‬
هێزەكانی‮ ‬زێڕەڤانی‮ ‬پۆلیس
جێی‮ ‬باسە لەو هەڵمەتەدا هێزەكانی‮ ‬زێڕەڤانی‮ ‬و پۆلیس و پۆلیسی‮ ‬بەڕێوەبەرایەتی‮ ‬دابەشكردنی‮ ‬كارەبای‮ ‬هەولێر‮ ‬یاوەری‮ ‬تیمەكانی‮ ‬بڕینی‮ ‬سەرپێچی‮ ‬سەر تۆڕەكانی‮ ‬كارەبا بوون و لەیەكەم رۆژیشدا چەندی‮ ‬حالەتی‮ ‬جۆراوجۆری‮ ‬زیدەرۆیی‮ ‬كارەبا تۆماركران و كارەبا له خوودی‮ ‬سەرپێچیكارەكە بردرا و دواتر ناوی‮ ‬تۆماركرا بۆ گرتنەبەری‮ ‬رێوشوینی‮ ‬یاسایی‮ ‬بەرامبەر ئەوانە و سەرچاوەیەكیش لە هەڵمەتەكە پێی‮ ‬راگەیاندین كە بەدواداچوون بۆ ئەوانە دەكریت كە سەرپێچیان كردووە جا سەرپێچییەكە لەسەر تۆڕەكانی‮ ‬كارەبادا بێت‮ ‬یاخوود مۆری‮ ‬سەعاتەكەی‮ ‬دەستكاری‮ ‬كردبیت وە‮ ‬یان لە بن سەعاتەوە كارەبای‮ ‬راكێشابیت،‮ ‬ئەگەر هاتوو سەرپێچیكار دووبارە زێدەرۆیی‮ ‬كردەوە ئەوا دەدریتە دادگا‮.‬