ئا‮: ‬سەرهەنگ نەجمەدین
لەهۆتیلی‮ ‬شیراتۆن لەشاری‮ ‬هەولێر بەئامادەبوونی‮ ‬ئەحمەد ریاز وەزیری‮ ‬وەرزش ولاوان و عەدنان درجال‮ ‬و نەشئەت ئەكرەم‮ ‬یاریزانی‮ ‬پێشووی‮ ‬هەڵبژاردەی‮ ‬عێراق و سەرجەم ئەندامانی‮ ‬یەكێتی‮ ‬ناوەندی‮ ‬تۆپی‮ ‬پێی‮ ‬عێراق كۆبوونەوەیەكی‮ ‬فراوان ئەنجامدرا،‮ ‬لەكۆبۆنەوەكەدا تاوتوێی‮ ‬پرسەكانی‮ ‬وەرزشی‮ ‬عێراق بەگشتی‮ ‬و‮ ‬یەكێتی‮ ‬ناوەندی‮ ‬تۆپی‮ ‬پێی‮ ‬عێراق لەنێوان هەردوولا كرا‮ ‬،‮ ‬لەئەنجامدا‮ ‬كۆبوونەوەكە بەنێوەندگیری‮ ‬ئەحمەد ریاز وەزیری‮ ‬وەرزش و لاوانی‮ ‬عێراق و بەرێوەبەری‮ ‬گشتی‮ ‬وەرزش شێخ شاكر ئەحمەد سمۆ رێكخرا و بەم خاڵانەی‮ ‬خوارەوە كۆبوونەوەكە كۆتایی‮ ‬هات‮. ‬
گرژی‮ ‬و ئاڵۆزی‮ ‬لەنێوان عەدنان درجال و هەردوو ئەندامانی‮ ‬یەكێتی‮ ‬ناوەندی‮ ‬تۆپی‮ ‬پێی‮ ‬عێراق عەلی‮ ‬ئەسەدی‮ ‬و كامل زغەیەر دروست بوو،‮ ‬هەردوو ئەندامەكە هۆڵی‮ ‬كۆبوونەوەكەیان جێهێشت،‮ ‬بەڵام وەزیری‮ ‬وەرزش ولاوان بارودۆخەكەی‮ ‬هێور كردەوە و دووبارە هەردوو ئەندامەكەی‮ ‬گەڕاندەوە نێو هۆڵی‮ ‬كۆبوونەوەكە‮.‬
عەدنان درجال داوای‮ ‬دەستلەكاركێشانەوەی‮ ‬لەسەرجەم ئەندامانی‮ ‬یەكێتی‮ ‬تۆپی‮ ‬پێی‮ ‬عێراق كرد و لەگەڵ دروستكردنی‮ ‬دەستەیەكی‮ ‬كاتی‮ ‬بۆ بەرێوەبردنی‮ ‬كارەكانی‮ ‬یەكێتی‮ ‬تۆپی‮ ‬پێی‮ ‬عێراق و زیادكردنی‮ ‬ئەندامانی‮ ‬دەستەی‮ ‬گشتی‮ ‬یەكێتیەكە لەبەرانبەر كشانەوەی‮ ‬گشت داوا‮ ‬یاساییەكانی‮ ‬لەسەر سەرۆك و جێگری‮ ‬سەرۆك،‮ ‬هەروەها لێخۆشبوون لەئەمینداری‮ ‬گشتی‮ ‬د.سەباح رەزا و ئەندامی‮ ‬لێژنەی‮ ‬تێهەڵچوونەوە ستار زوێر كەئێستا لەبەندیخانە بەند كراون‮.‬
یەكێتی‮ ‬تۆپی‮ ‬پێی‮ ‬عێراق داوایان لەعەدنان درجال كرد بەزووترین كات گشت داوا‮ ‬یاساییەكان بكشێنێتەوە،‮ ‬هەروەها هیچ داوایەكی‮ ‬یاسایی‮ ‬لەسەر سەرۆك وئەندامانی‮ ‬یەكێتیەكە بەرز نەكاتەوە،‮ ‬لەبەرانبەردا‮ ‬یەكێتیەكە بەگشتی‮ ‬دەستلەكاركێشانەوەی‮ ‬خۆیان لەیەكێتی‮ ‬تۆپی‮ ‬پێی‮ ‬عێراق‮ ‬ڕادەگەیەنن‮.‬
دوای‮ ‬جێبەجێ كردنی‮ ‬رێكەوتنەكە لەلایەن عەدنان درجال‮ ‬،‮ ‬ئەوا سەرجەم ئەندامانی‮ ‬لێژنەكە بەگشتی‮ ‬دەستلەكاركێشانەوەی‮ ‬خۆیان ئاراستەی‮ ‬فیفا دەكەن‮ .‬
رێكەوتنەكە لەنێوان هەردوولا رێكەوتنی‮ ‬لەسەر كراوە و بەم هۆیەوەش عەدنان درجال هەموو داوا‮ ‬یاساییەكانی‮ ‬خۆی‮ ‬لەسەر سەرۆك وجێگری‮ ‬سەرۆك كشاندەوە،‮ ‬لەبەرانبەردا ئەندامانی‮ ‬یەكێتیەكە رەزامەندبوون لەسەر دەستلەكاركێشانەوەیان كەئەم‮ ‬یەكشەممەیە ئاراستەی‮ ‬یەكێتی‮ ‬نێودەوڵەتی‮ ‬فیفا كرد‮.‬
ئەم زانیارییانە لەتۆری‮ ‬كۆمەڵایەتی‮ ‬ڕۆژنامەنووسی‮ ‬وەرزشی‮ ‬رێبین رەمزی‮ ‬بەڕێوەبەری‮ ‬راگەیاندنی‮ ‬یانەی‮ ‬هەولێر وەڕگیراوە‮.‬