خه‌بات: ساسان دەروێش - ئەڵمانیا:-
شاجوانی كەسایەتی كوردستان، سەحەر عەبدوڵڵا دەروێش ناسراو بە سەحەر بەدری ، لە دایكبووی ساڵی 1983 ی ناوچەی گەرمیانە و نیشتەجێی شاری كۆڵن لە ووڵاتی ئەڵمانیا ، لە ساڵی 2013 بووە شاجوانی كوردستان ، لە ماوەی كاركردنی و خستنەڕووی پڕۆژە و بیرۆكەی كارەكانی لە بواری ڕێكخراوی و خزمەتكردن بە مرۆڤایەتی لە هەوڵێكی بێ وچاندابوو لەگەڵ ئەوەشدا توانی جێگا دەستی خۆێ دیاری بكە ناوەكەی وەك ئەستێرەیەكی گەش بۆ هەمیشە بدرەوشێتەوە و سەنگەرەكانی پێشمەرگەش لەیاد ناكات و بەپڕۆژەی تایبەت بەسەری كردونەتەوە ، لە دوای وادەی كۆتایهاتنی كارەكانی هەنگاوی بەرە و هونەرەی سینەما و ڕۆڵ بینین وەك ئەكتەر لە چەند فیلیمێكدا درێژەی بەكارەكانی دا لەگەڵ كارەخێرخوازییەكانی ، لە ئێستاشدا لە فیلیمێكی دیكەدا ڕۆڵێ كچە ئەنفالكراوێك دەبینێ،كەئێستا لە كۆتایی هاتنی وێنەگرتنیەتی و فیلیمێكی درێژی سینەماییە بەناوی بیتار، سەحەر بەدری دەرباەی ئەم كارەهونەرییە بۆ خەبات دوا.
سەحەر بەدری گوتی: بەهۆی ئەزموون و بەشداریكردنم لە ڕابردوودا لەوچەند فیلیمەدا ، ئەم جارەش لەلایەن دەرهێنەری سینەمایی پڕ لە ئەزمون جەمیل ڕۆستەم داوای لێكردم ڕۆڵی كچە ئەنفالكراوێك بەرجەستە بكەم لە فیلیمێكدا كەباس لە خەبات و شۆڕشی گەلی كورد و خۆڕاگری هێزەكانی پێشمەرگەی كوردستان دەكات دژ بەچەكدارانی ڕێكخراوی تیرۆریستی داعش لە ماوەی سەرهەڵدانی ئەو رێكخراوە لە عێراق و كوردستان دەكات ، خۆم وەك عاشقێكی سینەما و نواندن هەمیشە خەونم بووە كە بتوانم ڕۆژێك بگەمە ئەو جیهانە فراوانەی هونەر كە بۆ ئێمەی كورد كلیلی كردنەوەی دەرگاكانە بۆ نێو ماڵەكان وگەیاندنی پەیامی نەتەوەیمان كە خۆیی لەخۆیدا شۆڕشێكە بەهونەر.
پاشان سەحەر گوتیی : لە كاتی بوونم بەكەسایەتی شاجوانی كوردستان زۆر داوام لێدەكرا كە بەشداربم لە نواندن لە چەند فیلیمێكدا، بەڵام لە دوای تاوتوێكردنی چیرۆكەكانیانم بەدڵ نەبوو ، بۆیە قبوڵم نەكردوە. دەمویست لەگەڵ ویست و ئارەزوم بگونجێ ئینجا بڕیاربدەم ئەوەش لەوكاتەدا هاتەدی ، هەروەها سەرحەر لە درێژەی وتەكانیدا گوتیشی ، بۆ بەشداربوونم لەم فیلمە وپێدانی ڕۆڵی سەرەكی وەك كچە ئەنفالكراوێك ، ڕۆڵی سەرەكیم وەرگرت ، كاتێك دەقەكەیان بۆ ناردم و خوێندمەوە لە كەسایەتی مندا بەرجەستەبێ كە كچەكە هیچ كەسوكاری نەماوە و پیاوێك ئەركی بەخێوكردنی لە ئەستۆ گرتوە ، كە ئەم دەقە زۆر نزیك بوو لە ژیانی ڕاستەقینەی خۆم و هاوشێوەی ئەوكچە ، دەرهێنەرەكەش ئەو ڕاستیەی دەزانی دەربارەی ژیانی من كە منیش باوك و دایكم نیە ولەلای كەسێكی تر پەروەردەكراوم ، بۆیە منی هەڵبژارد بۆ ئەو ڕۆڵە ، كچەكە زۆر ئازاییە لە ناخی خۆیدا و زۆر بەهێزە بۆ ڕاگرتنی كەسایەتی خۆی و بەرەنگاربوونەوەی بەرامبەر ئەو سەختیانەی كە ڕووبەڕووی دەبوونەوە زیاتر بڕوای بەخۆی و ژیان دەبوو بەرەو ئاواتەكانی و خەونەكانی هەنگاوی دەبڕی.
لە كۆتایشدا سەحەر ئاماژەی بەتەواوبوونی وێنەگرتنی فیلیمەكە داو گوتی: لە ئێستادا فیلیمەكە ئامادەییەو كۆتایی هات بە وێنەگرتن كە زۆربەیان لە شارەكانی ڕۆژهەڵاتی كوردستان بوون بەتایبەتی شاری سنە كە ماوەی سێ مانگی خایاند و من لەوێ مامەوە تاكۆتای زۆربەی زۆری ستافەكەش هەموویان ئێرانی بوون تەنها من و دوو هونەرمەندی دیكە كورد بووین لەگەڵیان ، بەهیوام لە فیستیڤاڵە نێودەوڵەتیەكان خەڵات وەرگرێ و خۆم ئامادەبكەم بۆ كاری بەرزتر و جوانتر سوپاس بۆ ستافی ڕۆژنامەی خەبات كە بەهەمیشەیی بەسەریان كردومەتەوە.
