خه‌بات‮: ‬سەید فاتیح بەرزنجی:-
بەگووتەی‮ ‬ئەندازیار دانا عەبدولكەریم وەزیری‮ ‬ئاوەدانكردنەوەو نیشتەجێكردن لەچوارچێوەی‮ ‬كارو بەرنامەی‮ ‬حكوومەتی‮ ‬هەرێم،‮ ‬كە دانراوە بڕیار وایە لەبەرنامەی‮ ‬تازەی‮ ‬حكوومەتی‮ ‬هەرێم‮ ‬9 ‮ ‬هەزار پڕۆژەی‮ ‬یەكەی‮ ‬نیشتەجێكردن تەواو بكرێن و‮ ‬3 هەزار‮ ‬یەكەی‮ ‬نیشتەجێكردنی‮ ‬نوێ ئەنجام‮ ‬بدرێن ئەو هەنگاوەش لە پێناو خزمەت گەیاندنە بە خەڵكی‮ ‬كەمدەرامەت و كرێنشین‮. ‬دەربارەی‮ ‬وردەكاری‮ ‬زیاتری‮ ‬ئەو پڕۆژەیە ئەندازیار دانا عەبدولكەریم وەزیری‮ ‬ئاوەدانكردنەوەو نیشتەجێكردن‮ ‬ڕوونیكردەوە‮:‬

ئەندازیار دانا عەبدولكەریم وەزیری‮ ‬ئاوەدانكردنەوەو نیشتەجێكردن گوتی‮: ‬وەزارەتی‮ ‬ئاوەدانكردنەوەو نیشتەجێكردن وێڕای‮ ‬ئەنجامدانی‮ ‬پڕۆژەكانی‮ ‬ڕێگاوبان لە چوارچێوەی‮ ‬كارو بەرنامەی‮ ‬تازەی‮ ‬حكوومەتی‮ ‬هەرێم گرنگیدانە بە پڕۆسەی‮ ‬ئاوەدانكردنەوەو نیشتەجێكردن ئەویش لە چوارچێوەی‮ ‬پلانی‮ ‬چوارساڵەی‮ ‬وەزارەت كە پێشكەشی‮ ‬ئەنجوومەنی‮ ‬وەزیرانی‮ ‬هەرێمی‮ ‬كوردستانی‮ ‬كردووە بریتییە لە دوو قۆناغ‮ ‬و قۆناغی‮ ‬یەكەم بریتییە لە تەواوكردنی‮ ‬پڕۆژە وەستاوەكان و قۆناغەكەی‮ ‬دیكەیش بریتییە لە دروستكردنی‮ ‬پڕۆژەی‮ ‬نوێ،‮ ‬لە ئێستاشدا‮ ‬3 ‮ ‬هەزار‮ ‬یەكەی‮ ‬نیشتەجێكردنمان لە بواری‮ ‬جێبەجێ كردندایەو بەشێك لە وانە وەستاون بۆیە داوامان لە ئەنجومەنی‮ ‬وەزیرانی‮ ‬هەرێم كردووە بۆ تەرخانكردنی‮ ‬بودجە بۆ ئەو‮ ‬پڕۆژانەی‮ ‬كە كاریان تیاوەستاوە جگە لەو‮ ‬9 ‮ ‬هەزار‮ ‬یەكەیەش بڕیاروایە لەماوەی‮ ‬ئەو چوارساڵەدا‮ ‬3 ‮ ‬هەزار‮ ‬یەكەی‮ ‬دیكەی‮ ‬نوێ دروست بكەین و واتا هەموو پڕۆژەكان‮ ‬خۆی‮ ‬لە نزیكەی‮ ‬12‮ ‬هەزار‮ ‬یەكەی‮ ‬نیشتەجێبوون دەدات بە پڕۆژەی‮ ‬تەواو نەكراو و پڕۆژەی‮ ‬نوێ،‮ ‬هەموو هەوڵێك دەدەین بۆ ئەوەی‮ ‬پڕۆژەكان تەواو بكەین‮.‬

دواتر ئەندازیار دانا عەبدولكەریم وەزیری‮ ‬ئاوەدانكردنەوەو نیشتەجێكردن باسی‮ ‬ئەوەشی‮ ‬كردو گوتی‮: ‬ئێمە لە وەزارەتی‮ ‬ئاوەدانكردنەوەو نیشتەجێكردن هەوڵی‮ ‬ئەوەش دەدەین كە ئەو پڕۆژانەی‮ ‬كەتەنها خزمەتگوزاریان ماوە‮ ‬تەواو بكرێن ئەو هەنگاوەش‮ ‬یەكێك دەبێت لە كارە گرنگ و لە پێشینەكانی‮ ‬وەزارەتی‮ ‬ئاوەدانكردنەوەو نیشتەجێكردن و چاوەڕوانی‮ ‬بودجە دەكەین بۆ ئەوەی‮ ‬پڕۆژەكان تەواو بكەین و زۆر خۆشحاڵین كە قۆناغی‮ ‬یەكەمی‮ ‬ئەو بودجەیە كە تەرخانكرابوو كارەكان دەستیان پێ كردۆتەوەو تیمەكانی‮ ‬وەزارەتی‮ ‬ئاوەدانكردنەوە بەهاوبەشی‮ ‬لەگەڵ ئەو بەڵێندەرانەی‮ ‬كە ئەو پڕۆژانەیان لەلایە‮ ‬كار لە پڕۆژەكان دەكەن و لەو قۆناغەدا نزیكەی‮ ‬5 ‮ ‬ملیار تەرخانكراوە بۆ تەواو كردنی‮ ‬خزمەتگوزاری‮ ‬ئەو‮ ‬یەكانەو دوای‮ ‬تەواو بوونی‮ ‬كاربۆ دابەشكردنی‮ ‬یەكەكان بە شێوەیەكی‮ ‬عادیلانە دەبێت.

‮ ‬شایانی‮ ‬باسە پڕۆسەی‮ ‬دروستكردنی‮ ‬یەكەی‮ ‬نیشتەجێكردن لەساڵی‮ ‬2011 ‮ ‬لە پەرلەمانی‮ ‬كوردستان بەیاسای‮ ‬ژمارە‮ ‬7ی‮ ‬دروستكردنی‮ ‬یەكەی‮ ‬نیشتەجێكردن‮ ‬بۆ خەڵكی‮ ‬هەژارو كەم دەرامەت دەرچوو بڕیار وابوو ساڵانە‮ ‬250 ‮ ‬ملیار بۆ دروستكردنی‮ ‬5 هەزار‮ ‬یەكەی‮ ‬نیشتەجێكردن تەرخان بكرێت بەڵام لەبەر هۆكاری‮ ‬قەیرانی‮ ‬دارایی‮ ‬نەتوانرا‮ ‬كارەكان تەواو بكرێن و دیارە ئەوپڕۆسەیەی‮ ‬یەكەی‮ ‬نیشتەجێكردن‮ ‬ئەو خەڵكانە دەگرێتەوە كە هاوسەردارن و داهاتیان كەم و سنووردارەو هەموو هاووڵاتیەك دەگرێتەوە بەو مەرجەی‮ ‬دانیشتووی‮ ‬ئەو شارە بێت و لە پێشینەی‮ ‬خانووبەرە سوودمەند نەبووبێت و هیچ‮ ‬یەكەیەكی‮ ‬نیشتەجێ بوونی‮ ‬بەناو نەبێت و لە هیچ‮ ‬یەكەیەكی‮ ‬نیشتەجێ بوونی‮ ‬وەبەرهێنانیش سوودمەند نەبووبێت و ئەو هاووڵاتیانەی‮ ‬كە سوودمەند دەبن لەو‮ ‬یەكانە بەبێ پێشەكی‮ ‬و بەبێ وەرگرتنی‮ ‬هیچ زیادەیەك‮ ‬یەكەیەكەی‮ ‬پێ دەدرێت و‮ ‬ڕێگەش نادرێت تا‮ ‬10 ‮ ‬ساڵ ئەو‮ ‬یەكانە بفرۆشرێنەوە‮.‬