خالد ئەحمەد بادی
پترە ژهەیڤەكێ خونیشاندانێن جەماوەری‮ ‬یێن دژوار ل عیراقێ دهێنە ئەنجام دان ل پتریا پارێزگەهێن عیراقێ‮ ‬یێن شیعی‮ ‬وهندەك باژیرێن دی‮ ‬یێن سنی‮ ‬ژی‮ ‬كو درویشم وگازی‮ ‬ولافیتە وئاراستەیێن وانان كو رەوشا ئابوری‮ ‬لاوازو كەفتی‮ ‬یە‮.‬
پاشان درویشم هاتنە گهورین وئیكسەر درویشم وداخوازیێن وانان بونە دەست ژكاركێشانا سەروك وەزیران‮ (‬عادل عبدالمهدی‮) ‬وئەڤە ئەگەر سەیری‮ (‬بعد السیاسی‮) ‬دویریەكا سیاسی‮ ‬رامیاری‮ ‬یا كویر بدەینی‮ ‬ول دیروكێ بزڤرین دێ بینین كو پرسێن جودا جودا‮ ‬یێن هاتینە دناڤ پرسگرێكێ دا ئانكو هاتینە دناڤ خونیشاندانان دا وئەوژی‮ ‬بێ گومان پرسێن مەزهەبی‮ ‬وتائیفی‮ ‬ونەتەوەیی‮ ‬وئایینی‮ ‬وهەرێمی‮ ‬نە كو بوینە ئەگەرێ وێ چەندێ خونیشاندەر درویشمێن خو بگهورن بو هندەك ئاراستەیێن بگرنە بەر‮ .‬بوچی‮ ‬ئاراستەیا خونیشاندەران بو وێ چەندێ هات گهورین كو عادل عبدالمهدی‮ ‬سەروكێ جڤاتا وەزیرێن عیراقا فیدرال دەست ژكار بكێشیت بەرسڤ ژی‮ ‬یا ئاشكەرایە چونكە بەرێز عادل عبدالمهدی‮ ‬نەرمیەك بەرامبەر كوردان وهەرێما كوردستانێ نیشان ددا ئەگەر نە هەر سیاسەت وبوچون وئاراستەیا پتریا حوكمرانێن عیراقا فیدرال نیمچە توندی‮ ‬ورەگەزپەرستیەك تێدا هەیە وئەو قەنجی‮ ‬وباشی‮ ‬وهاریكاریێن مللەتێ كورد و سەركردایەتیا كوردان بتایبەت لدەمێن شورەشا گولانا پێشكەفتنخواز وقوناغا پشتی‮ ‬سەرهلدانا‮  ‬1991‮)‬ بو ئوپوزسیونا عیراقێ كری‮ ‬وهاریكاریێن راستەوراست بەرامبەر پارت ولایەن وكەسایەتی‮ ‬وسەركردێن عیراقێ ئانكو ئوپوزسیونا عیراقێ كری‮ ‬ئەڤا نوكە ل عیراقێ هەیی‮ ‬كو دەستهەلات ددەستێ وانان دایە وبەرامبەر باشی‮ ‬وقەنجی‮ ‬وسوباسیكرنێ گەهشتە وی‮ ‬رادەیی‮ ‬كو مافێن رەوایێن مللەتێ كوردو دوزا كوردی‮ ‬بن پێ بكەن وپێل هەمی‮ ‬عورف وتیتال ویاسایا بكەن وهیرشێن ب توپ وتانك وزریپوش وموشەكان بكەنە سەر وەلاتیێن بێ گونەه‮ ‬یێن كورد لهەرێما كوردستانێ‮ . ‬لعیراقا فیدرال بتنێ ناڤ وسەروچاڤ هاتینە گهورین ئەگەر عەقلیەت وسیاسەت هەر‮ ‬یەكەو ب زەحمەت بهێن گهورین چونكە ب شاشی‮ ‬هاتینە پەروەردەكرن‮ .‬بابەتێ مە لڤێرە لدور خونیشاندانێن عیراقێ نە وگهورینا حكومەتا عادل عبدالمهدی‮ ‬وگهورینا سیستەمی‮ ‬ب رێكێن‮ ‬یاسایی‮. ‬ئەگەر نە بوچی‮ ‬عیراقیێن شارەزا ودلسوز،‮ ‬بوچی‮ ‬لدەمێ نوری‮ ‬المالكی‮ ‬خونیشاندان نە دكرن و مالكی‮ ‬عیراق بەرەف ئاراستەیەكا خراب بر؟‮. ‬وبوچی‮ ‬لدەمێ عەبادی‮ ‬كو زمانێ چەكی‮ ‬وگەفان كریە زمانێ فەرمی؟‮!‬،‮ ‬چونكە بریار ل سەری‮ ‬هاتیە دان ژلایێ خودانێن عەمامێن بلند وبریار ل ئیرانێ دەردكەڤیت ولعیراقێ بنە جه وجێ بەجێ دبن‮. ‬ئیران رولەكێ سحری‮ ‬لدەڤەرا روژهەلاتا ناڤەراست دگێریت ومایتێكرنان دهەمی‮ ‬حكومەات و وەلاتان دا دكەت وبتایبەت عیراقا گەنی‮ ‬بویە عەبد وهەمی‮ ‬بریارێن وانان بجه دئینیت‮ .‬لرێكەفتی‮ (‬29‮/‬11‮/‬2019‮) ‬مەرجەعیەتا شیعی‮ ‬فەتوا بو عادل عبدالمهدی‮ ‬لێدا كو داخازا دەستلكاركێشانا خو بكەت وئێكسەر عادلی‮ ‬ژی‮ ‬ب دلەكێ پر كەیف وشاد بەرسف دا وفەرمان جه بجه كر ودەستلكاركیشانا خو پێش كێش كر وهزر ناكەت كو ئەوی‮ ‬سیاسیا خو ژناڤبر وهەر وەسان ئەو دەنگێن عادل بریە دەستهەلاتی‮ ‬خیانەت ل وانان كر‮. ‬یا دبیتە جهێ پرسیارێ مەرجەع‮ ‬یان سەروك وەزیر‮ ‬یان سەروك دەستهەلاتدارە جهێ مەترسیێ كو دێ پروسا سیاسی‮ ‬لعیراقێ بەرەف ئالوزیێن مەزنتر ڤە چیت وپروسە دێ بەرەف ئاقارێن خراب وشاش ڤە چیت ومەترسیا شەرێ مەزهەبی‮ ‬وناڤخویی‮ ‬ژی‮ ‬هەیە ودێ روژێت هاتی‮ ‬پترێ بو مە دیار كەت‮.‬