راپۆرتی‮: ‬مسلم دۆلەمەری‮ ‬
بارزان كەهەمیشە لانكەی‮ ‬كوردایەتی‮ ‬و شۆڕەش و بەرخودان بووە خاوەن زۆرترین قوربانی‮ ‬بووە لە گشت بوارێكدا بەتایبەتی‮ ‬لێكدابڕانی‮ ‬و ئاوارەی‮ ‬ودەربەدەری‮ ‬دانیشتووانی‮ ‬ناوچەكە گرینگترین و بەجیهان ناساندنی‮ ‬مێژووی‮ ‬گەلی‮ ‬كورد رێرەوە مێژوویەكەی‮ ‬بارزانیی‮ ‬نەمر و هەڤاڵانی‮ ‬بووە بۆ‮ ‬یەكێتی‮ ‬سۆڤیەتی‮ ‬پێشوو كەبووە ناساندنی‮ ‬گەلی‮ ‬كورد بە جیهان و شۆڕەشە پڕ‮ ‬لە خەبات وسەروەری‮ ‬بارزان بەسەركردایەتی‮ ‬بارزانی‮ ‬نەمر،‮ ‬كە ئەمەش بووە هۆی‮ ‬ئەوەی‮ ‬كە بارزانیی‮ ‬نەمر و هەڤاڵانی‮ ‬بۆ چەندین ساڵ لە سۆڤیەتی‮ ‬پێشوو دوورە وڵات و دوور لە كەسوكاریان ژیان بەسەرببەن بۆ گەیشتن بە ئامانجەكانی‮ ‬شۆڕەش‮. ‬ جا بەهۆی‮ ‬ئەم دوورە وڵاتییەوە چەندین پێشمەرگەی‮ ‬هەڤاڵی‮ ‬بارزانیی‮ ‬نەمر لە‮ ‬یەكێتی‮ ‬سۆڤیەتەوە خێزانیان پێكهێناو لە ساڵی‮ ‬1959 لەگەڵ خۆیان هێنانەوە بۆ كوردستان،‮ ‬جا ئێستا دوای‮ ‬60 ‮ ‬ساڵ لە دووری‮ ‬یەكێك لە خێزانی‮ ‬هەڤاڵانی‮ ‬بارزانی‮ ‬نەمر كە ناوی‮ (‬گوڵ حەسەن محەمەد‮) ‬و دانیشتوی‮ ‬شارۆچكەی‮ (‬بلێ‮)‬ی‮ ‬سەر بە ناحیەی‮ ‬بارزانە بە كەسوكاری‮ ‬شادبووەوە،‮ ‬كە ئەویش سێ لە خوشكەزاكانی‮ ‬بوون‮. ‬كە لەم راپۆرتەدا بەم شێوەیە هەرسێكیان هەست و سۆزی‮ ‬60 ‮ ‬ساڵی‮ ‬دووریان بۆ خەبات دەربری‮.‬ سەرەتا محەمەد سەفەر عەزیز گوتی‮: ‬من دانیشتوی‮ ‬باژێری‮ (‬كرم جانكۆ)م لە رووسیا كە ئەوە‮ ‬60 ‮ ‬ساڵە و لەو كات منداڵێكی‮ ‬بچوك بووم و لەیادم نییە كە خالەتم شووی‮ ‬بە‮ ‬یەكێك لە هەڤاڵانی‮ ‬بارزانی‮ ‬نەمر كردبوو بە ناوی‮ ‬ئاغا كە وەكو شۆڕەشگێری‮ ‬كورد هاتبوونە روسیا باب و باپیرانمان زۆر بەشانازیەوە خزمەتی‮ ‬بارزانیی‮ ‬نەمرو هەڤاڵانیان كردووە لەو كات چونكە ئێمەش كوردین و بە شانازیەوە خزمەت بە گەل وخاكمان دەكەین نموونەی‮ ‬كوردبوون و خۆشەویستی‮ ‬وڵاتپارێزیمانیش ئەم شێرە ژنانەن كە ئەمڕۆ هاتوین دوای60 ‮ ‬ساڵ لە دووری‮ ‬دەست و قاچی‮ ‬ماچ دەكەین،‮ ‬چونكە ئەو خالەتمانە و ئێمەش بە دایكمانی‮ ‬دەزانین لەبەر ئەوەی‮ ‬كە دایكمان لە ژیان نەماوە بەداخەوە دایكم تا مردیش بە ئاوات بوو خوشكی‮ ‬ببێنێت‮ ‬یان تەنها بزانێت كەلە ژیان ماوە‮ ‬یان نە،‮ ‬بەڵام ئەو نەیدیت، هەرچۆنێك بێت ئێمە پێی‮ ‬شادبووینەوە و زۆر زۆر دڵخۆشین‮. ‬جگە لەوە ئەمڕۆ كە زۆر دڵخۆشم ئەویش بە بینینی‮ ‬كوردستانێكی‮ ‬ئازاد و بە بینینی‮ ‬ئاڵای‮ ‬بەرزی‮ ‬كوردستانە لە هەر شوێنێك بە راستی‮ ‬ئێستا زانیم كە ئێمەش خاوەنی‮ ‬وڵاتێكی‮ ‬ئازاد و سەربەخۆی‮ ‬خۆمانین ئێستا زانیم كە بەرهەمی‮ ‬بارزانی‮ ‬نەمر و هەڤالانی‮ ‬گەیشتۆتە لوتكە پڕ‮ ‬بە دڵ دەڵێم پیرۆزە و بەراستی‮ ‬دەڵێم ناتوانم چۆن وەسفی‮ ‬ئەو خۆشیە بكەم كە بە وڵاتی‮ ‬ئازادی‮ ‬خۆم شادبوومە‮. ‬هەروەها شادبوونەوە و بە خزمەكانم كوڕخالەتم،‮ ‬كچ خالەتم،‮ ‬نەوەكانیان،‮ ‬خزمانیان هەموویان لێرەدا سوپاسی‮ ‬بێپایانی‮ ‬هەمولایەك دەكەم و هیوای‮ ‬سەركەوتن بۆ حكومەتی‮ ‬خۆمان دەخوازم هیوای‮ ‬ئازادبوونی‮ ‬هەرسێ پارچەكانی‮ ‬تری‮ ‬كوردستان دەخوازم و هیوادارم و داواكاریشم لە حكومەتی‮ ‬هەرێمی‮ ‬كوردستان كە كارئاسانیمان بۆ بكات بۆ ئەوەی‮ ‬بە ئاسانی‮ ‬سەردانی‮ ‬كوردستان و كەسوكارمان بكەین‮.‬ هەروەها نارخانم سەفەر عەزیزیش گوتی‮ :‬‮ ‬من وابیر دەكەم كە ئەمڕۆ هاتومەتە ژیان چونكە دوای‮ ‬60 ‮ ‬ساڵ بە خۆشەویسترین كەسی‮ ‬ژیانم شادبوویمەوە كە ئەویش خالەتمە گوڵ چونكە باش بیرم دێتەوە و هەمیشە لەبەرچاوم بووە و لەنێو دڵم بووە ئەو كاتەی‮ ‬كە تەمەنم تەنها شەش ساڵ بوو كە خالەتم لەگەڵ ئاغای‮ ‬هاوسەری‮ ‬لەگەڵ بارزانیی‮ ‬نەمر گەڕانەوە كوردستان من بەدوام رادەكرد و دەمگوت گوڵ مەڕۆ‮. ‬نانم پێبدە چونكە لە منداڵی‮ ‬ئەو منی‮ ‬زۆر خۆشدەویست و بەردەوام خواردنی‮ ‬پێدەدام بۆیە ئەوە‮ ‬60 ‮ ‬ساڵە من هەر چاوەڕوان بووم كە بێتەوە و نانم پێبدات بەداخەوە دایكیشم هەروا چاوەڕوان بوو سەری‮ ‬نایەوەو خوشكی‮ ‬خۆی‮ ‬نەبینی،‮ ‬بە هەرحاڵ ئەمڕۆ بە بینینی‮ ‬كوردستانی‮ ‬ئازاد و پێشوازی‮ ‬گەرمی‮ ‬هەموو لایەك بەتایبەتی‮ ‬خزمەكانمان كە بە سەربڕینی‮ ‬گیاندارێك لەژێرپێیەكانمان پێشوازیان لێكردین زۆر هەستم بە خۆشی‮ ‬و سەربەرزی‮ ‬كردووە من هەست دەكەم دایكم هاتۆتەوە ژیان چونكە بۆنی‮ ‬دایكم لەخاڵەتم دەكەم بەراستی‮ ‬لە خۆشی‮ ‬و ماوەی‮ ‬60 ‮ ‬ساڵە چاوەكانم لە رۆندك و شك نابن ئینشائەڵا هەموو خزم و كەسێك بە‮ ‬یەكتر شاددەبنەوە ئینشائەڵا كەس لە دووری‮ ‬وغەریبی‮ ‬نەمێنێتەوە و هیوادارم رۆژێك بێت حكومەتی‮ ‬هەرێمی‮ ‬كوردستان كارئاسانیمان بۆ بكات و ئێمەش بتوانین بێینەوە كوردستانی‮ ‬خۆمان و ئەو تەمەنەی‮ ‬كە ماومانە لە باوەش وڵاتی‮ ‬خۆمان بەسەر ببەین دووبارە سوپاس بۆ خودای‮ ‬گەورە كە ئێمەی‮ ‬بەیەكتر شادكردینەوە‮.‬ لە كۆتاییدا بەشیر بالابیك گوتی‮:‬‮ ‬من لە ئوكڕانیا دەژیم بەڵام ئاواتمە رۆژێك بێت و بگەڕێمەوە باوەشی‮ ‬كوردستانی‮ ‬خۆشەویست و بە ئازادی‮ ‬لە وڵاتی‮ ‬خۆم بژیم، چونكە ئەوە60 ‮ ‬ساڵە ئاواتم بووە كە هاتەدی‮ ‬دی‮ ‬و بە وڵات ز بینینی‮ ‬پووری‮ ‬خۆشەویستم شادبوزومەوە‮. ‬ئەویش ئەمڕۆ بووە بێمەوە وڵاتم وبەخالەتی‮ ‬خۆشەویستم وڵاتی‮ ‬خۆم شادببەوە بەراستی‮ ‬لەبەیانیەوە چاوەكانم لە گریان وشك نەبونەتەوە لە خۆشی‮ ‬ئەوەی‮ ‬كە ئاڵای‮ ‬خۆم لەسەر گشت چیاكان و باڵەخانەكان بەشەكاوەیی‮ ‬دەبینم لەبەرئەوەی‮ ‬كە كولتووری‮ ‬رەسەنی‮ ‬كوردی‮ ‬خۆم دەبینم لەبەرئەوەی‮ ‬میلەتی‮ ‬خۆم بەئاینی‮ ‬پاكی‮ ‬ئیسلام دەبینم بەراستی‮ ‬لە خۆشیانا ناتوانم چی‮ ‬بڵێم،‮ ‬چونكە پێشوازی‮ ‬گەلەكەم بەگشتی‮ ‬و خزمەكانم بەتایبەتی‮ ‬منی‮ ‬بردۆتە دونیایەكی‮ ‬تر،‮ ‬من بۆنی‮ ‬دایكم لەخوشكی‮ ‬دایكم دەكەم و وادەزانم منداڵم و تازە بەتازە لەباوەشی‮ ‬دایكم خەریكە سەرخەو بشكێنم لێرەوە بەگۆڕی‮ ‬دایكم دەڵێم دایەگیان من لەجیاتی‮ ‬تۆش تێرتێر دەست و چاوی‮ ‬خوشكت ماچدەكەم،‮ ‬تێرتێربۆنی‮ ‬قژەخاوی‮ ‬بەفراوی‮ ‬دەكەم60 ‮ ‬ساڵ چاوەڕێی‮ ‬ئەم رۆژەین منداڵ بووم ئێستاش وا بەرەو پیریم‮ ‬،بەڵام شوكر بۆ خودا ئاواتم هاتە دی‮. ‬هەروەها ئاواتی‮ ‬بابیشم بەجێ دێنم كە زۆر زۆر هاوڕێی‮ ‬بارزانی‮ ‬نەمر بووە لە سۆڤیەت‮ . ‬ئەویش ئەوەیە كە خوا‮ ‬یار بێت سەردانی‮ ‬گۆڕی‮ ‬بارزانیی‮ ‬نەمر دەكەین و سەری‮ ‬رێزو نەوازشی‮ ‬بۆ دادەنوێنین پێی‮ ‬دەڵێین هاتووین و دووپاتی‮ ‬دەكەینەوە،‮ ‬كە ئێمەو نەوەكانی‮ ‬ئێمەش قەرزداری‮ ‬خەباتی‮ ‬تۆین وهەمیشە لەسەر رێبازی‮ ‬پیرۆزی‮ ‬تۆ بەردەوام دەبین‮.‬