پارێزەر عومەر سەیدزادە
لەسەر داوای‮ ‬خۆپیشاندەرانی‮ ‬عێراق پەرلەمانی‮ ‬عێراق لیژنەیەكی‮ ‬پێكهێناوە بۆ پێداچوونەوە بە دەستوور بەمەبەستی‮ ‬هەمواركردنەوەی،‮ ‬خەڵكی‮ ‬كوردستانیش جۆرێك نیگەرانی‮ ‬دایگرتوون،‮ ‬چونكە لە بەغداوە جاربەجار دەنگی‮ ‬نەشاز دژ بە مافەكانی‮ ‬خەڵكی‮ ‬كوردستان دەبیسترێت و هەندێ سیاسەتوان و پەرلەمانتاری‮ ‬عێراقیش بە ئاشكرا دژایەتی‮ ‬خۆیان بۆ فیدراڵی‮ ‬و مافەكانی‮ ‬خەڵكی‮ ‬كوردستان دەربڕیوە،‮ ‬ترس هەیە ئەوانە ئەم هەلە بقۆزنەوەو لە جیاتی‮ ‬قووڵكردنەوەی‮ ‬دیموكراسییەت سیستەم بەرەو سەنترالیزم ببەن،‮ ‬لەسەر حیسابی‮ ‬مافەكانی‮ ‬كورد و خەڵكی‮ ‬كوردستان،‮ ‬جا ئایا دەتوانن ئەمە بكەن؟ ئایا عەرەب بە پشبەستن بە زۆرینەیان لەناو پەرلەمانی‮ ‬عێراق و لەسەر ئاستی‮ ‬عێراق، دەتوانن هەمواركردنەكە بە دڵی‮ ‬خۆیان ئەنجام بدەن و بەسەر خەڵكی‮ ‬كوردستانیشی‮ ‬بسەپێنن؟ ئەوانە ئەو پرسیارانەن ئەمڕۆ مێشكی‮ ‬زۆربەی‮ ‬خەڵكی‮ ‬كوردستانیان داگیركردووەو بە دوای‮ ‬وەلێمیدا دەگەڕێن،‮ ‬لێرەشدا ئێمە دەمانەوێ وەلێمێكی‮ ‬ئەو پرسیارانە بدەینەوە،‮ ‬بۆ وەڵامدانەوەشیان پێویستە سەرەتا ئەو میكانیزمە روون بكەینەوە كە دەستووری‮ ‬عێراق دەستنیشانی‮ ‬كردووە بۆ ئەنجامدانی‮ ‬هەمواركردنەوەی‮ ‬دەستوور‮.‬ لە دەستووری‮ ‬هەمیشەیی‮ ‬عێراقدا دوو ماددە باس لە چۆنیەتی‮ ‬ئەنجامدانی‮ ‬دەستوور دەكەن،‮ ‬ئەوانیش ماددەكانی‮ (‬126‮)‬و ماددەی‮ (‬142‮)‬ن،‮ ‬واچاكترە سەرەتا دەقی‮ ‬ماددەكان وەك خۆیان بنووسینەوە،‮ ‬لەگەل روونكردنەوەیەكی‮ ‬كورت دەربارەی‮ ‬ناوەڕۆكەكەی‮:‬ ماددەی‮ ‬126‮ ‬دەستوور‮:‬ یەكەم‮: ‬بۆ سەرۆك كۆما رو ئەنجومەنی‮ ‬وەزیران هەیە پێكەوە‮ ‬یاخود بۆ‮ ‬پێنج‮ ‬یەكی‮ (‬5/1‮) ‬ئەندامانی‮ ‬ئەنجومەنی‮ ‬نوێنەران هەیە پێشنیاری‮ ‬هەمواركردنی‮ ‬دەستوور بكەن‮.‬ دووەم‮: ‬ناكرێت پرەنسیپە بنەڕەتییەكانی‮ ‬هاتوو لە دەروازەی‮ ‬یەكەم و ماف و ئازادییەكانی‮ ‬هاتوو لە دەروازەی‮ ‬دووەم لە دەستوور هەموار بكرێن تەنها لە دوای‮ ‬دوو خولی‮ ‬هەڵبژاردنی‮ ‬یەك لە دوای‮ ‬یەك نەبێت و لەسەر بنەمای‮ ‬رەزامەندی‮ ‬دوو لەسەر سێ‮ (‬3/2‮)‬ی‮ ‬ئەندامانی‮ ‬ئەنجوومەنی‮ ‬نوێنەران و رەزامەندی‮ ‬گەل لەسەری‮ ‬بە راپرسی‮ ‬گشتی‮ ‬و پەسەندكردنی‮ ‬سەركۆمار لە ماوەی‮ ‬حەوت رۆژدا‮.‬ سێیەم‮: ‬ماددەكانی‮ ‬تری‮ ‬كە لە بەندی‮ (‬دووەم‮)‬ی‮ ‬ئەم مادەیە نەهاتووە نابێت هەموار بكرێن بەبێ رەزامەندی‮ ‬دوو لەسەر سێی‮ ‬ئەندامانی‮ ‬ئەنجومەنی‮ ‬نوێنەران و رەزامەندی‮ ‬گەل بە رێگەی‮ ‬راپرسی‮ ‬و پەسەندكردنی‮ ‬لەلایەن سەرۆك كۆمارەوە لە ماوەی‮ ‬حەوت رۆژدا‮.‬ چوارەم‮: ‬نابێت هیچ‮ ‬هەموار كردنێك لە ماددەكانی‮ ‬دەستوور بكرێن كە ببێتە هۆی‮ ‬كەمكردنەوەی‮ ‬دەسەلێتەكانی‮ ‬هەرێمەكان،‮ ‬ئەو دەسەلێتانەی‮ ‬تایبەت نین تەنها بە دەسەلێتی‮ ‬فیدرالیەوە، بەبێ رەزامەندی‮ ‬دەسەلێتی‮ ‬یاسادانان لە هەرێمی‮ ‬پەیوەندیدار و رەزامەندی‮ ‬زۆرینەی‮ ‬دانیشتووانەكەی‮ ‬بە رێگەی‮ ‬راپرسی‮. ‬ پێنجەم‮:- ‬أ-هەمواركردنەكە بە پەسەندكراو دادەنرێت لەلایەن سەرۆك كۆمارەوە لە دوای‮ ‬كۆتایی‮ ‬هاتنی‮ ‬ئەو ماوەیەی‮ ‬بە دەق هاتووە لە بەندی‮ (‬دووەم)و‮ (‬سێیەم‮) ‬لەم ماددەیە لە حاڵەتی‮ ‬پەسەند نەكردنی‮.‬ ب‮- ‬هەمواركردنەكە بە بەركار دادەنرێت لە رۆژی‮ ‬بلاو كردنەوەی‮ ‬لە رۆژنامەی‮ ‬فەرمی‮.‬ بەپێی‮ ‬ئەم ماددەیە هەر هەمواركردنێك لە دەستووردا بكرێت دەبێت بەم مەرج و هەنگاوانە بێت‮:-‬ 1‮- ‬سەرۆك كۆمار و سەرۆك وەزیران پێكەوە بۆیان هەیە پێشنیاری‮ ‬هەمواركردنەوەی‮ ‬دەستوور بكەن‮.‬ 2‮- ‬هەروا‮ ‬یەك لەسەر پێنجی‮ ‬ئەندامانی‮ ‬ئەنجومەنی‮ ‬نوێنەرانیش‮ (‬واتە‮ ‬66‮ ‬ئەندام‮) ‬بۆیان هەیە پێشنیاری‮ ‬هەمواركردنەوەی‮ ‬دەستوور بكەن‮.‬ 3‮- ‬ئەوەی‮ ‬لە دەروازە‮ (‬باب‮)‬ی‮ ‬یەكەمی‮ ‬دەستووردا هاتووە،‮ ‬واتە مادەكانی‮ (‬1 – 13‮) ‬هەروا‮ ‬ئەوەی‮ ‬لە دەروازەی‮ (‬باب‮)‬ی‮ ‬دووەمی‮ ‬دەستووردا واتە لە ماددەكانی‮ (‬14- 46‮) ‬هاتووە نابێت هەموار بكرێنەوە تاكو دوو خولی‮ ‬هەڵبژاردنی‮ ‬لەسەر‮ ‬یەك تێنەپەڕێت،‮ ‬واتە لە دوای‮ ‬خولی‮ ‬سێیەمی‮ ‬هەڵبژاردنەوە دەكرێت ئەوانیش هەمواربكرێنەوە،‮ ‬ئێستاش ئێمە لەناو خولی‮ ‬چوارەمی‮ ‬هەڵبژاردنی‮ ‬عێراقین،‮ ‬بۆیە دەكرێ ئێستا سەرلەبەری‮ ‬ماددەكانی‮ ‬دەستوور هەموار بكرێنەوە‮.‬ 4‮- ‬هەمواركردنیش دەبێ بەم هەنگاوانە تێپەڕ‮ ‬ببێت‮:-‬ یەك‮: ‬سەرەتا دوو لەسەر سێی‮ ‬ئەندامانی‮ ‬ئەنجومەنی‮ ‬نوێنەران بە هەمواركردنەكە رازی‮ ‬بن،‮ ‬واتە‮ (‬219‮ ‬ئەندام‮)‬ دوو‮: ‬دواتر لە راپرسیەكدا زۆرینەی‮ ‬گەل‮ (‬واتە‮ ‬50 + 1)ی‮ ‬ئەوانەی‮ ‬بەشداری‮ ‬دەنگدان دەكەن،‮ ‬بە بەڵێ دەنگی‮ ‬پێ بدەن،‮ ‬بەلێم بەپێی‮ ‬بڕگەی‮ (‬چوارەم‮)‬ی‮ ‬ئەم‮ ‬ماددەیە گرنگیەكی‮ ‬تایبەت بەو دەسەلاتانە دراوە كە تایبەتن بە دەسەلاتی‮ ‬هەرێمەكان‮ ‬یان لە دەسەلاتی‮ ‬هاوبەشی‮ ‬هەردوولادایە،‮ ‬چونكە دەستووری‮ ‬عێراق ئەو دەسەلاتانەی‮ ‬دیاری‮ ‬كردووە كە تایبەتن بە دەسەلاتی‮ ‬فیدراڵی‮ ‬كە لە مادەكانی‮ (‬109 ‮ ‬تاكو‮ ‬113‮)‬ی‮ ‬دەستوور هاتووە،‮ ‬هەروا هەندێ‮ ‬دەسەلاتیشی‮ ‬دیاری‮ ‬كردووە كە هەردولا‮ (‬ناوەند و هەرێمەكان و پارێزگاكانی‮ ‬رێكنەخراو لە هەرێمێكدا‮) ‬لێی‮ ‬هاوبەشن كە لە ماددەی‮ (‬114‮)‬ی‮ ‬دەستوور هاتووە،‮ ‬ئەوەی‮ ‬دەشمێنێتەوە بۆ دەسەلاتی‮ ‬هەرێمەكان و پارێزگاكانی‮ ‬رێكنەخراوە لە هەرێمێكدا‮ (‬كەرتی‮ ‬یەكەمی‮ ‬ماددە‮ ‬115‮)‬ی‮ ‬دەستوور،‮ ‬بەپێی‮ ‬ئەو بڕگەیە‮ (‬چوارەم‮) ‬ناكرێ ئەو ماددانە هەموار بكرێنەوە كە لە دەسەلاتی‮ ‬هەرێمەكان كەم دەكاتەوە بە دوو مەرج نەبێت كە ئەمانەن‮:-‬ یەك‮: ‬پەرلەمانی‮ ‬هەرێمی‮ ‬پەیوەندیدار‮ ‬یان پارێزگای‮ ‬پەیوەندیدارپێی‮ ‬رازی‮ ‬بێت‮.‬ دووم‮: ‬زۆرینەی‮ ‬خەڵكی‮ ‬هەرێمەكە‮ ‬یان پارێزگاكە لە راپرسیەكدا رەزامەندی‮ ‬لەسەر بدەن‮.‬ واتە بە پێی‮ ‬ئەم ماددەیە لەكاتی‮ ‬هەمواركردنی‮ ‬دەستووری‮ ‬عێراقدا ئەگەر هەمواركردنەكە ماددەیەك‮ ‬یان زیاتری‮ ‬لەو ماددانە گرتەوە كە پەیوەندن بە دەسەلێتەكانی‮ ‬هەرێمی‮ ‬كوردستان و دەبووە هۆی‮ ‬كەمكردنەوەی‮ ‬دەسەلاتەكانی‮ ‬هەرێمی‮ ‬كوردستان تاكو پەرلەمانی‮ ‬كوردستان و دواتر خەڵكی‮ ‬كوردستان لە راپرسیەكدا پێی‮ ‬رازی‮ ‬نەبن،‮ ‬ئەو هەمواركردنە بە پەسەندكراو دانانرێت،‮ ‬كەواتە سەرەتا دەبێ پەرلەمان رەزامەندی‮ ‬خۆی‮ ‬لەسەر بدات،‮ ‬ئەگەر پەرلەمان لەسەری‮ ‬رازی‮ ‬نەبوو ئەوا‮ ‬بە رەتكراوە دادەنرێت و پێویست ناكات بچێتە قۆناغی‮ ‬راپرسیەوە‮.‬ بەو پێیە بەپێی‮ ‬ماددەی‮ (‬126‮)‬ی‮ ‬دەستوور هەر هەمواركردنێك دەست بۆ دەسەلێتەكانی‮ ‬هەرێم ببات دەتوانرێت لەلایەن پەرلەمانی‮ ‬كوردستان و دواتر لەلایەن خەڵكی‮ ‬كوردستانەوە بە زۆرینەی‮ ‬نیوە‮ +‬1‮ ‬رەت بكرێتەوە‮. ‬ ‮ ‬ماددەی‮ ‬142‮ ‬دەستوور‮:‬ ئەم مادەیە دەڵێت‮:‬ یەكەم‮: ‬ئەنجومەنی‮ ‬نوێنەران لە سەرەتای‮ ‬كاركردنیدا لیژنەیەك لە ئەندامانی‮ ‬پێك دەهێنێت كە نوێنەرایەتیی‮ ‬پێكهاتە سەرەكییەكانی‮ ‬كۆمەڵگای‮ ‬عێراقی‮ ‬بكات،‮ ‬ئەركەكەی‮ ‬ئەوەیە لە ماوەیەك كە لە چوار مانگ تێپەڕ‮ ‬نەكات راپۆرتێك بۆ ئەنجومەنی‮ ‬نوێنەران بەرز دەكاتەوە،‮ ‬كە راسپاردەكانی‮ ‬تایبەت بەو هەموارانەی‮ ‬پێویستن لە دەستوور ئەنجام بدرێن لە خۆ دەگرێت،‮ ‬دوای‮ ‬یەكلاییكردنەوەی‮ ‬پێشنیارەكانیشی‮ ‬لیژنەكە هەڵدەوەشێتەوە‮.‬ دووەم‮: ‬هەموارە پێشنیاركراوەكان لەلایەن لیژنەكە بە‮ ‬یەك پاكێج دەخرێتە روو لە ئەنجومەنی‮ ‬نوێنەران بۆ دەنگ لەسەردان،‮ ‬بەرەزامەندی‮ ‬رەهای‮ ‬ئەندامانی‮ ‬ئەنجومەن‮ ‬بە بڕیار لەسەردراو دادەنرێت‮.‬ سێیەم‮: ‬ماددە هەموار كراوەكان بەپێی‮ ‬ئەوەی‮ ‬لە بەندی‮ (‬دووەم‮)‬ی‮ ‬ئەم ماددەیە هاتووە لەلایەن ئەنجومەنی‮ ‬نوێنەرانەوە دەخرێتە بەردەم گەل بۆ راپرسی‮ ‬لە ماوەیەك زیاتر نەبێت لە دوو مانگ لە بەرواری‮ ‬پەسەندكردنی‮ ‬هەمواركردنەكە لە ئەنجومەنی‮ ‬وەزیران‮.‬ چوارەم‮: ‬بە رەزامەندی‮ ‬زۆرینەی‮ ‬دەنگدەران راپرسی‮ ‬لەسەر ماددە هەمواركراوەكان بە سەركەوتوو دادەنرێت،‮ ‬ئەگەر دوو لەسەر سێی‮ ‬دەنگدەرانی‮ ‬سێ پارێزگا‮ ‬یاخود زیاتر رەتی‮ ‬نەكەنەوە‮.‬ پێنجەم‮: ‬ئەوەی‮ ‬لەم ماددەیەدا هاتووە،‮ ‬لە ئەحكامەكانی‮ ‬ماددەی‮ (‬126‮)‬ كە پەیوەندارە بە هەمواركردنەوەی‮ ‬دەستوور بەدەر دەكرێت،‮ ‬تاكو ئەو هەمواركاریانەی‮ ‬لەم ماددەیە دەقنووس كراوە‮ ‬كۆتاییان دێت‮.‬ بەپێی‮ ‬ئەم ماددەیە‮: ‬هەمواركردنەكە بەم جۆرەیە‮:-‬ 1‮- ‬ئەنجومەنی‮ ‬نوێنەران لە سەرەتای‮ ‬كاركردنیەوە،‮ ‬لیژنەیەك پێك دەهێنێت بۆ نووسینەوەی‮ ‬ئەو هەموارانەی‮ ‬بە پێویست دەزانرێ‮.‬ 2‮- ‬ئەو لیژنەیە لە ماوەی‮ ‬چوار مانگدا‮ (‬دوای‮ ‬پێكهێنانی‮ ‬لە‮ ‬یەكەم كۆبوونەوەی‮ ‬پەرلەمانی‮ ‬عێراق‮) ‬كارەكانی‮ ‬تەواو دەكات و راپۆرتی‮ ‬خۆی‮ ‬بۆ ئەنجومەنی‮ ‬نوێنەران بەرز دەكاتەوە‮. ‬دوای‮ ‬یەكلاییكردنەوەی‮ ‬پێشنیارەكانی‮ ‬لیژنەكە هەڵدەوەشێتەوە‮.‬ 3‮- ‬پێویستە‮ (‬نیوە‮ + ‬1)ی‮ ‬ئەندامانی‮ ‬ئەنجومەن رەزامەندی‮ ‬لەسەر بدەن تاكو هەموارەكە بە پەسەندكراو دابنرێت‮.‬ 4‮- ‬دوای‮ ‬پەسندكردنی‮ ‬لەلایەن پەرلەمانەوە دەبێ لە ماوەی‮ ‬دوو مانگدا راپرسیەكدا بخرێتە دەنگدانەوە‮.‬ 5‮- ‬ئەگەر زۆرینەی‮ ‬دەنگدەران پێی‮ ‬رازی‮ ‬بوون ئەوا هەموارەكە بە قبووڵكراو دادەنرێت بەو مەرجەی‮ ‬دوو لەسەر سێی‮ ‬سێ پارێزگا‮ ‬یان زیاتر رەتی‮ ‬نەكەنەوە‮.‬ 6‮- ‬ئەو هەموارەی‮ ‬ئەم ماددەیە بڕیاری‮ ‬لەسەر دراوە بەدەرە لە ئەحكامەكانی‮ ‬مادە‮ ‬126‮.‬ 7‮- ‬بەپێی‮ ‬ئەم ماددەیە ئەگەر دوو لەسەر سێی‮ ‬دەنگدەرانی‮ ‬سێ پارێزگای‮ ‬هەرێمی‮ ‬كوردستان هەمواركردنەوەكەیان رەتكردەوە ئەوا هەمواركردنەكە بە رەتكراوە دادەنرێ‮.‬ لێرەدا دەبینین ئێمە لەبەردەم دوو ماددەی‮ ‬جیاوازین سەبارەت بە هەمواركردنەوەی‮ ‬دەستوور،‮ ‬ئەوەش ئەو پرسیارە دروست دەكات،‮ ‬ئایا ماددەی‮ ‬126‮ ‬لە چ كاتێكدا پیادە دەكرێ و ماددەی‮ ‬142‮ ‬لە چ كاتێكدا پیادە دەكرێ؟ بۆچی‮ ‬ئەو دوو ماددەیە دانران؟ ‮ ‬بێگومان ئەحكامەكانی‮ ‬ماددەی‮ ‬126‮ ‬حوكمی‮ ‬گشتین،‮ ‬بەلێم ئەحكامەكانی‮ ‬ماددەی‮ ‬142‮ ‬تایبەتن و‮ (‬استسنایە‮)‬،‮ ‬تایبەتە بە قۆناغێكی‮ ‬زەمەنی‮ ‬دیاریكراو،‮ ‬تایبەتە بەو بارودۆخەی‮ ‬كە دەستووریدا تێدا نووسرایەوە‮.‬ لەكاتی‮ ‬نووسینەوەی‮ ‬دەستووری‮ ‬هەمیشەیی‮ ‬عێراق لە ساڵی‮ ‬2005‮ ‬سوننەكان كە بە گۆڕینی‮ ‬رژێمی‮ ‬بەعس رازی‮ ‬نەبوون،‮ ‬داواكاریان زۆر بوو،‮ ‬ناكۆكی‮ ‬گەورە لەنێوان بۆچوونی‮ ‬سوننە و شیعە و كورد دروست ببوو،‮ ‬گەیشتبووە ئەوەی‮ ‬نووسینەوەی‮ ‬دەستوور بە بنبەست بگات،‮ ‬لە هەمان كاتیشدا دەبوایە نووسینەوەی‮ ‬دەستوور لەو ماوە زەمەنیەدا كۆتایی‮ ‬بهاتایە كە بۆی‮ ‬دیاریكرابوو،‮ ‬تاكو لە كاتی‮ ‬دیاریكراودا راپرسی‮ ‬لەسەری‮ ‬ئەنجام بدرێت،‮ ‬جا بۆ تێپەڕاندنی‮ ‬نووسینەوەی‮ ‬دەستوور و بۆ رازیكردنی‮ ‬سوننەكان بەڵێنیان پێیان دا‮ ‬كە دوای‮ ‬هەڵبژاردنی‮ ‬یەكەم پەرلەمان لیژنەیەك لە پەرلەمان پێك دەهێنرێ بۆ ئەوەی‮ ‬لە ماوەی‮ ‬4‮ ‬مانگدا هەمواری‮ ‬دەستوور بنووسێتەوە و بۆ پەرلەمان بەرزی‮ ‬بكاتەوە،‮ ‬بۆ خاتری‮ ‬رازیكردنی‮ ‬سوننەكان تاكو بەربەست دروست نەكەن،‮ ‬ئەم ماددەیان خزاندە ناو دەستوورەوە‮.‬ ‮ ‬كەواتە ئەوەی‮ ‬لە ماددەی‮ ‬142‮ ‬هاتووە بەو میكانیزمەی‮ ‬دیاریكراوە تەنیا تایبەتە بەو هەمواركردنەوەیەی‮ ‬كە دەبوایە ئەو لیژنەیە ئامادەی‮ ‬بكات كە لە ساڵی‮ ‬2006‮ ‬لەگەل دەستبەكاربوونی‮ ‬یەكەم پەرلەمانی‮ ‬عێراق پێكهێنرابوو نەك ئەو لیژنەیەی‮ ‬دواتر پێك دەهێنرێ،‮ ‬وەك ئەوەی‮ ‬ئێستا پێكهێنراوە،‮ ‬بێگومان‮ ‬ئەو لیژنەش كە لە ساڵی‮ ‬2006‮ ‬پێكهێنرا كارەكانی‮ ‬تەواو نەكرد،‮ ‬بۆیە ئەم ماددە دەستوورییە لەگەڵ پەككەوتنی‮ ‬ئەو لیژنەیە پەكی‮ ‬كەوتووە‮.‬ بۆیە تاكە ماددەیەك كە دەستووری‮ ‬پێ هەموار دەكرێتەوە چ لە ئێستا و چ لە داهاتوودا تەنیا ماددەی‮ ‬126‮ ‬دەستوورە‮ ‬نەك ماددەی‮ ‬142‮ ‬مەگەر پەرلەمان بڕیار بدات هەمواركردنەكە بخاتە ژێر ركێفی‮ ‬ماددەی‮ ‬142‮ ‬ئەو كات ئەحكامەكانی‮ ‬ئەو ماددەیە لەسەر شێواز و هەنگاوەكانی‮ ‬هەمواركردن جێبەجێ دەكرێ،‮ ‬بەلێم پەرلەمانی‮ ‬عێراق كە لیژنەكەی‮ ‬پێكهێنا ئاماژەی‮ ‬نەكرد بەوەی‮ ‬ئەو لیژنەیە لە سایەی‮ ‬ماددەی‮ ‬142‮ ‬كارەكانی‮ ‬خۆی‮ ‬دەكات بۆیە كارەكانی‮ ‬لیژنەی‮ ‬تایبەت بە هەمواركردن دەكەوێتە ژێر حوكمەكانی‮ ‬ماددەی‮ ‬126ی‮ ‬دەستوور‮.‬ بەپێی‮ ‬ئەو ماددەیەش ئەگەر هەمواركردنەكە خۆی‮ ‬لەقەرەی‮ ‬دەسەلێتەكانی‮ ‬هەرێمی‮ ‬كوردستان دا و لە دەسەلێتەكانی‮ ‬كەمكردەوە‮ ‬ئەوا‮ ‬دەبێ سەرەتا پەرلەمانی‮ ‬كوردستان رەزامەندی‮ ‬لەسەر بدات،‮ ‬دوای‮ ‬ئەو ئەنجامە خەڵكی‮ ‬هەرێمی‮ ‬كوردستان لە راپرسیەكدا بە زۆرینەی‮ ‬نیوە‮ +‬1 ‮ ‬رەزامەندی‮ ‬لەسەر بدەن،‮ ‬ئەنجا بە پەسەندكراو دادەنرێت لەلایەن هەرێمی‮ ‬كوردستانەوە،‮ ‬ئەنجا دەكرێ بخرێتە دەنگدانی‮ ‬گشتییەوە،‮ ‬گومانیشی‮ ‬تێدا نییە ئەوانە بەربەستگەلێكن كە زەمانەت دەدەنە خەڵكی‮ ‬كوردستان كە هەر هەمواركردنێك بچوكترین كەمكردنەوە لە دەسەلێتەكانی‮ ‬هەرێمی‮ ‬كوردستان بكات دەتوانێ رەتی‮ ‬بكاتەوە‮.‬