خەبات‮: ‬هاوار مورتكەیی
ڕێكخراوی‮ ‬دادپەروەری‮ ‬و ئاشتیی‮ ‬جیهانی‮ ‬بۆ مافەكانی‮ ‬مرۆڤ و‮ ‬یاسای‮ ‬نێودەوڵەتی‮ ‬لە وڵاتی‮ ‬نەرویژ دامەزراوە،‮ ‬بەپێی‮ ‬یاسای‮ ‬ئەو وڵاتە مۆڵەتی‮ ‬فەرمی‮ ‬و كاركردنی‮ ‬وەرگرتووە،‮ ‬ئەم‮ ‬ڕێكخراوە كاردەكات بۆ بڵاوكردنەوەی‮ ‬كولتووری‮ ‬دادپەروەری‮ ‬و ئاشتیی‮ ‬جیهانی‮ ‬و جێبەجێكردنی‮ ‬پێوەری‮ ‬جیهانی‮ ‬لە بواری‮ ‬مافەكانی‮ ‬مرۆڤ و‮ ‬یاسای‮ ‬نێودەوڵەتی،‮ ‬لەدیمانەیەكدا سەرۆكی‮ ‬ئەم رێكخراوە باس لە چەند تەوەریكی‮ ‬تایبەت بە دادپەروەری‮ ‬و‮ ‬یاسا نێودەوڵەتییەكان دەكات‮.‬
دەسەڵاتێكی‮ ‬دادوەری
سەرەتا موحسین محەمەد عەبدوڵلا سەرۆكی‮ ‬رێكخراوی‮ ‬دادپەروەری‮ ‬و ئاشتی‮ ‬جیهانی‮ ‬بۆ مافەكانی‮ ‬مرۆڤ و‮ ‬یاسای‮ ‬نێودەوڵەتی‮ ‬باسیی‮ ‬بە پرۆژەی‮ ‬چاكسازی‮ ‬حكوومەتی‮ ‬هەرێمی‮ ‬كوردستان كرد كە ئەمە ئاماژەیەكە بۆ بەڕێوەبردنی‮ ‬دادوەری‮ ‬لە دەسەڵاتدا و گوتی‮: ‬ئامانجی‮ ‬رێكخراوەكەمان پشتیوانی‮ ‬كردنە لە دادپەروەری‮ ‬و سەروەی‮ ‬یاسا لە جیهان بەگشتی‮ ‬و لە هەرێمی‮ ‬كوردستان بەتایبەتی،‮ ‬دیارە چاكسازی‮ ‬و سەروەری‮ ‬یاساش‮ ‬یەكێكە لە خاڵە هەرە گرنگەكانی‮ ‬بەڕێوەبردنی‮ ‬دەسەڵاتی‮ ‬دادوەری،‮ ‬دەستخۆشی‮ ‬لە هەر هەنگاوێكی‮ ‬چاكسازی‮ ‬دەكەین لە دژی‮ ‬گەندەڵی‮ ‬و كەمكردنەوە و نەهێشتنی‮ ‬ڕۆتین و زیاتر خزمەتكردن بە هاووڵاتیانی‮ ‬هەرێمی‮ ‬كوردستان،‮ ‬لە پێناو پاراستنی‮ ‬ماڵ و سامانی‮ ‬گشتی‮ ‬كوردستان،‮ ‬بۆیە ئێمە لە‮ ‬ڕێكخراوەكەمان ئامادەیی‮ ‬خۆمان دەردەبڕین كە هاوكارێكی‮ ‬تەواوی‮ ‬بێلایەن و شۆڕشگێرێكی‮ ‬ڕاستەقینە بین بۆ پشتیوانیكردنی‮ ‬بەڕیز مەسرور بارزانی‮ ‬سەرۆكی‮ ‬حكوومەتی‮ ‬هەرێمی‮ ‬كوردستان لە دژی‮ ‬نەهێشتنی‮ ‬گەندەڵی‮ ‬و چاكسازی‮ ‬و پاكسازیكردن لەهەموو بوارەكانی‮ ‬تری‮ ‬سیستەمی‮ ‬بەڕێوەبردنی‮ ‬ئیشوكاری‮ ‬هاووڵاتیانی‮ ‬كوردستانی‮ ‬خۆشەویست‮.‬
هەستی‮ ‬نیشتمانی‮ ‬و دادپەروەری
دواتر سەرۆكی‮ ‬ئەم رێكخراوە زیاتر گوتی‮: ‬هەر هەنگاوێك بە ئاڕاستەی‮ ‬چاكسازی‮ ‬بەدڵنیاییەوە كارێكی‮ ‬پیرۆزە و لە بەرژەوندی‮ ‬گەل و نەتەوە و حكوومەت و بۆ پێشكەوتنی‮ ‬كۆمەڵگای‮ ‬كوردی‮ ‬و بۆ بەهێزكردنی‮ ‬هەموو دامودەزگاكانی‮ ‬حكوومەتی‮ ‬هەرێمی‮ ‬كوردستانە،‮ ‬مێژووی‮ ‬مرۆڤایەتی‮ ‬ئەو هەنگاوە پیرۆزانەی‮ ‬حكوومەتی‮ ‬هەرێم تۆماردەكات‮. ‬
هیواخوازین كە سەرۆكی‮ ‬ئەنجوومەنی‮ ‬وەزیرانی‮ ‬حكوومەتی‮ ‬هەرێمی‮ ‬كوردستان‮ ‬ڕێزدار مەسرور بارزانی‮ ‬درێغی‮ ‬نەكات لەو چاكسازییەی‮ ‬دەستی‮ ‬پێكردووە و بەردەوام بێت تاكو دوا قۆناغ،‮ ‬هیواخوازین چاكسازییەكانی‮ ‬كابینەی‮ ‬حكوومەتی‮ ‬هەرێم ببێتە هۆی‮ ‬هاندانی‮ ‬لاوان و گەنجان و خاوەن بڕوانامەكان لە بوارە جیاوازەكاندا بۆ دووبارە بنیاتنانەوەی‮ ‬هەستی‮ ‬نیشتمانپەروەری‮ ‬و دادپەروەری‮ ‬لە بەڕێوەبردنی‮ ‬وڵات‮.‬
لێپێچینەوەی‮ ‬یاسایی
دواتر موحسین محەمەد سەرۆكی‮ ‬ڕێكخراوی‮ ‬دادپەروەری‮ ‬و ئاشتی‮ ‬جیهانی‮ ‬بۆ مافەكانی‮ ‬مرۆڤ و‮ ‬یاسای‮ ‬نێودەوڵەتی‮ ‬لەوەڵامی‮ ‬ئەو پرسیارەی‮ ‬كە چی‮ ‬بكرێت بۆ ئەوەی‮ ‬ئەو هەڵمەتە بەیاسایی‮ ‬و دادوەری‮ ‬بەردەوامی‮ ‬هەبێت گوتی‮: ‬بەسیستەمكردنی‮ ‬هەموو دامودەزگانی‮ ‬حكوومەت و لێپێچینەوەی‮ ‬توند و‮ ‬یاسایی‮ ‬و دادپەرەروەرانە لەگەڵ گەندەڵكاران بكرێت بە پێی‮ ‬پلەی‮ ‬بەرپرسیاریەتی‮ ‬و سەرپێچییەكانیان لە‮ ‬یاساكانی‮ ‬هەرێمی‮ ‬كوردستان بۆ پاراستنی‮ ‬ئاشتی‮ ‬كۆمەڵایەتی،‮ ‬هەروەها دانانی‮ ‬كەسی‮ ‬شیاو لە شوێنی‮ ‬شیاو،‮ ‬وە لێكۆڵینەوەی‮ ‬دادپەروەرانە و سزای‮ ‬گونجاو و دادپەروەرانە بۆ كەسانی‮ ‬تاوانبار و كەمتەرخەم و گەندەڵ،‮ ‬لەهەمان كاتیش دەستخۆشی‮ ‬و پاداشت بۆ كەسانی‮ ‬دڵسۆز و نیشتمانپەروەر و كاراكردنی‮ ‬ڕۆڵی‮ ‬ڕێكخراوە ناوخۆیی‮ ‬و جیهانییەكان بۆ پاڵپشتی‮ ‬كردنی‮ ‬حكوومەتی‮ ‬هەرێمی‮ ‬كوردستان لە پێناو دابینكردنی‮ ‬دادپەورەری‮ ‬و ئاشتی‮ ‬جیهانی،‮ ‬دووبارە بنیاتنانەوەی‮ ‬متمانە لەنێوان هاووڵاتیانی‮ ‬كوردستان و حكوومەت‮.‬