هێزە چەكدارەكانی عەسائیبی ئەهلی حەق بە سەرۆكایەتی قەیس ئەلخەزعەلی، كوژرانی بەڕێوەبەری نوسینگەكەیان و براكەیان لە میسان راگەیاند.
هێزە چەكدارەكانی عەسائیبی ئەهلی حەق بە سەرۆكایەتی قەیس ئەلخەزعەلی، ئەمشەو هەینی لە راگەیەندراوێكی فەرمیدا كوژرانی وسام علیاوی و براكەی بەناوی عیسام علیاوی-یان راگەیاند، كە بەپێی راگەیەندراوەكە لە ئەنجامی هێرشێكی چەكداریدا بۆ سەر نوسینگەكەیان لە میسان كوژراون.
هەر لەوكاتەدا، سەرچاوەیەكی پزیشكی بەرپرس لە میسان رایگەیاند، ژمارەی كوژراوانی ئەو ناوچەیە دەستبەجێ بۆ نۆ كەس برزبوەوە و 94ی دیكەش برینداربون، كە 74 برینداریان لە نەخۆشخانەی سەدر-ن و 20ی دیكەیان لە نەخۆشخانەی زەهراویە.
