سەباح بەیتوڵڵا
پشتی شۆڕشا مەزنا ئیلونێ ب سەركردایەتیا پارتیامە پارتی دیموكراتی كوردستان ب سەرۆكایەتیا رێبەرێ نەتەوا كورد مستەفا بارزانیێ نەمر ب سەدان داستان تۆماركرین دژی داگیركەرێن كوردستانێ و دوژمن نەچار كری ل سالا (1970) دانپێدانێ ب مافێ مللەتێ كورد بكەت، چونكی ماف دهێتە ستاندن و ناهێتە پێشكێش كرن یان بكەنە دیاری و خەلات. ب ئاخفتنێن سەركردێن رژێما گۆربگۆر دبێژن ئەگەر مە رێكەفتنا 11ی ئادارێ واژوو نەكربا تڤیا مە كلیلێت بەغدا تەسلیمی پارتی و بارزانی كربان. لێ هێشتا حوبرێ رێكەفتنا دیرۆكی یا (11) ئادارێ حشك نەببوو ، رژێما دیكتاتور كەفتە دارێشتنا پیلانا و فرت وفێلا بۆ لاوازكرنا تەڤگەرا رزگاریخوازا مللەتێ كورد و جێبەجێ نەكرنا بەندێن وێ رێكەفتنێ. چونكی رژێمێ ب نەچاری واژوو كربوو و چێدی وەكو پێدڤی چەك و رێكەفتن و دراڤ و شیان و هێز نەما بوون. دوژمن گەهشتبوو وێ باوەڕیێ كو بارزانیێ نەمر دەستا ژ سەوابتێن نەتەوایەتیێ بەرنادەت و تەنازولێ ژی ل ئاخا پیرۆزا كوردستانێ ناكەت. لەوا مەزنترین ئاستەنگ و بەربەست بەرامبەر ب رژێما فاشیا گۆربگۆر بارزانیێ نەمر بوو، دوژمنی هزر ل هندێ كر پێدڤی یە ب هەر رەنگەكێ بیت و ئامادەیە هەمی پێكولێ و پیلانا دارێژیت ژ بووی ژناڤبرنا بارزانیێ نەمر، چونكی باش و باش دزانی بارزانی هێما و سونبول و ناسناما نەتەوا كوردە و ب هزر و خەیالا وان ب تیرۆركرنا بارزانیێ نەمر دێ كارن بگەهنە مەرەمێت خۆ یێن چەپەل و گەنی، بەلێ پیلانەكا سیخوڕیا دارێتی كو دەمەكێ زۆر پێڤە مژویل ببوون چەندین كەسێن خو یێن سیخۆڕ ب جلوبەرگێن ئایینی رەوانەی حاجی عومران كرن ژبەركۆ دزانی بارزانیێ نەمر و مەزن گەلەك رێزێ ل ماموستایێن ئایینی دگریت و ناهێنە پشكنین و ب ساناهی دێ گەهنە بارزانی و دێ كارن مەرەما خۆ یا چەپەل جێبەجێ بكەن. بەلێ ل 29/9/1971 ێ ئەو پیلان هاتە جێبەجێ كرن و بارزانیێ نەمر ل وێ پیلانا نەزۆك ب سەرسوڕهێنەرڤە رزگار بوو و پەردە لسەر روویێ رەشێ رژێمێ هاتە لادان كو چەند دژی تەڤگەرا رزگاریخوازیا مللەتێ كوردە. مللەتێ كورد داخازا تولڤەكرنێ كر. بەلێ حیكمەت و بلیمەت و شارەزایا بارزانیێ نەمر ل پیلانێت دوژمنی و گۆت : رژێمێ ب نەچاری رێكەفتنا (11) ئادارێ واژوو كری یە و نهۆ یا پەشێمانە و چ موبەڕرا نادەینە دەست و مە دڤێت مافێ خۆ ب ئاشتی و دان و ستاندنێ وەربگرین و ئەم دژی شەڕینە و ئەم مللەتەكێ ئاشتیخواز و ئازادیخوازین. ئەگەر ئەم شەڕی بكەین دێ شەڕی لسەر كەركوكێ كەین نەك لسەر من. سەرەڕای ڤی كارێ تیروریستیێ رژێما فاشیا گۆربگۆر، لێ سەركردایەتیا پارتی بەرسڤا دوژمنی نەداڤە و بەردەوامی دا دان و ستاندنێ حەتا سالا 1974ێ رژێم ل هەمی سۆزێن خوە پەشێمان بوویەڤە و جارەكادی شەڕ بسەر مللەتێ كورددا سەپاند. بارزانیێ نەمر و حەتا رۆژا مالئاڤاهیێ و ل (60) ساڵێن تەمەنێ خو یێ پڕ خەبات و فیداكاری و دلسوزی تەسلیمی ئیرادا دوژمن و داگیركەرا نەبوو. دوژمن باش دزانی مستەفا بارزانی پتر ژ نیڤ سەدەیێ خەباتێ شیا شۆڕشەكا سەرتاسەری دروست بكەت و بناغێن بزاڤا رزگاریخوازا كوردستانێ و پارتی ل سەر دامەزراندی. جوغرافیا كوردستانێ. سەروەریا دەستهەلاتێ ل سەر ئاخا خۆ. حوكمەكێ دیموكراسی. كو ئەڤە هەر سێ رەگەزێن سیاسەتا نەتەوەیی نە، لەوما بارزانی مولكی هەر (40) ملیون كوردایە و مولكی هەمی ئازادیخواز و ئاشتیخوازەكێ یە و هەر ئەڤ سیاسەتا نەتەوەیی بوویە كو بارزانی دەست ل كەركوكێ و خانەقینێ و شنگالێ بەرنەدا و دندكەكا ئاخا خۆ گەلەك ب پیرۆز زانی یە و هەمی ژیانا خۆ ژی بۆ ئازادیا وان تەرخان كربوو. لڤێ بیرئانیان ئەڤێ پیلانا تیروریستی و بیرئینانا ئەوان پێشمەرگێن خۆ گۆریكەر كو دڤێ ریپازێدا شەهیدبوون، هزار سلاڤ ل گیانێ وانێ پیرۆز و بلند و حەتا دونیا هەیە بارزانیێ نەمر و مەزن هێما و ناسنامە و سونبول و بابێ روحیێ نەتەوا كوردە. نەفرەت و روی ڕەشی ل تیرور و تیرۆریستان. سەركەفتن ژی دێ هەر بۆ ئیرادەیا گەلێ كوردستانێ بیت.
