سەگڤان هالو
كاتێك حكوومەتێك هاووڵاتی‮ ‬بكاتە پێوەری‮ ‬ستڕاتیژ و كارنامە خۆی‮ ‬و خزمەتكردنی‮ ‬هاووڵاتیان لە‮ ‬ڕیزبەندی‮ ‬یەكەمی‮ ‬پلان و كارنامەی‮ ‬خۆی‮ ‬دابنێت بێگومان ئەو حكوومەتە حكوومەتێكی‮ ‬سەركەوتوو دەبێت و پێچەوانەكەش‮ ‬ڕاستە‮. ‬باشتر كردنی‮ ‬ژیان و گوزەرانی‮ ‬هاووڵاتیان لە هەموو‮ ‬ڕویێكەوە و گێڕانەوەی‮ ‬شكۆ بۆ هاووڵاتی‮ ‬كارێكی‮ ‬تابڵێی‮ ‬پیروزە‮.‬
‮ ‬هەر حكوومەتێك دۆخی‮ ‬ئابووری‮ ‬و ئەمنی‮ ‬و دەروونی‮ ‬و كۆمەڵایەتی‮ ‬هاووڵاتیان لەبەرچاو بگرێت و ئامانجە سەرەكییەكەی‮ ‬ئاسودەیی‮ ‬و بەختەوەری‮ ‬هاونیشتمانیانی‮ ‬خۆی‮ ‬بێت و ئەدای‮ ‬حكوومەت بە ئاراستەی‮ ‬خزمەتكردنی‮ ‬هاووڵاتیان بێت،‮ ‬بە دڵنیاییەوە‮ ‬حكوومەت و هاووڵاتی‮ ‬دەبنە تەواوكاری‮ ‬یەكتر و هاووڵاتیانیش پاڵپشتیی‮ ‬حكوومەتەكەیان دەبن و رۆژ لە دوای‮ ‬رۆژ پەیوەندیی‮ ‬نێوان هەردوولا بەهێز دەبێت و حكوومەت بە هی‮ ‬خۆیان دەزانن‮.‬
لە وڵاتە پێشكەوتووەكانی‮ ‬دونیا بنەماكانی‮ ‬دیموكراسییەت وەك خۆی‮ ‬پڕاكتیزە دەكرێن لە ئەرزی‮ ‬واقیعدا و لە بەر ئەوەی‮ ‬پرەنسیپەكانی‮ ‬دیموكراسییەت تەعبیر لە دەسەڵاتی‮ ‬گەل بۆ گەل دەكەن،‮ ‬بۆیە ئینتیمای‮ ‬هاووڵاتیان بە هەموو رەنگە جیاوازەكانەوە بۆ‮ ‬سیستەمی‮ ‬سیاسی‮ ‬وڵاتەكەیان زۆر بەهێزە و هەموان بە بێ جیاوازی‮ ‬هەست بە بەرپرسایەتی‮ ‬نیشتمانی‮ ‬دەكەن،‮ ‬بۆیە بەردەوام لە گەشەسەندن و بەرەوپێشڤەچووندان لە هەموو رویێكی‮ ‬مادی‮ ‬و مەعنەوییەوە،‮ ‬لە كۆتاییدا حكوومەتی‮ ‬هەرێمی‮ ‬كوردستانیش كە لە كارنامەی‮ ‬خۆیدا هاووڵاتی‮ ‬كردووەتە پێوەری‮ ‬سەرەكی،‮ ‬پێویستە هەوڵی‮ ‬بەهێز‮ ‬كردنی‮ ‬گیانی‮ ‬دیموكراسی‮ ‬بدات و هەموو ئەو بڕیارانەی‮ ‬كە دەركراون لەم ماوەیەدا جێگەی‮ ‬خوشحاڵین و هاووڵاتیانیش بە ئومێدەوە لێی‮ ‬دەڕوانن و جێبەجێ كردنیشیان دەبێتە مایەی‮ ‬بەهێزبوونی‮ ‬دادپەروەریی‮ ‬كومەڵایەتی‮ ‬بە پلەی‮ ‬یەكەم و لە ئاكامدا ئەو كوردستانە بەهێزەی‮ ‬كە هەمومان ئاواتی‮ ‬بۆ دەخوازین دێتە ئاراوە‮.‬