سوهەیب میكائیل
گەلێ كوردستانێ دهەمی‮ ‬قۆناغاندا پێدڤی‮ ‬ب ئێك رێزی‮ ‬و ئێكگرتنا جڤاكی‮ ‬،‮ ‬ئولی‮ ‬،‮ ‬نەتەوەیی‮ ‬هەبویە و هەیە‮ ‬،‮ ‬هەتاكو سەقامگیریا سیاسی‮ ‬و ئاشتیا جڤاكی‮ ‬تێدا‮ ‬یێ پاراستی‮ ‬بیت و بشێت روو بڕوویێ هەمی‮ ‬مەترسی‮ ‬وگەفێن دوژمنان ببیت‮ ‬،‮ ‬و دهەمان دەمدا دگەل پێشهات و گوهوڕینێن سیاسی‮ ‬ب سەركەفتیانە پێنگاڤان بهاڤێژیت،‮ ‬و بەرەڤ ئەوێ ئارمانجێ بچیت ئەوا زێدەتر ژ سەد سالایە خوینا خۆ بۆ درێژیت و قوربانیێ بۆ ددەت‮.‬
ب درێژاهیا دیرۆكێ مرۆڤ لهەر جهەكێ هەین و لسەر رویێ ئەردی‮ ‬ژیابن و كاودانێن ژیانا وان هەرچاوابیت‮ ‬،‮ ‬خودانێ هەر رەوشت و تیتال و زمان و ئاینەكێ بن‮ ‬،‮ ‬پێدڤی‮ ‬هەڤدوو بوینە‮ .‬ئانكو مرۆڤ ئەو بونەوەرە كو نەشێت تنێ و بێی‮ ‬دەوروبەرێ خۆ بژیت و هەردەم پێدڤی‮ ‬ب پێكڤەژیانێ هەیە‮.‬
دناڤ هەمی‮ ‬گیاندارێن دونیایێ تنێ مرۆڤن كو زێدەتر پێدڤی‮ ‬ب ژیانا ب كۆمەل و پێكڤە ژیانێ هەیە‮ ‬،‮ ‬تنێ مرۆڤن كو پێدڤیە پلان و بەرنامەكا گونجای‮ ‬بۆ داهاتویا خوە دابڕێژن‮ ‬،‮ ‬تنێ مرۆڤن كو ئەزمونێ ل سەركەفتن و شكستێن بوری‮ ‬وەردگرن و دكەنە هێڤێنا ژیانەكا باشتر بۆ داهاتویا ژیانێ‮ .‬
مالپەرێ واشنتۆن تایمز‮ ‬یێ ئەمریكی،‮ ‬گۆتارەك ل دۆر سەرۆكێ هەرێما كوردستانێ نێچیرڤان بارزانی‮ ‬بەلاڤ كریە و تێدا‮ ‬هاتیە‮ : ” ‬نێچیرڤان بارزانی‮ ‬پارێزەرێ ئاشتی‮ ‬و لێبۆرینێ‮ ‬یە ل رۆژهەلاتا ناڤەراست‮.” ‬د گۆتارا خوە دا مالپەرێ واشنتۆن تایمز،‮ ‬ئاماژە دایە دیرۆكا كارێن سیاسی‮ ‬و كارگێری‮ ‬یێن‮ ‬نێچیرڤان بارزانی‮ ‬و دیار كرییە،‮ ‬پشتی‮ ‬دەستبكاربوونا وی‮ ‬ل پۆستێ سەرۆكاتیێ،‮ ‬ئێدی‮ ‬هەرێما كوردستانێ دەربازی‮ ‬قۆناغەكا نوو بوو،‮ ‬ژبەركو نێچیرڤان بارزانی‮ ‬پارێزەرێ ئاشتی‮ ‬و لێبۆرینی‮ ‬یە و جهێ باوەریا هەموو پێكهاتەیێن ئۆلی‮ ‬و نەتەوەیی‮ ‬یە و گەلێ كوردستانێ ب هیڤیەكا مەزن ڤە ل هیڤیا گاڤێن سەركەفتنا وی‮ ‬نە‮. ‬وی‮ ‬مالپەڕی‮ ‬دا‮ ‬یە زانین ژی‮: ‬نێچیرڤان بارزانی‮ ‬نموونەیا سەركردەیێن رۆژهەلاتا ناڤەراستە و دێ شێت ب هەلوەستێن خوە‮ ‬یێن ئاشتیانە و دوپاتیا وی‮ ‬ل پێكڤەژیانێ و بزاڤێن وی‮ ‬یێن خورتكرنا پەیوەندیێن ل گەل بەغدا،‮ ‬هەرێما كوردستانێ كەتە جوانترین نموونەیا رۆژهەلاتا ناڤەراست‮.‬
ئاشكرایە كو سەرۆكێ هەرێمێ پارێزەرێ پێكڤەژیانێ و جهێ باوەڕیا نەوە و ئولێن جودایە ل هەرێما كوردستانێ‮ ‬،‮ ‬هەروەكی‮ ‬د گوتارا دەست بكاربونا خوە دا وەك سەرۆكێ هەرێمێ هەمی‮ ‬نەوەتەوە و ئولێن جودا ل كوردستانێ پشت راستكر و گۆت‮ : ” ‬دێ بزاڤێ كەین مافێن دەستوریێن كوردستانێ وەرگرین‮ ‬،‮ ‬دابینكرنا ماف و ئازادی‮ ‬و بەركەفتەیێن هەمی‮ ‬چین و تەخێن جڤاكی‮ ‬و نەهێشتنا هەمی‮ ‬جۆرە توند و تیژیەكێ و بهێزكرنا پێكڤەژیانێ و ئێكتر قەبولكرنێ د وەلاتەكێدا كو دێ وەلاتێ مە هەمیا بیت و هەرتاكەك خوە ب خودانێ وی‮ ‬وەلاتی‮ ‬بزانیت‮ . ‬ئێك رۆژ لسەر سەرێ مە هەمیا بلند دبیت و ئێك ئاسمان مە دادپۆشیت و مە ئێك ئایندە و ئێك چارەنڤیس هەیە‮”. ‬ئاشكرایە كو هەرێما كوردستانێ خودان چەندین پێكهاتەیێن ئاینیێن ئەتنی‮ ‬و جڤاكیێن جودا جودایە‮ . ‬و ئارمانجا سەرۆكێ هەرێمێ دڤێ گۆتنا لسەری‮ ‬مە بەرچاڤكری‮ ‬دیار دبیت‮. ‬كو دێ بزاڤێن وی‮ ‬بەردەوامبن بۆ پاراستن و پێشڤە چوونا ئەو پێكڤە ژیانا دناڤ جڤاكێ كوردیدا هەیە و هەروەكی‮ ‬چاوا لە چەند سالێن بەرێ ب جدی‮ ‬كار لسەر دكر،‮ ‬هەرئەڤەژی‮ ‬بویە هێڤێنا گوتارا مالپەڕێ واشنتۆن تایمز‮ ‬یێ ئەمریكی‮ . ‬ئەگەر ئەم ل دیرۆكێ بنێڕین گەلەك جاران دناڤ جڤاكێ مەدا بەرئێككەفتن و ئاریشە دناڤبەرا چین و تەخێن جودا جودایێن جڤاكێ مەدا دروست بوینە لێ ل سەردەمێ نها گورینەكا بەرچاڤ پەیدابویە‮ . ‬ئیدی‮ ‬تاكێ كورد و ئەو نەتەوەیێن كو ل كوردستانێ دژین گەهشتنە وێ باوەڕێ پێدڤیە ب رێكا دیالۆگ و ئالوگۆڕیا هزری‮ ‬لهەڤ دوو بگەهن و ئاریشەیێن خوە چارەسەر بكەن‮. ‬هەلبەت ئەڤە رامانا هندێ ددەت كو سەرۆكێ هەرێمێ باوەریەكا مەزن پێكڤە ژیان و كاركرنا بكۆم هەیە و كەسەكێ تاك رەو نینە د بڕیاردانێدا‮ ‬،‮ ‬و دڤێت جڤاك هەمی‮ ‬د پێشكەفتنا وەلاتیدا پشكدار بیت‮ . ‬ژبەر وێ‮ ‬یەكێ لسەر تاكێ كورد پێدڤیە گرفتێن كەڤن بهێلیت و هزرا خوە د داهاتویا وەلاتیدا بكەت و كار لسەر ئەڤێ پرۆسەیا پێكڤەكاركرن پێكڤە ژیانێ بكەت و بڤی‮ ‬رەنگی‮ ‬جڤاكەكێ ساغلەم تەندروست دێ پەیدابیت كو هەمی‮ ‬ئول و نەتەوە تێدا هەست ب ئارامیا ژیانێ بكەن و ل جیهانا دەرڤە وەك جڤاكەكێ ئاشتی‮ ‬و ئازادیخواز بهێینە دیتن‮.‬