سوورە مەرگەیی

دەبێ رێكەوت بێ‮ ‬یان خەباتی‮ ‬رزگاریی‮ ‬نیشتیمانی‮ ‬وای‮ ‬خواستووە كە‮ ‬16ی‮ ‬ئابی1946 ‮ ‬ببێتە رۆژی‮ ‬دامەزراندنی‮ ‬پارتی‮ ‬و لەدایكبوونی‮ ‬سەرۆك بارزانی؟‮!‬ خۆ ئەگەر رێكەوت بووبێ رێكەوتێكی‮ ‬مێژوویی‮ ‬و دەگمەنە،‮ ‬پارتێك لەو رۆژەدا دابمەزرێ و رابەرێك لە هەمان رۆژدا لەدایك ببێ و وەرچەرخانێكی‮ ‬مێژووی‮ ‬لە خەباتی‮ ‬بزووتنەوەی‮ ‬رزگاریخوازیی‮ ‬نەتەوەیەكی‮ ‬ژێردەستەدا درووست بكەن،‮ ‬ئەگەر خەباتی‮ ‬بزووتنەوەی‮ ‬رزگاریخوازیی‮ ‬كوردیش وای‮ ‬خواستبێ،‮ ‬دووبارە رووداوێكی‮ ‬دەگمەنە و پێویستە هەڵوەستەی‮ ‬لەسەر بكرێ‮.‬ گرنگی‮ ‬ئەو دوو رووداوە مێژووییە لە‮ ‬یەك رۆژدا تەنها لەوەدا نییە كە حزبێك دامەزراوە و سەرۆك و رابەرێك لەدایكبووە،‮ ‬گرنگی‮ ‬ئەو دوو رووداوە لە گۆڕینی‮ ‬رێڕەوی‮ ‬مێژوودایە،‮ ‬ئەوەش پێویستی‮ ‬بە بەدواداچوونە و چی‮ ‬وایكردووە ئەو دوو رووداوە لە‮ ‬یەك رۆژ و‮ ‬یەك ساڵدا رووبدەن و توانای‮ ‬گۆڕینی‮ ‬ئاڕاستەی‮ ‬مێژوویان هەبێ؟ پارتی‮ ‬لەسەر دەستی‮ ‬رابەر و پێشەوای‮ ‬كورد بارزانیی‮ ‬نەمر دامەزراوە،‮ ‬ئەوەش وایكردووە پارتی‮ ‬ببێتە قوتابخانەی‮ ‬بووژانەوەی‮ ‬هزر و بیری‮ ‬نەتەوەیی‮ ‬و بزووتنەوەی‮ ‬رزگاریخوازیی‮ ‬كورد لە جوغزی‮ ‬ناوچەگەرایی‮ ‬دەربێنێ و رەونەقی‮ ‬كوردایەتی‮ ‬پێ ببەخشێ،‮ ‬سەرۆك بارزانیش وەك كوڕی‮ ‬بارزانیی‮ ‬نەمر دووجار كەوتە ژێر كاریگەری‮ ‬ئەو هزر و بیرە نەتەوەییەی‮ ‬بارزانیی‮ ‬نەمر،‮ ‬جارێك وەك بۆ ماوەیی‮ ‬كە كوڕی‮ ‬بارزانیی‮ ‬نەمرە و جارێكیش وەك پەروەردە و راهێنان لەسەر ئەو هزر و بیرە نەتەوەییەی‮ ‬كە بارزانیی‮ ‬نەمر بنەمای‮ ‬چارەسەری‮ ‬كێشەی‮ ‬كوردی‮ ‬لەسەر هەڵچنی‮ ‬بوو،‮ ‬كەواتە بارزانیی‮ ‬نەمر لە هەڵوێستە نەتەوەییەكانی‮ ‬ئێستا و رابردووی‮ ‬سەرۆك بارزانی‮ ‬و هەموو ئەو دەستكەوت و گۆڕانكاریانەی‮ ‬بە رابەرایەتی‮ ‬ئەو و ئاراستە كردنی‮ ‬پارتی‮ ‬لە خەباتی‮ ‬رزگاریخوازیی‮ ‬كورد روویانداوە و هاتوونەدی،‮ ‬پشكی‮ ‬شێر بەر بارزانیی‮ ‬نەمر دەكەوێ و لە داهاتووشدا هەرچی‮ ‬دەست بكەوێ و بێتەدی‮ ‬هی‮ ‬ئەو و رێبازەكەیەتی‮.‬