رێبەر عەبدوڵڵا دەربوتكی
رەنگە هەلڤەدانا بەرپەرێن دیرۆكا پارتیێ ڤێ یەكێ خویا بكە ، كو ب درێژاهییا دیرۆكا دروست بوونا پارتیێ وەكە حیزبەكە نەتەوەیی ، د هەر رۆژ ژمێرەكە خوە دا پارتی كارییە خزمەتەكێ پێشكەشی نەتەوەیێ خوە تەڤایا خەلكێ كوردستانێ بكە ، ئەڤ تشەتە دیار و بەرچاڤە دناڤا دیرۆكا پارتیێ دا.
هەر ل دەما دروست بوونا پارتا دیموكراتا كورستانێ ل 16 تەباخا سالا 1946 وەكە حیزبەكە بەرچاڤ د مەیدانا خەبات و تێكوشانێ دا دناڤا درۆشمێن خوە دا بەردەوام تەكەزی ل سەر خزمەتكرنا نەتەوەیێ خوە هەمی خەلكێ كوردستانێ كرییە ، ئەڤە وێ یەكێ ئەشكەرا دكە ، كو راستە پارتی د خزمەتا نەتەوەیەكێ دایە. ژبەر كو یا خویایە دامەزراندنا پارتی ل سەر دەستێ باڤێ رۆحی یێ نەتەوەیی و رێبەرێ تەڤگەرا رزگاریخوازییا گەلێ كوردستانێ مستەفا بارزانی ژبۆ خزمەتا نەتەوەیەكێ مەزلوم و هەمی خەلكێ دامەزراندییە . د دیرۆكا پارتیێ دا رۆژ ب رۆژ دەستكەفتێن نوو ژبۆ گەلێ كورد هاتنە توماركرن ، هەر ل دەستپێكا دروستبوونا كومارا كوردستانێ پارتی كار ژبۆ خزمەتا نەتەوەیی دەستپێكرییە .
ل پشتی تێكچوونا كومارا كوردستانێ ژی جەنەراڵ مستەفا بارزانی تەڤی كومەكە هەڤالین خوە بەر ب یەكەتییا سۆفیەتا بەرێ ب رێكەتن ژبۆ پاراستن و مانەڤا مللەتەكێ مەزلوم دناڤا چار ئالیێن دوژمن دا . پشتی ڤەگەریانێ ل یەكەتییا سۆفیەتێ مستەفا بارزانی ژبال عەبدولكریم قاسم سەرۆك كومارێ وێ دەمی یێ عێراقێ و گەلێن جدا جدا یێن عێراقێ هاتە پێشوازكرن.
پشترە تەڤی هكومەتا عێراقێ ، بارزانی نەمر كار ژبۆ وێ یەكێ كر كو مافێن گەلێ كورد ب دەست بخە و ژبال خوەڤە ژی هكومەتا عێراقێ چەندین سوز ب سەكردایەتییا گەلێ كورد دان ، لێ ل تەڤایا وان سوزێن خوە پوشمان بوون ل هەمبەر گەلێ كورد . خزمەتێن پارتیێ ل ڤڕ رانەوەستیان و بەردەوامی هەبوو تەڤی گوهەرتێن تەڤایا هكومەتێن یەك لدوف یەك دانوستاندن و گوتوبێژ لدۆر مافێن گەلێ كورد تەڤی وان هكومەتا كر ، لێ تەڤایا وان هكومەتا ل هەمبەر كوردان و سەركردایەتییا كوردستانێ سوزێن خوە ب جه نەئانینە .
پارتا دیموكراتا كوردستانێ ل هەمبەر وان بێ سوزیێن كو هكومەتێن عێراقێ ل هەمبەر كوردان كری ، شورشا مەزنا ئەیلولێ ب سەركردایەتییا بارزانیێ نەمر شەر دژی هكومەتا عێراقێ راگەهاند ژبۆ ب دەستخستنا مافێن گەلێ كورد ، هكومەتا عێراقێ ل سەردەمێ ئەحمەد حەسەن بەكر نەچار بوو ، كو ب كەڤە ناڤا دانوستاندنان تەڤی سەركردایەتییا پارتییا دیموكراتا كوردستانێ ب سەركردایەتییا بارزانیێ نەمر ، ئەنجامێن وان دانوستاندنا ژی بوویە سەدەما ژ دایك بوونا مافی ئوتونومێ ژبۆ گەلێ كورد ، كو ل رۆژا 11 یێ ئادارا سالا 1970 ئەو لهەڤهاتن دناڤبەرا سەركردایەتییا كوردستانێ و هكومەتا عێراقێ هاتە ئیمزەكرن . پشتی بنپێكرنا وێ لهەڤهاتنێ ژی پارتی ل خزمەتكرنا نەتەوەیێ خوە بەردەوام بوو ، پشتی نسكۆیا سالا 1975 ێ دەما خەلكێ كوردستانێ ئاوارەیێ كوردستانا رۆژهەلات بووی ، پارتی جارەكە دن خوە ژبۆ خزمەتكرنا نەتەوەیێ خوە یێ مەزلوم دەست ب نوو بوونا خوە كر و جارەكە دن شۆڕش ب سەركردایەتییا ئیدریس جوانە مەرگ و سەرۆك بارزانی ئاڤا كر ، كو شورشا گوڵانێ بوویە رووناهییەكە روون د تاریاتییا كو ل سەر گەلێ كورد هاتبوو سەپاندن . شۆڕشا گوڵانێ د 26 گوڵانێ سالا1976 دەشتپێكر و ئەڤ یەكە ژی بوویە سەدەما درێژەدان ب شۆڕشا ئەیلۆلێ و هێڤییەكە مەزن ژی ژبۆ گەلێ كورد ئاڤا كر ، كو ب كار بن بگەهن خەونێن خوە . هەر دناڤا شۆڕشا گوڵانێ دا چەندین داستانێن قەهرەمانانە هاتنە تومار كرن و پلانا بەریێ كوردستانێ دانا ژبۆ راپەرینا مەزن یا سالا 1991 ب سەركردایەتییا ئیدریس جوانە مەرگ و سەرۆك بارزانی . كو ل رۆژا 5 ئادارێ 1991 راپەرینا مەزن دەستپێكر و خەلكێ كورستانێ ژ بن زۆلم و زورییا رژێما ل ناڤ چوویا بەعس دەرخست ، پشتی سەركەفتنا راپەرینا مەزن ل دژی رژێما بەعس ، ل باژارێ كۆیێ دناڤا جەماوەری دا سەرۆك بارزانی فەرموو: ( دڤێ هەلبژارتنن دیموكراسیانە بێن كرن ژبۆ ئاڤاكرنا سازیێن یاسایی ل كوردستانێ ) ئەڤ ئاخفتنا سەرۆك بارزانی بوویە سەدەما ئاڤاكرنا سازیێن یاسایی ل هەرێما كوردستانێ وەكە پەرلەمێنتا كوردستانێ و هكومەتا هەرێما كوردستانێ ، خەلكێ كوردستانێ ل بن سێبەرا هكومەتا هەرێما كوردستانێ دەست ب ژیانەكە ئارام كر و رۆژ ب رۆژ كورد بەر ب پێشدا د چوون . پشتی هەرفینا رژێما بەعس ل سالا 2003 ێ پارتییا دیموكراتا كوردستانێ ب سەركردایەتییا سەرۆك بارزانی دیسان دەست ب هەڤدیتنا كر تەڤی وان كەسایەتیێن سیاسی یێن عێراقێ ژبۆ ب دەستخستنا مافێن رەوا یێن گەلێ كورد ، هەیا كو دناڤا دەستورا عێراقێ ژی دا چەندین ماددەیێن گرینگ لدۆر ماف و ئیمتیازێن گەلێ كورد هاتن چەسپاندن . تێ زانین كو پارتییا دیموكراتا كوردستانێ هەرگاڤ هەول ددە، كو خەونێن گەلێ كورد ب دەست بینە و هەر یا بەردەوامە.
د سالا 2014 تەڤی هاتنا چەكدارێن خەلافەتا ئیسلامی ژبۆ سەر ئاخا كوردستانێ ، پارتییا دیموكراتا كوردستانێ ب سەركردایەتییا سەرۆك بارزانی ل هەمبەر وان راوەستان ، نەهێلا ئاخا كوردستانێ بكەڤە بن كونترۆلا وان ژ دەست وان دەرخست ، كو ب هزاران پێشمەرگەهێن قەهرەمانێن خوە گۆری ئاخا پیروزا كوردستانێ كر .
ل دەما كو پارتییا دیموكراتییا كوردستانێ ب سەرۆكاتییا سەرۆك بارزانی بریارا ئەنجامدانا ریفراندومی دا ، دژومنێن كوردان كەتنە ناڤا گەفان و چەواشەكارییان ل دژی سەرۆك بارزانی و پارتییا دیموكراتا كوردستانێ ، لێ ئەو یەك نەبوویە سەدەما سارڤەكرنا پارتی و سەرۆك بارزانی و خەلكێ كوردستانێ لدۆر دەستخستنا مافی چارەنڤیسا گەلێ كورد ، ل رۆژا
25 / 9 / 2017 پروسەسا ریفراندومێ ب سەرۆكاتییا سەرۆك بارزانی و پشتەڤانییا خەلكێ كوردستانێ هاتە ئەنجامدان و سەركەتنەكە مەزن ب دەست خست . كو پرانییا خەلكێ كوردستانی ب دەنگێ ( بەلێ ) ژبۆ سەربخوەبوونا كوردستانێ دەنگ دان . كو رێژەیا 92،7% دەنگان ب دەست خست . ئەڤە ژی د دیرۆكا پارتییا دیموكراتا كوردستانێ دا بوویە ، مەزنترین دەستكەفت ژبۆ ئاڤاكرنا دەولەتا كوردستانێ ب سەرۆكاتییا سەرۆك بارزانی . كو سەد سالە گەلێ كورد ژبۆ خەون و چارەنڤیسا خوە خەبات و تێكوشانێ دكە ، دا بگەهە وان داخوزیێن خوە ، هەر چەند هنەك ئالی و گروپ یێن خیانەتكار د خوازن رێگریێ ل وان گاڤێن پارتیێ بگرن ، لێ ئەو نەكارینە و نكارن ژی ، ژبەر كو سیاسەتا حەكیمانەیا یا جەنابی سەرۆك بارزانی وان هەمی پیلانان ژ ناڤ دبە ، كو دبنە رێگر ل هەمبەر چارەنڤیسێ گەلێ كورد.
د نها ژی دا پارتییا دیموكراتا كوردستانێ ب سەرۆكاتییا سەرۆك بارزانی رۆژ ب رۆژ دەستكەفتێن مەزن ژبۆ گەلێ كورد ب دەست دخە و كوردستان بەر ب پێشدا دچە و رۆژێن گەش چاڤەریێ كوردستانێ دكەن.
