لە میانەی‮ ‬كار و چالاكییە مرۆییەكانی‮ ‬لە چوارچێوەی‮ ‬رێكخراوی‮ ‬احلام الطفولە‮‬،‮ ‬شاجوانی‮ ‬پێشووتری‮ ‬رۆژهەڵاتی‮ ‬ناوەڕاست ئەحلام حەجی‮ ‬سەردانی‮ ‬نەوجەوانانی‮ ‬كوڕ‮ ‬و كچانی‮ ‬هەولێری‮ ‬كرد و بەبۆنەی‮ ‬نزیك بوونەوەی‮ ‬جەژنی‮ ‬قوربانی‮ ‬دیاریی‮ ‬جەژنی‮ ‬پێشكەش كردن.سەبارەت بەم سەردانەی‮ ‬ئەحلام حەجی‮ ‬رایگەیاند‮: ‬دوای‮ ‬ئەوەی‮ ‬نازناوی‮ ‬شاجوانی‮ ‬رۆژهەڵاتی‮ ‬ناوەڕاستم بەدەست هێنا،‮ ‬پەیامی‮ ‬من وەك شاجوانێك بریتی‮ ‬بوو لە‮ ‬یارمەتیدانی‮ ‬منداڵانی‮ ‬بێ نەوا و سەرپەرشت،‮ ‬بۆیە رێكخراوێكم دامەزراند بە ناوی‮ ‬احلام الطفولە‮ ‬بۆ‮ ‬یارمەتیدان منداڵان لە وڵاتی‮ ‬مەغریب،‮ ‬بەڵام دواتر بە پێویستم زانی‮ ‬كارەكانی‮ ‬رێكخراوەكە فراوانتر بكەم،‮ ‬بۆ ئەم مەبەستەش هاوكاری‮ ‬منداڵانی‮ ‬چەند وڵاتێكی‮ ‬ئەفریقیم كرد،‮ ‬هەروەها سەردانی‮ ‬كەمپی‮ ‬هەرشەمم كرد لە پارێزگای‮ ‬هەولێر كە تایبەتە بە ئاوارەكانی‮ ‬موسڵ و بەپێی‮ ‬ئەو توانایەی‮ ‬كە هەیە هاوكاریم كردن،‮ ‬دواتر لە شاری‮ ‬بەغداش چەند كارێكم بۆ منداڵان ئەنجامدا،‮ ‬هەروەها دوای‮ ‬رزگار كردنی‮ ‬شاری‮ ‬موسڵ بەشداریم لە هەڵمەتێكی‮ ‬ئاوەدان كردنەوەی‮ ‬شارەكە كرد كە بریتی‮ ‬بوو لە درووستكردن و نۆژەنكردنەوەی‮ ‬سەدان خانوو كە لە ئەنجامی‮ ‬شەڕەكاندا وێران ببوون.

سەبارەت بە سەردانی‮ ‬بۆ خانەی‮ ‬نەوجەوانانی‮ ‬هەولێر ئەحلام حەجی‮ ‬وتی‮: ‬حەزم دەكرد رۆژی‮ ‬جەژن لەگەڵ ئەو كوڕ‮ ‬و كچانە بكەمەوە كە لە خانەی‮ ‬نەوجەواناندان،‮ ‬بەڵام لەبەر ئەوەی‮ ‬ناتوانم بۆ جەژن لێرە بم بڕیارمدا پێش جەژن سەردانیان بكەم و دیاری‮ ‬جەژنیان پێشكەش بكەم،‮ ‬چونكە ئامانجی‮ ‬من ئەوەیە خەندە بخەمە سەر لێوی‮ ‬ئەو منداڵانە و ئەوەش پەیامی‮ ‬منە لە ژیان،‮ ‬ئەوەی‮ ‬مایەی‮ ‬خۆشحاڵییە كە لە نێو ئەم نەوجەوانانەدا كەسانی‮ ‬بە توانا و زیرەك هەن لە گشت بوارەكاندا بەتایبەتی‮ ‬خوێندن كە سەرەڕای‮ ‬گرفتەكانیان لە ژیاندا ئومێد ئەوەیان لێدەكرێت كە كەسانی‮ ‬سەركەوتوو و بن و سوودیان بۆ وڵاتەكەیان هەبێت.هەر سەبارەت بە سەردانەكەی‮ ‬ئەجلام حەجی‮ ‬وتی‮: ‬لێرەدا دەمەوێ سوپاسی‮ ‬حكومەتی‮ ‬هەرێمی‮ ‬كوردستان و سەرپەرشتانی‮ ‬ئەم خانەیە بكەم بۆ ئەو ئەركەی‮ ‬كە دەیگێڕن لە پێناو خزمەتكردنی‮ ‬ئەو كەسانەی‮ ‬لەو خانەدا ژیان بەسەر دەبەن و لەبەر هەر هۆكارێك بێت لە كەسوكار و دایك و باوكیان دابڕاون،‮ ‬ئەو خزمەتگوزاریانەی‮ ‬حكومەتی‮ ‬هەرێمی‮ ‬پێشكەشیانی‮ ‬دەكات مایەی‮ ‬رێز و تەقدیرن و هیوای‮ ‬سەركەوتن و بەردەوامیان بۆ دەخوازم لەو ئەركەی‮ ‬مرۆییەدا‮.‬
ئەحلام حەجی‮ ‬هەروەها وتی‮: ‬ئەو منداڵانەی‮ ‬دەبنە قوربانی‮ ‬جەنگ و كێشە كۆمەڵایەتییەكانی‮ ‬نێو خێزان باجی‮ ‬هەڵەیەك دەدەن كە گەورەكان ئەنجامیانداوە،‮ ‬بۆیە ئەركی‮ ‬هەموو لایەكە بەتایبەتی‮ ‬كەسانی‮ ‬خواپێدا و رێكخراوەكان بە هەموو شێوەیەك كە هاوكارییان بكەن‮.‬