خەبات‮- ‬تریفە ئازاد:
لە ئێستادا كابینەی‮ ‬نۆیەمی‮ ‬حكوومەتی‮ ‬هەرێمی‮ ‬كوردستان دەستی‮ ‬بە جێبەجێكردنی‮ ‬كارنامەی‮ ‬خۆی‮ ‬كردووە،‮ ‬بێگومان چاكسازی‮ ‬و خزمەتگوزای‮ ‬و پێشڤەبردنی‮ ‬ئاستی‮ ‬بژێوی‮ ‬ژیانی‮ ‬خەڵكی‮ ‬كوردستان و پێشخستنی‮ ‬سێكتەرە جیاجیاكانی‮ ‬جومگەكانی‮ ‬حكوومەت كاری‮ ‬لەپێشینەی‮ ‬حكوومەتی‮ ‬هەرێمی‮ ‬كوردستان دەبێت‮. ‬هەڵبەت هەماهەنگی‮ ‬نێوان حكوومەت و هاووڵاتیان و فەرمانبەران و رێكخراوەكانی‮ ‬كۆمەڵگای‮ ‬مەدەنی‮ ‬دەبێتە ئەگەری‮ ‬سەركەوتنی‮ ‬حكوومەتی‮ ‬هەرێمی‮ ‬كوردستان لە جێبەجێكردنی‮ ‬كارنامەی‮ ‬خۆی‮ ‬كە لەسەرەتای‮ ‬دەستبەكاربوونی‮ ‬حكوومەت رێزدار مەسرور بارزانی‮ ‬سەرۆكی‮ ‬حكوومەت رایگەیاند‮. ‬بۆ ئەم مەبەستە رۆژنامەی‮ ‬خەبات لە پەراوێزی‮ ‬جێ بەجێكردنی‮ ‬كارنامەی‮ ‬كابینەی‮ ‬نۆیەمی‮ ‬حكوومەتی‮ ‬هەرێمی‮ ‬كوردستان،‮ ‬هەوڵدەدات لە تەوەرێكی‮ ‬ئاڵوگۆڕی‮ ‬بیرورادا،‮ ‬بیروبۆچوونی‮ ‬شارەزایان و پسۆری‮ ‬سێكتەری‮ ‬جیاجیاكان وەرگرێت وەك هاوكاری‮ ‬و بەشداربوون لە جێبەجێ كردنی‮ ‬كارنامەی‮ ‬كابینەی‮ ‬نۆیەمی‮ ‬حكوومەتی‮ ‬هەرێمی‮ ‬كوردستان‮.‬
بۆ بەرەو پێشچوونی‮ ‬ئاستی‮ ‬خوێندنی‮ ‬باڵا پێویستە گرنگی‮ ‬بە كادیری‮ ‬ناوخۆیی‮ ‬بدرێت
گرنگی‮ ‬دان و بەرەو پێش بردنی‮ ‬ئاستی‮ ‬خوێندن لە زانكۆكانی‮ ‬هەرێمی‮ ‬كوردستان‮ ‬یەكێكە بەرنامەی‮ ‬كاری‮ ‬داهاتووی‮ ‬حكوومەتی‮ ‬هەرێمی‮ ‬كوردستان،‮ ‬ڕۆژگار شێخانی‮ ‬مامۆستای‮ ‬زانكۆ لە كۆلێژی‮ ‬ئاداب لە لێدوانێكی‮ ‬تایبەت بۆ‮ ‬ڕۆژنامەی‮ ‬خەبات گوتی‮: ‬كابینەی‮ ‬نۆیەم دەتوانێت پەرە بە كایەی‮ ‬زانست و بواری‮ ‬خوێندنی‮ ‬باڵا بدات كە بەرلەهەموو شتێك لە رێگەی‮ ‬لیژنەیەكی‮ ‬زانستی‮ ‬كە لەكۆمەڵێك پسپۆڕ‮ ‬پێكهاتبن،پێداچوونەوە بە میتۆدەكانی‮ ‬خوێندن بكات،‮ ‬بە جۆرێك لەگەڵ پێشكەوتنی‮ ‬سەردەمدا بگونجێت و دەزگاو دامەزراوە زانستیەكانی‮ ‬ئێمەش شان بەشانی‮ ‬زانكۆ و دامەزراوەی‮ ‬زانستی‮ ‬پێشكەوتووی‮ ‬جیهان ئاشنا ببن بە میتۆدی‮ ‬زانستی‮ ‬تازە‮. ‬هەروەها دەبێت گرنگی‮ ‬زیاتر بە كادیرانی‮ ‬ئەكادیمی‮ ‬نێوخۆی‮ ‬كوردستان بدرێت،مەبەستمە بڵێم لەماوەی‮ ‬دە بۆ پازدە ساڵی‮ ‬ڕابردوو،‮ ‬بەشێك لە زانكۆ ئەهلی‮ ‬و حكومیەكان ژمارەیەكی‮ ‬زۆری‮ ‬مامۆستاو ستافی‮ ‬وانەبێژی‮ ‬بیانیان هێنایە نێو زانكۆ،‮ ‬كەچی‮ ‬بەسەدان گەنجی‮ ‬كوردستان دوای‮ ‬تەواوكردنی‮ ‬ماستەر و دكتۆرا،بەگوڕوتینەوە هیواخوازبوون لەنێو زانكۆ و پەیمانگاكانی‮ ‬كوردستان خزمەت بكەن،‮ ‬كەچی‮ ‬لەبەر پێویست نەبوون بە میلاك و توانایان،‮ ‬زۆربەیان ئێستا لە ئەداكردنی‮ ‬پیشەی‮ ‬خۆیان دوورن،ئەمەش‮ ‬ڕەنگدانەوەی‮ ‬خراپی‮ ‬لە ئێستا و داهاتووی‮ ‬زانكۆ و پەیمانگاكانمان دەبێت،بۆیە پێویستە وەزارەتی‮ ‬خوێندنی‮ ‬باڵا چارەسەرێك بۆ ئەو حاڵەتە بدۆزێتەوەو گرنگی‮ ‬بە كادیری‮ ‬ناوخۆیی‮ ‬بدات‮. ‬خاڵێكیتر كە پێویستە بۆ پێشڤەچوونی‮ ‬پڕۆسەی‮ ‬خوێندنی‮ ‬باڵا،‮ ‬دروست كردنی‮ ‬كەمپ و شوێنی‮ ‬گونجاوە بۆ زانكۆ و پەیمانگاكان بە تایبەت زانكۆی‮ ‬سەلاحەدین/هەولێر،‮ ‬كەبەڕاستی‮ ‬بەو شێوەی‮ ‬ئێستای‮ ‬بەشێك لە كۆلێژو پەیمانگاكان كە تێیدان پێشكەوتن بەدینایەت،‮ ‬تایبەت بەشێكی‮ ‬زۆری‮ ‬هۆڵەكانی‮ ‬وانەووتنەوە بۆ ئەو پڕۆسەیە گونجاو نین،‮ ‬بۆیە پێویستە حكوومەتی‮ ‬هەرێم،‮ ‬لەڕێگەی‮ ‬وەزارەتی‮ ‬خوێندنی‮ ‬باڵاوە هەنگاوی‮ ‬خێراو پێویست بگرێتەبەر بۆ چارەسەری‮ ‬ئەو بابەتە‮. ‬خاڵێكیتر،‮ ‬دروست كردنی‮ ‬پەیوەندی‮ ‬زانستی‮ ‬نێوان زانكۆ و پەیمانگاكانی‮ ‬كوردستان لەگەڵ دامەزراوە زانستیە پێشكەوتووەكانی‮ ‬جیهان،تا لەڕێگەیەوە سوود لە ئەزموونی‮ ‬ئەوان وەربگیرێت و توێژینەوەی‮ ‬زانستی‮ ‬هاوبەش ئەنجام بدەن‮. ‬هەروەها پێویستە وەزارەتی‮ ‬خوێندنی‮ ‬باڵا ئەو كۆسپ و لەمپەرانەی‮ ‬بەردەم خوێندنی‮ ‬قوتابیان هەڵبگرێت لە خوێندنی‮ ‬ماستەرو دكتۆرا،ئەویش بە لابردنی‮ ‬ئەو رێنماییانەی‮ ‬چوار ساڵی‮ ‬ڕابردووی‮ ‬وەزارەت تایبەت بە كاندیدانی‮ ‬ماستەر و دكتۆورا و خوازیارانی‮ ‬وەرگرتنی‮ ‬نازناوی‮ ‬زانستی،‮ ‬چونكە بەهۆی‮ ‬ئەو رێنماییانەوە ژمارەیەكی‮ ‬یەكجار زۆر لە خوێندن و وەرگرتنی‮ ‬نازناوی‮ ‬زانستی‮ ‬بێبەشن،‮ ‬ئەمەش بە زیانی‮ ‬پڕۆسەی‮ ‬خوێندنی‮ ‬باڵا تەواو دەبێت‮. ‬وەك تێبینی‮ ‬دەكەین لەماوەی‮ ‬ئەو چەند ساڵەی‮ ‬رابردوو،‮ ‬وەزارەتی‮ ‬خوێندنی‮ ‬باڵا چەند جارێك سیستەمی‮ ‬وەرگرتنی‮ ‬قوتابیانی‮ ‬گۆڕیوە،‮ ‬ئەمەش بەجۆرێك لەجۆرەكان كاریگەری‮ ‬نێگەتیفی‮ ‬لەسەر پڕۆسەی‮ ‬خوێندنی‮ ‬زانكۆیی‮ ‬دروست كردووە،‮ ‬بۆیە ئەگەر بمانەوێ ئەو بوارە پێشكەوتوو بێت،ئەوا دەبێت وەزارەت سێستەمێكی‮ ‬جێگیر بۆ وەرگرتن و خوێندنی‮ ‬قوتابیان پەیڕەو بكات‮.‬
پێویستە‮ ‬حكوومەتی‮ ‬هەرێمی‮ ‬كوردستان چاودێریەكی‮ ‬زیاتر و تەواو بخاتە سەر زانكۆكان
د‮. ‬محمد زراری‮ ‬مامۆستای‮ ‬زانكۆ لە بارەی‮ ‬كارنامەی‮ ‬هێڵە گشتیەكانی‮ ‬كابینەی‮ ‬نۆیەم بۆ‮ ‬ڕۆژنامەی‮ ‬خەبات گوتی‮:‬‮ ‬هەوڵی‮ ‬كۆمەڵگاكان بۆ گرنگیدان بە زانكۆكانیان وە نوێ بونەوەیان وەدەست گرتن بە هۆكاری‮ ‬بەهێزكردنیان و نیشانەی‮ ‬بەرە و پێشچونی‮ ‬ئەو كۆمەڵگایەیە‮. ‬لێرەدا زانكۆكان رۆڵی‮ ‬سەرەكی‮ ‬خویان دەبینین وە دەیسەلمێنن كەوا چەندە كرنگن بۆ ئەو كۆمەڵگەیە‮. ‬لە دوای‮ ‬ڕوخانی‮ ‬ڕژێمی‮ ‬بەعس لەساڵێ‮ ‬2003 وە باش بونی‮ ‬بارو گوزەرانی‮ ‬هاوڵاتیان لێشاوی‮ ‬گەڕانەوە بۆ سەر خوێندن دەستی‮ ‬پێكرد ساڵانە لە هەرێمی‮ ‬كوردستان دەیان هەزار كەس دەبنە خاوەن بڕوانامەی‮ ‬زانكۆیی‮ ‬چ لە زانكۆ حكومیەكان‮ ‬یان زانكۆ ئەهلیەكان‮. ‬وەدەرچوونی‮ ‬ئەو ژمارە زۆرە و بونیان بە خاوەن بڕوانەی‮ ‬زانكۆیی‮ ‬لە‮ ‬ڕووی‮ ‬زانستی‮ ‬بەرە و پێش چۆن و وەرچەرخانێكی‮ ‬گەورەیە چونكە زیادبوونی‮ ‬ژمارەی‮ ‬ئەو كەسانەی‮ ‬كە خاوەن بڕوانامەی‮ ‬زانكۆیین ئاماژەیەكی‮ ‬ڕوون و ئاشكرایە لەسەر بەرەو پێشچوونی‮ ‬ئەو كۆمەڵگەیە وە پاڵنەرێكی‮ ‬بەهێزیشە بۆ ئەوەی‮ ‬كەوا ئەو كەسەی‮ ‬بوەتە خاوەنی‮ ‬بڕوانامە زیاتر گرنگی‮ ‬و پەرە بە تواناكانی‮ ‬بدات وە لەو ئاستەی‮ ‬كە هەیەتی‮ ‬نەوەستێت و ببێتە خاوەن بڕوانامەی‮ ‬بەرزتر‮. ‬سەرەڕای‮ ‬هەبوونی‮ ‬تێبینی‮ ‬لەسەر هەندێك لەوانەی‮ ‬بوونەتە خاوەن بڕوانامەی‮ ‬زانكۆیی‮ ‬بەڵام لە ئاستی‮ ‬ئەو بڕوانامەیە نین كە بەداخەوە ئەوە زیاتر لە هەندێك لە زانكۆ ئەهلیكان بەدی‮ ‬ئەكرێت،‮ ‬هەرچەندە هەندێك زانكۆی‮ ‬ئەهلی‮ ‬باش و ئاست بەرزمان هەیە لەهەرێمی‮ ‬كوردستان‮. ‬لێرەدا من بە پێویستی‮ ‬دەزانم كەوا حكوومەتی‮ ‬هەرێمی‮ ‬كوردستان چاودێریەكی‮ ‬زیاتر و تەواو بخاتە سەر ئەو زانكۆیانەی‮ ‬كەوا لەڕوی‮ ‬زانستی‮ ‬و كارگێڕی‮ ‬وە هەروەها لە رووی‮ ‬دانانی‮ ‬نمرە و ئامادەبونی‮ ‬قوتابیان،‮ ‬وە هەڵسەنگاندنی‮ ‬مامۆستاكان كە ئایە لەڕووی‮ ‬زانستی‮ ‬و زانیاری‮ ‬و بەرە و پێش چوون لە چ ئاستێكن كە بەداخەوە ئەو دیاردەیە هەستی‮ ‬پێ دەكرێت لە نێو هەندێك لە مامۆستایانی‮ ‬زانكۆ ئەهلیەكان بەتایبەت ئەو مامۆستایانەی‮ ‬كە لە دەرەوەی‮ ‬هەرێمی‮ ‬كوردستان هاتونەتە زانكۆ ئەهلیەكانی‮ ‬هەرێمی‮ ‬كوردستان كە بەرژەوەندیان هەیە لەگەڵ هەندێك لە قوتبیەكانیان وە چاوپۆشیان لێ دەكەن لەڕووی‮ ‬ئامادە نەبونیان لە وانەكان و‮ ‬یاخود‮ ‬یارمەتی‮ ‬دانیان بۆ ئەوەی‮ ‬دەربچن تەنانەت هەندێك جار نمرەی‮ ‬وایان داوە بە هەندێك قوتابی‮ ‬ئەو قوتابیە بوە بە‮ ‬یەكەمی‮ ‬سەربەشی‮ ‬خۆی‮ ‬و هەوڵ و ماندوبونی‮ ‬قوتابیەكی‮ ‬تر بە فیڕۆ چوە و خەون و داهاتوی‮ ‬ئەو قوتابیە لە گۆڕنراوە‮. ‬هەروەك‮ ‬ڕوون و ئاشكرایە‮ ‬هەبونی‮ ‬ئەو جۆرە مامۆستایانەش بەهۆی‮ ‬پێ نەدانی‮ ‬نازناوی‮ ‬زانستی‮ ‬بوو بە مامۆستاكانی‮ ‬خۆمان لەلایەن وەزارەتی‮ ‬خوێندنی‮ ‬باڵا كە بوە هۆی‮ ‬دروستكردنی‮ ‬بۆشایی‮ ‬نەبوونی‮ ‬مامۆستای‮ ‬زانكۆ وە پڕكردنەوەی‮ ‬ئەو بۆشاییە بەم جۆرە مامۆستایانە‮. ‬وە ئەوەشمان بیر نەچێت زۆر لە دەرچوانی‮ ‬زانكۆ ئەهلیەكان لەڕوی‮ ‬توانای‮ ‬زانستی‮ ‬و پیشەیی‮ ‬لە ئاستێكی‮ ‬زۆر بەرزدان كە جێگای‮ ‬خۆشحاڵیە بەتایبەت لە بوارە زانستیەكانی‮ ‬وەك پزیشكی‮ ‬و ئەندازیاری‮ ‬و ژمێریاری‮ ‬كە ئەگەر بێت و بەراوردیان بكەین بە دەرچوانی‮ ‬زانكۆ حكومیەكان لەڕوی‮ ‬زانستی‮ ‬و لێهاتوویی‮ ‬هیچیان لە ئەوان كەمتر نیە‮. ‬لە كۆتاییدابوونی‮ ‬ئەو هەموو ژمارە زۆرەی‮ ‬خاوەن بڕوانامەی‮ ‬زانكۆیی‮ ‬لە هەرێمی‮ ‬كوردستان بەدڵنیاییەوە لایەنە باشەكانی‮ ‬زۆر زیاترن بەراورد بە لایەنی‮ ‬خراپی‮ ‬كە وەك لەپێشتر ئاماژەم پێدا هەندێك خاوەن بڕونامەی‮ ‬بێ زانست و زانیاریمان هەیە كە ئەوەش جێگای‮ ‬داخە بەڵام خۆشبەختانە ئەوانەی‮ ‬كەوا لەڕووی‮ ‬زانستی‮ ‬ئاستیان بەرزەو خاوەن لێهاتوییەكی‮ ‬باشن توانیویانە بارگرانیەكی‮ ‬گەورە لەسەر‮ ‬حكوومەت‮ ‬لابدەن لە‮ ‬ڕووی‮ ‬دابین كردنی‮ ‬كادری‮ ‬بەتوانا لە بوارە جیاجیاكان بەتایبەت مامۆستایانی‮ ‬زانكۆ‮.‬
پێویستە زانكۆ تایبەتییەكان تەنیا‮ ‬بیر سەرمایەكی‮ ‬زۆر نەكەنەوە بەڵكو گرنگی‮ ‬بە ئاستی‮ ‬زانستی‮ ‬بدەن
كاریگەری‮ ‬خوێندنی‮ ‬ئەهلی‮ ‬و چۆنیەتی‮ ‬چارەسەر كردنی‮ ‬كێشەكان لە كابینەی‮ ‬داهاتوو و لە لێدوانێكی‮ ‬تایبەت بە‮ ‬ڕۆژنامەی‮ ‬خەبات‮ ‬د‮. ‬ئەرشد حاجی‮ ‬سدیق دكتۆرا لە ژمێریاری‮ ‬و كارگێری‮ ‬دارایی‮ ‬گوتی‮:‬‮ ‬سەرەتای‮ ‬دەركەوتنی‮ ‬زانكۆ تایبەتیەكان بەشێوەیەكی‮ ‬بەرچاو دەگەرێتەوە بۆ دووای‮ ‬ساڵی‮ ‬2010 و دووای‮ ‬داخستنی‮ ‬كولێژەكانی‮ ‬خوێندنی‮ ‬ئێوارانی‮ ‬سەر بە زانكۆ حكومیەكان‮. ‬لەسەرەتادا قوتابیان و تەنانەت ماموستایانی‮ ‬زانكۆش دژی‮ ‬ئەم بریارە وەزارەتی‮ ‬خوێندنی‮ ‬باڵا و توێژینەوەی‮ ‬زانستی‮ ‬وەستانەوە بەڵام وەزارەتی‮ ‬خوێندنی‮ ‬باڵا لە بڕیاری‮ ‬داخستن پاشگەز نەبوونەوە بە بیانووی‮ ‬هەنگاونان بۆ سیستەمی‮ ‬سەرمایەداری‮ ‬و‮ ‬ڕەخساندنی‮ ‬هەلی‮ ‬كاری‮ ‬زیاتر بۆ هاوڵاتیان لە‮ (‬فەرمانبەر و مامۆستایان‮) ‬تا‮ ‬ڕادەیەكی‮ ‬باش توانیان هەلی‮ ‬كار بۆ چەندین هاوڵاتی‮ ‬دابین بكەن‮. ‬یەكێكی‮ ‬تر لە بیانوەكانی‮ ‬وەزارەتی‮ ‬خوێندنی‮ ‬باڵا بریتی‮ ‬بوو لە هاوكاریكردنی‮ ‬حكوومەت و زانكۆ حكومیەكان لە لایەن زانكۆ تایبەتیەكان چونكە زانكۆەكانی‮ ‬حكومی‮ ‬ناتوانن رێژەیەكی‮ ‬زیاتر لە قوتابیان وەربگرن‮. ‬بە بروای‮ ‬من لە سەرەتادا بەهۆی‮ ‬نەبوونی‮ ‬مامۆستای‮ ‬پێویست وە دووای‮ ‬شەڕی‮ ‬داعش كاتێك مامۆستایانی‮ ‬زانكۆەكانی‮ ‬خواروی‮ ‬عێراق ئاوارە بوون دەستیان كرد بە وانە وتنەوە لە زانكۆ تایبەتیەكان لە كوردستان ئاستی‮ ‬زانستی‮ ‬لە زانكۆ تایبەتیەكان كوالیتی‮ ‬باشیان نەبوو وە ئاستی‮ ‬زانستی‮ ‬قوتابیان دابەزی‮ ‬چونكە بەشێك لە مامۆستایانی‮ ‬ئاوارە مەبەستیان دابینكردنی‮ ‬بژێوی‮ ‬ژیان و خۆگونجاندنیان بوو لەگەڵ سیاسەتی‮ ‬زانكۆ تایبەتیەكان نەك پێشكەشكردنی‮ ‬زانست و بەرزكردنەوەی‮ ‬ئاستی‮ ‬زانستی‮ ‬قوتابیان ئەمەش بەسود بینین لەو بڕیارە سەیرو سەمەرانەی‮ ‬وەزارەتی‮ ‬خوێندنی‮ ‬باڵای‮ ‬هەرێمی‮ ‬كوردستان بوو كە تەواو لە سودی‮ ‬ئەو مامۆستا ئاوارانەبوو و وە رێك لە دژی‮ ‬مامۆستا كانی‮ ‬هەرێمی‮ ‬كوردستان بوو بە بیانوی‮ ‬نەبونی‮ ‬توانستی‮ ‬زمان بێ بەش بوونە لە نازناوی‮ ‬زانستی‮. ‬بەڵام لەم چەند ساڵەی‮ ‬ڕابردوو بەهۆی‮ ‬قەیرانی‮ ‬دارایی‮ ‬هەرێم و دوواكەوتنی‮ ‬موچە بەشێك لە مامۆستایانی‮ ‬زانكۆ حكومیەكان دەستیانكرد بە وانە وتنەوە لە زانكۆ تایبەتیەكان ئەمەش ئاستی‮ ‬زانستی‮ ‬بە رادەیەكی‮ ‬بەرچاو بەرز كردەوە‮. ‬لەلایەكی‮ ‬ترەوە نەبوونی‮ ‬هەماهەنگی‮ ‬لە نێوان حكوومەت‮ ‬و كومپانیاكانی‮ ‬كەرتی‮ ‬تایبەتی‮ ‬لەگەڵ زانكۆ تایبەتیەكان لە پركردنەوەی‮ ‬خواستی‮ ‬بازاڕ‮ ‬لە‮ ‬ڕووی‮ ‬كادری‮ ‬مرۆی‮ ‬وای‮ ‬كردووە ژمارەیەكی‮ ‬زۆری‮ ‬دەرچووی‮ ‬زانكومان هەبێت و بێكار بن ئەمەش بوتە پاڵەپەستۆیەكی‮ ‬زۆر لەسەر‮ ‬حكوومەت‮ ‬بۆ دامەزراندنیان‮. ‬خالێكی‮ ‬تر داخستنی‮ ‬خوێندنی‮ ‬ئێواران بوو لە زانكۆ حكومیەكان كە دەرفەتیان بۆ فەرمانبەرانی‮ ‬كوردستان كەمكردەووە تاوەكو درێژە بە خوێندن بدەن‮. ‬لە لایەنی‮ ‬ئابووریش داخستنی‮ ‬خوێندنی‮ ‬ئێواران لە زانكۆ حكومیەكان و كردنەوەی‮ ‬زانكۆ تایبەتیەكان دەرفەتی‮ ‬خوێندنی‮ ‬بۆ چینی‮ ‬هەژاران كەم كردووە چونكە كرێی‮ ‬خوێندن زۆر بەرزە لە زانكۆ تایبەتیەكان بە بەراورد لەگەڵ كرێی‮ ‬خوێندنی‮ ‬ئێواران كە بەر لە ساڵی‮ ‬2010 ‮ ‬هەبوو لە زانكۆ حكومیەكان‮. ‬سەرەرای‮ ‬لە دەستدانی‮ ‬داهاتی‮ ‬كرێی‮ ‬خوێندن لە لایەن زانكۆ حكومیەكان كە ساڵانە بە نزیكی‮ ‬سێ ملیار دینار دەخەملێنرا‮. ‬سەبارەت بە كاریگەری‮ ‬خوێندن و دەرچووانی‮ ‬زانكۆ تایبەتیەكان لەسەر بەرەو بێشڤچوونی‮ ‬ئاستی‮ ‬خوێندنی‮ ‬باڵا ئەمە شتێكی‮ ‬چاوەڕوانەكراو بوو لە كاتی‮ ‬كردنەوەی‮ ‬خوێندنی‮ ‬بالا‮ (‬ماستەر و دكتورا‮) ‬لەكاتی‮ ‬ئەنجامدانی‮ ‬تاقیكردنەوە ژمارەیەكی‮ ‬زۆر كەم لە دەرچووانی‮ ‬زانكۆ تایبەتیەكان توانیان نمرەی‮ ‬پێویست بەدەست بێنن و درێژە بە خوێندنی‮ ‬باڵا بدەن ئەمەش نیشانەی‮ ‬پرسیار دەخاتە سەر ئاستی‮ ‬زانستی‮ ‬زانكۆ تایبەتیەكان‮. ‬پێویستە زانكۆ تایبەتیەكان تەنیا بیر لە وەرگرتنی‮ ‬ژمارەیەكی‮ ‬زۆر قوتابی‮ ‬و بەدەستهێنانی‮ ‬سەرمایەكی‮ ‬زۆر نەكەنەوە،‮ ‬سەرەرای‮ ‬بەدەستهێنانی‮ ‬سەرمایە بیر لە بەرز كردنەوەی‮ ‬ئاستی‮ ‬زانستی‮ ‬قوتابیان بكەنەوە سوود لە توانای‮ ‬مامۆستایانی‮ ‬كوردستان وەربگرن و هەماهەنگی‮ ‬دروست بكەن لەگەل زانكۆ حكومیەكانی‮ ‬كوردستان وە حكوومەتی‮ ‬هەرێم و وەزارەتی‮ ‬خوێندنی‮ ‬باڵا بریاری‮ ‬كردنەوەی‮ ‬خوێندنی‮ ‬ئێواران بدەن لە زانكۆ حكومیەكان تاوەكو سەرچاوەیەكی‮ ‬تری‮ ‬داهات بو حكوومەت‮ ‬زیاد بێت و توێژی‮ ‬هەژاران و فەرمانبەران بتوانن درێژە بە خوێندن بدەن‮.‬