خەبات‮: ‬رەنجبەر بەرزنجی_ن_سۆران
بە پێی‮ ‬ئامارێك تەنها لەماوەی‮ ‬دوومانگی‮ ‬رابردوودا‮ ‬9 ‮ ‬كەس لە ئاوی‮ ‬رووبارەكانی‮ ‬سنووری‮ ‬دەڤەری‮ ‬سۆران خنكاون و بەرێوەبەری‮ ‬بەرگری‮ ‬شارستانی‮ ‬سۆرانیش ئاماژە بەوە دەكات كە هۆكاری‮ ‬سەرەكی‮ ‬رووداوەكانی‮ ‬خنكان پابەندنەبوونە بە رێنمایی‮ ‬و تابلۆكانی‮ ‬هۆشیاركردنەوە‮.‬ 9 كەس خنكاون‮…‬ ئاشكرایە دەڤەری‮ ‬سۆران و دەورووبەری‮ ‬ناوچەیەكی‮ ‬گرنگی‮ ‬كەرتی‮ ‬گەشتیاریی‮ ‬سنووری‮ ‬پارێزگای‮ ‬هەولێر پێكدەهێنێت و سالانە بە تایبەتی‮ ‬لە وەرزی‮ ‬هاویندا ژمارەیەكی‮ ‬زۆر گەشتیاری‮ ‬ناوخۆیی‮ ‬و بیانی‮ ‬سەردانی‮ ‬ئەم ناوچەیە دەكەن و بە پێی‮ ‬ئامارێكیش بە تەنها لە ماوەی‮ ‬دوو مانگی‮ ‬رابردوودا9 كەس لە ئاوی‮ ‬رووبارەكانی‮ ‬دەڤەرەكە خنكاون‮ ‬، عەمیدی‮ ‬مافپەروەر‮ (‬عیماد كەنعان رێكانی‮) ‬بەرێوەبەری‮ ‬بەرگری‮ ‬شارستانی‮ ‬سۆران تایبەت بە خەبات رایگەیاند‮ ‬، بەداخەوە لە ماوەی‮ ‬دوو مانگی‮ ‬رابردوودا9 كەس لە ئاوی‮ ‬رووبارەكانی‮ ‬سنوورەكە خنكاون كە لەو ژمارەیەدا6 كەسیان وەك گەشتیار سەردانی‮ ‬ناوچەكەیان كردبوو و سێ كەسی‮ ‬تریشیان خەڵكی‮ ‬سنوورەكەن‮.‬ گەڕان بە دوای‮ ‬تەرمی2 كەس بەردەوامە‮…‬ بەرێوەبەری‮ ‬بەرگری‮ ‬شارستانی‮ ‬سۆران ئاماژەی‮ ‬بە گەڕان بە دوای‮ ‬تەرمی‮ ‬قوربانییەكان كرد ورایگەیاند‮ ‬، لەو ژمارەیەكی‮ ‬كە باسمان لێوەكرد توانراوە لە لایەن تیمەكانی‮ ‬بەرگری‮ ‬شارستانییەوە تەرمی‮ ‬حەوت كەسیان بدۆزرێتەوە و گەڕان بە دوای‮ ‬دوو كەسەكەی‮ ‬دیكەش كە‮ ‬یەكێكیان گەشتیارێكی‮ ‬پارێزگای‮ ‬موسڵە و ئەوەیتریشیان هی‮ ‬پارێزگای‮ ‬هەولێر تا ئێستاش بەردەوامە‮.‬ پابەندنەبوون بە رێنماییەكان‮…‬ لای‮ ‬خۆیەوە بەرێوەبەری‮ ‬بەرگری‮ ‬شارستانی‮ ‬سۆران ئاماژەی‮ ‬بە هۆكارەكانی‮ ‬رووداوەكانی‮ ‬خنكان كرد و رایگەیاند‮: ‬هۆكاری‮ ‬سەرەكی‮ ‬رووداوەكانی‮ ‬خنكان پابەندنەبوونی‮ ‬گەشتیارانە بە رێنمایی‮ ‬و تابلۆكانی‮ ‬هوشیاركردنەوە كە لە زۆر شوێن دانراون‮ ‬، هەروەها نەشارەزایی‮ ‬لە ناوچەكەش هۆكارێكی‮ ‬ترە‮ ‬، ئاشكراشە ئەمساڵ رێژەیەكی‮ ‬زۆر باران باریوە ئەمەش بۆتە هۆی‮ ‬بەرزبوونەوەی‮ ‬ئاوی‮ ‬رووبارەكان ئەمەش مەترسی‮ ‬زیاتری‮ ‬دروستكردووە‮ ‬، هەروەها جگە لەم بابەتانەی‮ ‬كە باسمان لێوەكرد پێویستە شوێنە گەشتیارییەكانی‮ ‬كەرتی‮ ‬تایبەتیش هەوڵی‮ ‬زیاتر بۆ پارێزگاریكردن لە گەشتیارانیان بدەن و شوێنەكانیان لە هەر مەترسییەك دوور بخەنەوە‮.‬