خه‌بات‮: ‬سەرهەنگ نەجمەدین:-
لەناوەراستی‮ ‬مانگی‮ ‬دووی‮ ‬ئەمساڵ لەشاری‮ ‬بەغدا بەبەشداری‮ ‬8 یانە پاڵەوانیەتی‮ ‬تۆپی‮ ‬دەستی‮ ‬یانەكانی‮ ‬عێراق دەستیپێكرد،‮ ‬لەپاڵەوانیەتیەكەدا هەر‮ ‬یانەیەك پێویست بوو‮ ‬7 یاری‮ ‬ئەنجام بدات،‮ ‬یانەكانی‮ ‬كوردستان‮ ‬4 یارییان لەشاری‮ ‬بەغدا ئەنجام دا،‮ ‬3 یاریش لەشاری‮ ‬هەولێر لەقۆناخی‮ ‬كۆتایی‮ ‬ئەنجام دا،‮ ‬هەر‮ ‬یەك لەیانەكانی‮ ‬هەولێر و ئافرۆدێت و قەڵا گەیشتنە قۆناخەكانی‮ ‬كۆتایی،‮ ‬لەئەنجامدا دوای‮ ‬ئەنجامدانی‮ ‬2 یاری‮ ‬لەخولەكەدا هەردوو‮ ‬یانەی‮ ‬هەولێر و ئافرۆدێت گەیشتنە‮ ‬یاری‮ ‬كۆتایی،‮ ‬گێمی‮ ‬یەكەمی‮ ‬یارییەكە لەبەرژەوەندی‮ ‬كچانی‮ ‬هەولێر بەئەنجامی‮ ‬12-5 گۆڵ كۆتایی‮ ‬هات،‮ ‬بەڵام لەگێمی‮ ‬دووەمی‮ ‬یارییەكەدا دووبارە هەولێر گۆڵبارانی‮ ‬تیپی‮ ‬میوانی‮ ‬كرد،‮ ‬لەئەنجامدا كچانی‮ ‬هەولێر بەشایستەیی‮ ‬توانیان‮ ‬یارییەكە لەئافرۆدێت بەئەنجامی‮ ‬24-10 گۆڵ بباتەوە و نازناوی‮ ‬خولی‮ ‬تۆپی‮ ‬دەستی‮ ‬یانەكانی‮ ‬عێراق بۆ‮ ‬یەكەمین جار لەسەر ئاستی‮ ‬عێراق بەدەست بهێنێت،‮ ‬لەبەرانبەردا هەر‮ ‬یەك لەیانەكانی‮ ‬ئافرۆدێت و قەڵا پلەكانی‮ ‬دووەم و سێیەمی‮ ‬خولەكەیان دەستەبەركرد‮.‬

لەمبارەیەوە‮ ‬یاریزانی‮ ‬یانەی‮ ‬قەڵا پەروین محەمەد كەپلەی‮ ‬سێیەمی‮ ‬پاڵەوانیەتیەكەیان بەدەستهێنا بۆ خەبات‮ ‬ڕایگەیاند‮: ‬بەدەستهێنانی‮ ‬پلەی‮ ‬سێیەمی‮ ‬عێراق ئەنجامێكی‮ ‬بەرزە بۆ‮ ‬یانەكەمان لەم كاتەدا،‮ ‬پێرۆزبایی‮ ‬خۆم ئاراستەی‮ ‬هەردوو‮ ‬یانەی‮ ‬هەولێر و ئافرۆدێت دەكەم بەبۆنەی‮ ‬بەدەستهێنانی‮ ‬پلەی‮ ‬یەكەم ودووەمی‮ ‬خولی‮ ‬تۆپی‮ ‬دەستی‮ ‬عێراق‮.‬
لەكۆتایدا لەلایەن بەرپرسانی‮ ‬وەرزشی‮ ‬عێراق وكوردستان خەڵات و دیاری‮ ‬بەسەر سەركەوتووان دابەشكرا‮.‬