خەبات‮: ‬سەید فاتیح بەرزنجی‮:-
ماوەیەكی‮ ‬زۆرە وەزارەتی‮ ‬كارەبای‮ ‬هەرێم سەرقاڵی‮ ‬دانانی‮ ‬پێوەری‮ ‬زیرەكی‮ ‬كارەبای‮ ‬ماڵانە بۆ ئەوەی‮ ‬چیتر كارەبا بەفیڕۆ نەڕوات دوای‮ ‬جێبەجێ كردنی‮ ‬پلانەكە لەلایەن وەزارەتی‮ ‬كارەبا دەست كرا بە دانانی‮ ‬پێوەری‮ ‬زیرەكی‮ ‬كارەبای‮ ‬ماڵان و لە ئێستاشدا لەلایەن تیمەكانی‮ ‬بەستانی‮ ‬پێوەری‮ ‬زیرەك كارەكان بەئەنجام گەیشتن دەربارەی‮ ‬كارەكانی‮ ‬بەستانی‮ ‬ئەو پێوەرە زیرەكە سەردانی‮ ‬بەڕێوەبەرایەتی‮ ‬گشتی‮ ‬كارەبای‮ ‬هەولێرمان كرد و لەوێدا ئەندازیار حوسێن حەمەد قادر بەڕێوەبەری‮ ‬گشتی‮ ‬كارەبای‮ ‬هەولێر‮ ‬ڕوونیكردەوە‮:‬

پڕۆژەیەكی‮ ‬گرنگ و ستراتیژی
پڕۆژەی‮ ‬پێوەری‮ ‬زیرەك بە پڕۆژیەكی‮ ‬گرنگ و ستراتیژی‮ ‬وەزارەتی‮ ‬كارەبا دادەنێرێت بۆیە وەزارەتی‮ ‬كارەبای‮ ‬هەرێم پێش قەیرانی‮ ‬دارایی‮ ‬ئەو پڕۆژەیەی‮ ‬لە بەرنامە دابوو،‮ ‬بەڵام لە كۆتایی‮ ‬ساڵی2013 ‮ ‬قۆناغێكی‮ ‬باشی‮ ‬بڕی‮ ‬بوو،‮ ‬دوای‮ ‬هاتنی‮ ‬قەیرانی‮ ‬دارایی‮ ‬ئەو پڕۆژەیە جێبەجێ نەكراو‮ ‬ڕاگیرا و لەبەر گرنگی‮ ‬پڕۆژەكە لەساڵی2018 ‮ ‬وەزارەتی‮ ‬كارەبا بە هەول و كۆششی‮ ‬بەردەوامی‮ ‬حكومەتی‮ ‬هەرێم بۆ چاككردنی‮ ‬دۆخی‮ ‬كارەبا‮ ‬ڕەزامەندی‮ ‬درا لەسەر جێبەجێكردنی‮ ‬پڕۆژەكە و بوودجەی‮ ‬بۆ تەرخانكرا و دوای‮ ‬بڕینی‮ ‬هەموو قۆناغەكانی‮ ‬ئەو پڕۆژەیە كارەكان بەردەوامیان هەبوو تا كار گەیشتە ئەو قۆناغەی‮ ‬كە گرێبەست لەگەڵ كۆمپانیاكان كرایەوە بۆ ئەوەی‮ ‬دەست بە ئەنجامدانی‮ ‬پڕۆژەكە بكرێت‮. ‬مایەی‮ ‬خۆشحاڵییە لە ئێستادا لە هەولێر لە چەند ناوچەیەك كاری‮ ‬پڕۆژەی‮ ‬پێوەری‮ ‬زیرەك دەستی‮ ‬پێكردوە لەوانە ناوچەی‮ ‬پیشەسازی‮ ‬باشوور و لەناو تایەفرۆشەكان پێوەری‮ ‬زیرەك دەستی‮ ‬پێكردووە جگە لەو شوێنانە لە گەڕەكی‮ ‬ڕاستی‮ ‬پڕۆژەكە لە جێبەجێ كردندایە و لەپلانمان دایە كە درێژە بە بەستانی‮ ‬پێوەری‮ ‬زیرەك بدەین بۆ هەموو هاوبەشانی‮ ‬كارەبا لە گەڕەكەكانی‮ ‬هەولێر و قەزا و ناحیەكان و گوندەكان و هەموو هاوبەشەكانی‮ ‬كارەبا واتا دانانی‮ ‬پێوەر بۆ ماڵان و بۆ شوێنە گشتییەكان ناوچەكانی‮ ‬پیشەشازی‮ ‬و بازرگانی‮ ‬و كشتوكاڵی‮ ‬هەموو ئەو شوێنانە پێوەری‮ ‬زیرەكیان بۆ دەبەسترێت‮.‬

ئامانجیش لە و پڕۆژەیە كۆنتڕۆڵ كردنی‮ ‬بەكار هێنانی‮ ‬كارەبایە
هەرلە درێژەی‮ ‬لێدوانەكەیدا ئەندازیار حوسێن حەمەد قادر بەڕێوەبەری‮ ‬گشتی‮ ‬كارەبای‮ ‬هەولێر‮ ‬ڕوونیكردەوە‮: ‬ئامانجیش لە دانانی‮ ‬ئەو پێوەرە زیرەكە كۆنترۆلكردنی‮ ‬بەكارهێنانی‮ ‬كارەبایە بۆئەوەی‮ ‬هاوبەشانی‮ ‬كارەبا بە دروستی‮ ‬كارەبا بەكاربهێنن و زێدەڕۆیی‮ ‬لەسەر نەكرێت و بە فیڕۆ نەدرێت و هەوڵ بدرێت وەكو خۆی‮ ‬سوودی‮ ‬لێ ببینرێت و ئێمە لەكاتی‮ ‬ئێستادا‮ ‬ڕێژەی‮ ‬وزەی‮ ‬ونبوونمان‮ ‬زیاتر لە35% ‮ ‬دیارە ئەو‮ ‬ڕیژەیە بەشێكی‮ ‬تەكنیكیە واتا لە10 ‮ ‬بۆ15% ‮ ‬هۆكارەكەی‮ ‬تەكنیكییە بەڵام ئەوانی‮ ‬دیكە بۆ هەموو سەرپێچییەكانی‮ ‬سەر تۆڕەكانی‮ ‬كارەبا دەگەڕێتەوە و بەهۆی‮ ‬دانانی‮ ‬ئەو پێوەرە زیرەكە بەشێكی‮ ‬ئەو سەرپێچییانە نامێنن و بەشێكی‮ ‬زۆری‮ ‬كارەبا لە دوای‮ ‬دانانی‮ ‬ئەو پێوەرە زیرەكە دەگەڕێتەوە و سوودەكانی‮ ‬دیكەی‮ ‬ئەو پڕۆژەیە كاتژمێرەكانی‮ ‬هەبوونی‮ ‬كارەبای‮ ‬هاووڵاتییان زیاتر دەبێت جگە لەوەش دۆخی‮ ‬كارەبا باشتر دەبێت و ئەو پچڕپچڕیەی‮ ‬كارەبا بەهۆی‮ ‬بار زۆری‮ ‬سەر كارەبا نامێنێ و چارەسەری‮ ‬دەكات و لە ئەنجامی‮ ‬بار زۆری‮ ‬سەر تۆڕەكانی‮ ‬كارەبا بەهۆی‮ ‬ئەو زێدەڕۆییانەی‮ ‬كە ئێستا لەسەر كارەبا هەیە لەدوای‮ ‬ئەو پێوەرە زیرەكە زۆر كەم دەبێت و تیمەكانی‮ ‬چاككردنەوەی‮ ‬كارەبا ئەركیان سووكتر دەبێت‮.‬

دواتر بەڕێوەبەری‮ ‬گشتی‮ ‬كارەبای‮ ‬هەولێر دەربارەی‮ ‬پێوەری‮ ‬میكانیكی‮ ‬گوتی‮: ‬چەندین گرفتی‮ ‬دیكەمان هەیە لە ئێستادا لەو پێوەرە میكانیكییانەی‮ ‬كە ئێمە مامەڵەی‮ ‬لەگەڵدا دەكەین ئەویش خوێندنەوەی‮ ‬ئەو پێوەرە میكانیكیانە لەلایەن ژمێركارەوە و لەوانەیە هەندێجار لە كاتی‮ ‬خوێندنەوەدا هەڵەی‮ ‬چاو‮ ‬ڕووبدات و لەئەنجامی‮ ‬ئەو هەڵەیە هاووڵاتییان تووشی‮ ‬چەندین‮ ‬ڕۆتین دەبێتەوە و لەوانەیە هەندێ لە هاووڵاتییان زەرەرمەند بن بەڵام ئەگەر هاتوو پێوەری‮ ‬زیرەك دانرا پێویست بە چوونی‮ ‬ژمێركار ناكات بچێت پێوەر بخوێنێتەوە‮ ‬ڕاستەوخۆ لە‮ ‬ڕێگەی‮ ‬سیستەمی‮ ‬كۆمپیوتەرەرەوە بەستراوەتە و دەخوێندرێتەوە و ئەو هەڵانە‮ ‬ڕوونادەن و ئەو جۆرە گرفتانەش نامێنن و لەكاتی‮ ‬ڕایی‮ ‬كردنی‮ ‬مامەڵەی‮ ‬هاووڵاتییان لەكاتی‮ ‬كردنەوەی‮ ‬هاوبەشی‮ ‬كارەبا‮ ‬یا خود لەكاتی‮ ‬گۆڕینی‮ ‬پێوەرەكان و سووتانی‮ ‬پێوەرەكان چەندین‮ ‬ڕۆتین هەیە لەكاتی‮ ‬ئێستادا لەدوای‮ ‬بەستانی‮ ‬ئەو پێوەرە بەشێكی‮ ‬زۆری‮ ‬ئەو‮ ‬ڕۆتینانە كەم دەبێتەوە و سوودێكی‮ ‬دیكەی‮ ‬گرنگی‮ ‬ئەو پێوەرە هاووڵاتییان وا بەئاسانی‮ ‬ناتوانن دەستكاری‮ ‬پێوەری‮ ‬زیرەك بكەن لەبەر ئەوەی‮ ‬ئەو پێوەرە شوێنەكەی‮ ‬زۆر بەرزە و لەسەر ستونەكانی‮ ‬كارەبایە و لەناو سندوقێكدایە و لە بەرزایی‮ ‬دادەنرێت و هاووڵاتییان و دەستیان ناگاتێ و هەر كەسێكیش ئەگەر نیازی‮ ‬دەستكاری‮ ‬كردنی‮ ‬پێوەری‮ ‬زیرەكی‮ ‬هەبێت‮ ‬یەكسەر لە سیستەمی‮ ‬كۆمپیوتەری‮ ‬دەزانرێت دەستكاری‮ ‬كراوە و هەركەسێك دەستكاری‮ ‬پێوەر بكات ئەوا‮ ‬یەكسەر‮ ‬ڕێككاری‮ ‬یاسایی‮ ‬لەبەرامبەری‮ ‬وەردەگیرێت‮.‬