ساسان دەروێش - لەندەن
دەستەی خەڵاتی گەل لە ڕێوڕەسـمێكی شایستەدا، لە هۆڵی سەرۆكی شارەوانی كینزیگتن تاون ۆڵ لە لەندەنی پایتەختی بەریتانیا، خەڵاتی ئاڵتونی گەل كەگوزارشت لە گەلی كورد دەكات بە ئامادەبوونی بەشێكی بەرچاو هاوڵاتیانی هەر چوار پارچەی كوردستان لە كەسایەتی سیاسی و ڕۆشنبیران بەخشرایە پڕۆفیسیۆر كۆچەر بیركار كە توانی ئەو شانازییە بە گەلی كورد ببەخشێت وەك كوردێك ببێتە هەڵگری خەڵاتی فێڵدس لە ساڵی 2018 دا، خەڵاتێكی گەورەی ماتماتیك كە هاوتای خەڵاتی نۆبێڵە و بۆ یەكەم جارە دەبەخشرێتە كوردێك لەسەر ئاستی دونیا، بەم بۆنەوە دەستەی خەڵاتی گەل كە دەستەیەكی خۆبەخش و سەربەخۆیە و ئەندامەكانی هەر یەكە و پیشەیەكی جیاوازیان هەیە و گوزارشت لە كوردوستانی گەورە دەكەن، بە ئامانجی دروستكردنی كولتووری خۆشەویستی و پێزانین و پێكەوە ژیانە، هەروەكو خۆشیان دەڵێن تا ساڵانە بتوانین خەڵاتی گەل ببەخشینە ئەو كەسانەی داهێنان دەكەن لە بوارە جیاوازەكاندا، ئەندامانی دەستەی خەڵاتی گەل بریتین لە بەڕێزان شێرزاد حەسەن، سیمین چایچی، دكتۆر چیا زەنگەنە، شەهێن سابیر، زیرەك میرە، ئاكۆ غەریب، مومتاز حەیدەری ، هاوكات لەو ڕێگەیەوە ناوبانگێكی شایستە دەبەخشن بە میللەتی كورد و خزمەت بە بەرژەوەندیی باڵای نەتەوەی كورد دەكەن لە هەر كوێی دوونیا بن، هەر بۆیە خەڵاتی ئاڵتونی گەل لەم ساڵدا كە لە ڕێگەی كەمپینێكەوە ئەنجامدرا، بە بەشداری هاووڵاتیان و چین و توێژەكانی كۆمەڵگا بە شانازییەوە بەخشرایە پرۆفیسۆر كۆچەر بیركارتەمەن 40 ساڵ، خەڵكی شاری مەریوانی رۆژهەڵاتی كوردستان لە ساڵی 2000 وەك پەنابەرێك رووی كردووەتە وڵاتی بەریتانیا، هەروها هەمان دەستەش سوپاسی گەرمی و پەرۆشێ بەشدار بووانی كەمپینەكە دەكەن بۆ خەڵات كردنێ زانا كوردەكەیان، هەروها ئاشكراكردنی ئەم پرۆژەیەش دەگەڕیتەوە بۆ ئەوكاتەی هونەرمەندی پەیكەرتاش زیرەك میرە، لە ڕێوڕەسمی پەردەلادان لەسەر تازەترین پەیكەریدا بەناوی كولتوور و خۆشەویستی بەڕێوە چوو لە سلێمانی لە 11/8/2018 پرۆژەی خەڵاتی گەل ی ڕاگەیاند و داوای لە خەڵكی هەر چوار پارچەی كوردستان كرد، كە هەریەك بەپێی توانای خۆی ئەگەر بە بڕێكی كەمیش بێت، پێشكەش بە سندووقی خەڵاتی گەلی بكات، میرە بە دڵێكی پڕەوە بەردەوامیی پێ دا و گوتی: توو ئەو خوایەتان ئەم بابەتە مەبەستنەوە بە حزبایەتیەوە، با ئێمە لەناو خۆماندا، بێ جیاوازی هاوكاریی كەسە لێهاتوو و شیاو و سەركەوتووەكانی گەلەكەی خۆمان بكەین، زیرەك میرە گوتیشی: یەكێك لەو هۆكارانەی كە بووە هۆی دامەزراندنی ئەم پڕۆژەیە، سەركەوتن و ەڵوێستی زانا و بلیمەتی كورد كۆچەر بیركار بوو، كە لە كاتی وەرگرتنی خەڵاتی نۆبڵ بۆ ماتماتیك، دەڵێت: هیوادارم ئەم خەڵاتە دڵی 40 ملیۆن كوردی خۆش كردبێت كە ئەو بەڕاستی شایەنی ئەو خەڵاتەیە لەمساڵدا، شایەنی باسە، یەكەمین كەس كە دەستی بە بەخشین كرد بۆ سندووقی خەڵاتی گەل زیرەك میرە خۆی بوو، كە ئەڵقەی هاوسەرگیریی هاوسەرە خۆشەویستەكەی خۆیی بەخشی، ئەمەو مەراسیمەكەی لەندەنیش بۆ بەخشینی خەڵاتی ئاڵتونی گەل بە پرۆفیسۆر كۆچەر بیركار لە ڕۆژی یەك شەممە 29ی حوزەیرانی 2019 بەڕیوەچوو، سەرەتا ووتاری بەشێك لە كەسایەتیەكانی كوردستانیانی هر چوار پارچەی كوردستان پێشكەشكرا، پاشان چەند پارچە میوزیكێك پێشكەشكرا بەوبۆنەیەوە، پاشان لەلایەن دەستەیی بەڕێوەبردنی خەڵاتی گەل لە نێوچەپڵەڕێزانی ئامادەبوان خەڵاتی ئاڵتونی گەل بەخشرایە پرۆفیسۆر كۆچەر بیركار و دواتر بەرامبەر ئامادەبوان ووتەیەكی گرنگی پێشكەشكرد و تێیدا سوپاسی هەموو ئامادەبووان و دەستەی بەڕێوەبردنی خەڵاتەكەی كرد و گوتی بەشانازییەوە قبوڵم كرد و جێگایی شانازیمە كە ئەم خەڵاتە لە قوڵایی گەلەوە هەڵقوڵا وە و پێشكەشی من كرا.
