وه‌زیری دارایی و ئابووری عیراق رایگه‌یاند، وه‌زاره‌ته‌كه‌ی له‌سه‌ر ناردنی مووچه‌ی فه‌رمانبه‌رانی هه‌رێمی كوردستان به‌رده‌وام ده‌بێت و هیچ كێشه‌یه‌ك له‌و رووه‌وه نییه.
د. فوئاد حسێن، وەزیری دارایی و ئابووری عیراق به رووداوی راگەیاند: “مووچە بەشێکە لە یاسای بودجە و حکومەتی فیدراڵی پابەندە بەو یاسایە و بەردەوام دەبێت و هیچ کێشەیەک لەبارەی مووچەوە نییە”.
وتیشی: “ئەوەی کە باسدەکرێت پەیوەندی بە نەوتەوە هەیە، لە یاساکەدا باسی ئەوەکراوە کە پێویستە حکومەتی هەرێمی کوردستان 250 هەزار بەرمیل نەوت بداتە حکومەتی فیدراڵ، بۆ ئه‌وه‌ش من ئومێدێکی زۆرم هەیە لەماوەیەکی کورتی داهاتوو دانوستاندن لەنێوان هەردوولا دەستپێبکات”.
