ناسر هەركی
دوای‮ ‬سوێندخواردنی‮ ‬جەنابی‮ ‬سەرۆكی‮ ‬هەرێمی‮ ‬كوردستان،‮ ‬سەرۆكی‮ ‬ئەنجومەنی‮ ‬وەزیرانی‮ ‬ڕاسپارد بۆ پێكهێنانی‮ ‬كابینەی‮ ‬نۆیەمی‮ ‬حكومەتی‮ ‬هەرێمی‮ ‬كوردستان،‮ ‬بۆ هەرێمی‮ ‬كوردستان رۆژێكی‮ ‬مێژووییە‮ ‬ڕەنگە هەندێك لایەن و چاودێر وا سەیری‮ ‬بكەن كە كۆكردەنەوی‮ ‬چەتری‮ ‬دەسەلات لەژێر سایەی‮ ‬ماڵی‮ ‬بارزان بۆ ئەوان جێگەی‮ ‬نیگەرانی‮ ‬بێت بەڵام بۆ زۆرینەی‮ ‬خەڵكی‮ ‬كوردستان كە دەنگیان بە پارتی‮ ‬دیموكراتی‮ ‬كوردستان داوە جێگەی‮ ‬دڵنیایی‮ ‬و بەهێزی‮ ‬كوردستانە،‮ ‬چونكە ئەو دوو كارەكتەری‮ ‬حوكمڕانی‮ ‬لە كوردستان هەریەكە بە شێوازی‮ ‬خۆی‮ ‬كوردستانیان گەیاندە رۆژگارێك كە وڵاتانی‮ ‬و زلهێز و ئیقلیمی‮ ‬ناتوانن نكۆلی‮ ‬لە پێگەی‮ ‬گرنگ و جیوسیاسی‮ ‬و ستراتیژی‮ ‬و ئابووریەكەی‮ ‬بكەن بە تایبەتی‮ ‬لە ئێستا كە هاوكێشە سیاسیەكانی‮ ‬رۆژهەڵاتی‮ ‬ناوەڕاست بەردەوام بەركەوتەی‮ ‬نوێ دێنە ئاراوە‮.‬

هەموو ستراتیژییە ئابوری‮ ‬و ئاوەدانیەكانی‮ ‬جەنابی‮ ‬كاك نێچیرڤان بارزانی‮ ‬لەسەردەمی‮ ‬سەرۆكایەتی‮ ‬حكومەت بوونەتە بناغە بۆ هەنگاوی‮ ‬داهاتوو،‮ ‬وزەی‮ ‬نەوت و گاز و بۆڕی‮ ‬نەوتی‮ ‬كوردستان نەخشەی‮ ‬ئابووری‮ ‬داهاتوون بۆ ئابوری‮ ‬ناوچەكە،‮ ‬ژێرخانی‮ ‬بازرگانی‮ ‬و فەرهەنگی‮ ‬و پیشەسازی‮ ‬و زانستی‮…‬هتد بەرهەمی‮ ‬حكومڕانی‮ ‬چەند ساڵەی‮ ‬ماڵباتی‮ ‬بارزانن لە هەرێمی‮ ‬كوردستان كە ئیلهام و پاڵپشتی‮ ‬لە جەنابی‮ ‬سەرۆك بارزانی‮ ‬وەرگرتووە و تا ئیستاش لەو پاڵپشتییە بەردەوامە‮.
‬
كوردستان لە نێو ئاتوون و ئاگردا بووە،‮ ‬دەوڵەتێك تا سەر ئیسقان تیرۆرست و خوێن رێژ بە شەورۆژێك لە تەنیشت كوردستان هەڵتۆقی‮ ‬بە قوربانیدانی‮ ‬پیشمەرگە و‮ ‬ڕابەرایەتی‮ ‬جەنابی‮ ‬سەرۆك گەوترین شكستی‮ ‬لەسەر دەستی‮ ‬پێشمەرگە پێ گەیشت كە جیهانی‮ ‬سەرسام كرد،‮ ‬لە نێو ئەو ئاگرەدا ناوخۆی‮ ‬كوردستان لە سایەی‮ ‬جەنابی‮ ‬كاك مەسرور بارزانی‮ ‬ئارامترین ناوچەی‮ ‬رۆژهەلاتی‮ ‬ناوەڕاست بوو هەر ئەم ستراتیژیەتەش بوو پێشمەرگە و كوردی‮ ‬كرد بە بەشێك لە ستراتیژیەتی‮ ‬هاوپەیمانی‮ ‬نێودەوڵەتی‮ ‬دژی‮ ‬تیرۆر كە تاوەكو ئێستاش لە نێو ئەو ستراتیژیەتە ماوەتەوە كە پێ دەچێت تا كۆتایی‮ ‬یەكلاكردنەوەی‮ ‬دۆسیەی‮ ‬سوریا و ئێران و رۆژهەڵاتی‮ ‬ناوەڕاست پێویستییان بە هاوپەیمانێتی‮ ‬كوردستان هەبێت كە تازە نانوانن بە ئاسانی‮ ‬دەستبەرداری‮ ‬ببن،‮ ‬بۆیە كوردستان ئیستا لە هەموو ساتەكان زیاتر پێویستی‮ ‬بە حكومەتێكی‮ ‬بەهێز هەیە كە ئەویش پێویستی‮ ‬بە‮ ‬ڕابەریەتیكردنی‮ ‬كەسانی‮ ‬دڵسۆز و بە ئەزموون هەیە لە لایەكی‮ ‬تریشەوە كەسانی‮ ‬خاوەن هەیمەنەی‮ ‬نیشتیمانی‮ ‬و نەتەوەیی‮ ‬وەكو هەردوو قوتابیەكەی‮ ‬جەنابی‮ ‬سەرۆك كە ئێستا‮ ‬ڕابەرایەتی‮ ‬كوردستانیان گرتۆتە دەست‮.‬

گرنگرترین‮ ‬ڕەگەزی‮ ‬دەسەڵات كەلە ماڵبانی‮ ‬بارزاندا هەیە بریتییە لە بەرزڕاگرتنی‮ ‬شكۆی‮ ‬كوردو كوردستانیان كە هیچ كاتێك سەریان بۆ دژمن نەچەماندووە،‮ ‬هەركاتێكیش كوردستان كەوتبێتە بەر مەترسی‮ ‬سەربەرزانیە جەنگی‮ ‬مان و نەمانیان كردووە و كوردیان پاراستووە، بۆیە خەڵكی‮ ‬كوردستان ئەگەر‮ ‬ڕای‮ ‬سیاسیشان لەگەڵ پارتی‮ ‬نەبوبێت بەڵام دەزانن ئەوان لە هەموو كەس ئەمینترن ئەو ولاتەیان پێ بسپێرن،‮ ‬چاوەڕوانی‮ ‬مەزن لە كابینەی‮ ‬نوێی‮ ‬جەنابی‮ ‬كاك مەسرور دەكرێت كەلە سەرووی‮ ‬هەموویانەوە تەواوی‮ ‬سێكتەرەكانی‮ ‬حكومڕانی‮ ‬بە نیشتیمانی‮ ‬بكرێت و دادپەروەری‮ ‬ببێتە بنەمایی‮ ‬پاداشت و سزا كە پاڵپشت بە ئەزموونی‮ ‬دەوڵەتداری‮ ‬سەرۆكی‮ ‬هەرێم قۆناغێكی‮ ‬نوێ لە دیبلۆماسیەتی‮ ‬نێودەوڵەتی‮ ‬حكومەتی‮ ‬نوێ دێتە ئاراوە‮…‬
پیرۆزە لە خەڵكی‮ ‬كوردستان كە ئەمجارەش كەوتنەوە ژێر سایەی‮ ‬دوو كارەكتەری‮ ‬چالاك و سیاسەتەمەدار لەسەر ئاستی‮ ‬جیهان‮. ‬پشت بە خوا ئایندەیەكی‮ ‬گەش و كوردستانێكی‮ ‬بەهێز چاوەڕێمان دەكات‮.‬