خه‌بات‮: ‬هاوار مورتكەیی
ئێوارەی‮ ‬ڕۆژی‮ 9/5/9102 ‬باڵیۆزخانەی‮ ‬پۆڵەندا لە عێراق و بەهەماهەنگی‮ ‬لەگەڵ كونسڵخانەی‮ ‬پۆڵەندا لە هەرێمی‮ ‬كوردستان‮ ‬یادی‮ ‬دوو بۆنەی‮ ‬نیشتمانی‮ ‬وڵاتەكەیان لە هەولێری‮ ‬پایتەخت كردەوە،‮ ‬كە بریتی‮ ‬بوو لە رۆژی‮ ‬نەتەوەیی‮ ‬ئاڵا و رۆژی‮ ‬ئەو پۆڵەندیانەی‮ ‬لەدەرەوەی‮ ‬وڵاتەكەیان دەژین‮. ‬لەسەر بانگهێشتی‮ ‬خاتوو بیاتا پیكسا باڵیۆزی‮ ‬كۆماری‮ ‬پۆلۆنیا لە عێراق و دۆمنیك مۆشیال كونسوڵی‮ ‬كۆماری‮ ‬پۆلۆنیا لە هەرێمی‮ ‬كوردستان،‮ ‬مەكتەبی‮ ‬پەیوەندییەكانی‮ ‬دەرەوەی‮ ‬پارتی‮ ‬دیموكراتی‮ ‬كوردستان و رەوەندی‮ ‬پۆڵەندی‮ ‬لە هەرێمی‮ ‬كوردستان لەگەڵ ئەو ئەكادیمییە كوردانەی‮ ‬لەرابردوودا خوێندنی‮ ‬باڵایان لە پۆڵەندا تەواو كردبوو ئامادەی‮ ‬ئەو رێورسمە كرابوو‮.‬

رۆژی‮ ‬نەتەوەیی‮ ‬ئاڵای‮ ‬پۆڵەندا
هۆشیار سیوەیلی‮ ‬بەرپرسی‮ ‬مەكتەبی‮ ‬پەیوەندییەكانی‮ ‬دەرەوەی‮ ‬پارتی‮ ‬دیموكراتی‮ ‬كوردستان و ئەمیر جرجیس بەرپرسی‮ ‬دیسكی‮ ‬ئەورووپای‮ ‬مەكتەبی‮ ‬پەیوەندییەكانی‮ ‬دەرەوە ئامادەی‮ ‬رێوڕەسمی‮ ‬تایبەتی‮ ‬كۆنسوڵخانەی‮ ‬كۆماری‮ ‬پۆلۆنیا بوون،‮ ‬كە لە نێو باڵەخانەی‮ ‬كۆنسوڵخانەكەیان‮ ‬لە شاری‮ ‬هەولێر بە بۆنەی‮ ‬ڕۆژی‮ ‬نەتەوەیی‮ ‬ئاڵای‮ ‬پۆلۆنیا و‮ ‬ڕۆژی‮ ‬پۆلۆنییەكانی‮ ‬دیاسپۆرا‮ ‬ڕێك خرابوو‮.‬

لە رێورەسمەكەدا هەریەك لە باڵوێز و كۆنسوڵی‮ ‬كۆماری‮ ‬پۆلۆنیا وتەیەكیان لەبەردەم میوانانی‮ ‬ئامادەبوو وتەیەكیان پێشكەش كرد و خۆشحاڵی‮ ‬خۆیان بە ئامادەبوونی‮ ‬پۆلۆنییەكان و دۆستانی‮ ‬كوردی‮ ‬دەربڕی‮ ‬لەم بۆنە نەتەوەییەیاندا،‮ ‬لە وتەكانیاندا گوتیان‮: ‬شادمانن كە پەیوەندییەكانی‮ ‬نێوان كۆماری‮ ‬پۆلۆنیا و هەرێمی‮ ‬كوردستان و هەردوو گەلی‮ ‬پۆلۆنی‮ ‬و كورد بەرەو پێشوەچوونێكی‮ ‬باشی‮ ‬بەخۆیەوە بینیوە و هیوای‮ ‬گەشەسەندن و بەردەوامییان بۆ پەیوەندییەكانی‮ ‬نێوانیان خواست‮.‬

ئالوگۆڕی‮ ‬كلتور و رەسەنایەتی
هەریەك لە باڵیۆز خاتوو بیاتا پیكسا و كۆنسوڵ دۆمینیك موشیاو لە درێژەی‮ ‬وتەكانیاندا‮ ‬ڕایانگەیاند،‮ ‬كە گەل و كۆماری‮ ‬پۆلۆنیا لە مێژووی‮ ‬كۆن و هاوچەرخی‮ ‬خۆیان خاوەنی‮ ‬دەیان‮ ‬ڕووداو و بۆنەی‮ ‬خۆش و ناخۆشن،‮ ‬بۆیە لە كات و ساتی‮ ‬خۆیدا هەندێك لەو‮ ‬یادەوەرییە مێژوویانە زیندوو دەكەینەوە كە گەڵەكەمان شانازییان پێوە دەكات،‮ ‬گەلی‮ ‬پۆلۆنیا ساتە وەختی‮ ‬زۆر مێژوویی‮ ‬و‮ ‬یادەوەری‮ ‬ناخۆشیان بینیوە بە تایبەتی‮ ‬كاتێك گەل و كۆماری‮ ‬پۆلۆنیا بە درێژایی‮ ‬123‮ ‬ساڵ ژێردەستە و داگیر كرابوو و بە بۆنەی‮ ‬كۆتایی‮ ‬هاتنی‮ ‬جەنگی‮ ‬ماڵوێرانكەری‮ ‬جیهانی‮ ‬یەكەم و دووەم،‮ ‬بۆیە هەروەك لە پۆڵەندا هەروا پۆلۆنییەكانی‮ ‬سەرتاسەری‮ ‬جیهان لە دیاسپۆرا و لە نێویانیش لە هەرێمی‮ ‬كوردستان‮ ‬یادی‮ ‬100‮‬ـەمین ساڵی‮ ‬سەربەخۆیی‮ ‬كۆماری‮ ‬پۆلۆنیامان لە هەولێری‮ ‬پایتەخت زیندوو كردەوە،‮ ‬هەروا ئێمە بە گرنگییەوە دەڕوانینە‮ ‬یادی‮ ‬20‮‬ـەمین ساڵی‮ ‬بوونی‮ ‬ئەندام لە ناتۆ و‮ ‬15‮ ‬ساڵەی‮ ‬پەیوەستبوونی‮ ‬بە‮ ‬یەكێتی‮ ‬ئەورووپا و لە دوو ساڵی‮ ‬ڕابردووشدا بوونی‮ ‬كۆماری‮ ‬پۆلۆنیا بە ئەندامی‮ ‬ناهەمیشەیی‮ ‬لە ئەنجوومەنی‮ ‬ئاساییشی‮ ‬نەتەوە‮ ‬یەكگرتووەكان بۆ ماوەی‮ ‬دوو ساڵ و چەندین بۆنە و رووداوی‮ ‬مێژوویترن،‮ ‬كە بە شێوازی‮ ‬جیاجیا گەل و كۆماری‮ ‬پۆلۆنیا ئەم‮ ‬یادانە زیندوو دەكاتەوە‮.‬

هەروەها بیاتا پیكسا و كۆنسوڵ دۆمینیك موشیا گوتیان‮: ‬پێخۆشحاڵین كە لە هەرێمی‮ ‬كوردستان ساڵانە بەشێك لەو رێوڕەسمانە بە ئامادەبوونی‮ ‬رەوەندی‮ ‬پۆلۆنی‮ ‬و دۆستانمان لە كوردستان زیندوو دەكەینەوە،‮ ‬هیوادارین لە دەرفەتیتر بتوانین زیاتر گەل و كۆمەڵگا و مێژوو و كلتوور و رەسەنایەتی‮ ‬پۆلۆنیا بە كوردستان و گەلی‮ ‬كورد بناسێنین‮.‬

پەیوەندییەكانی‮ ‬كورد و پۆڵەندا
لەسەر ئاستی‮ ‬میدیاكانی‮ ‬كوردستان رۆژنامەی‮ ‬خەبات وەك تاكە میدیای‮ ‬كوردستان داوەت كرابوو،‮ ‬هەروەها وەك دامەزراوەكانی‮ ‬حزبی‮ ‬و حكومی‮ ‬تەنیا مەكتەبی‮ ‬پەیوەندییەكانی‮ ‬دەرەوەی‮ ‬پارتی‮ ‬دیمۆكراتی‮ ‬كوردستان بانگهێشت كرابوو كە دەگەڕێتەوە بۆ پەیوەندی‮ ‬باش و دۆستانەی‮ ‬كە پەیوەندییەكانی‮ ‬دەرەوەی‮ ‬پ.د.ك‮ ‬لەگەل باڵوێزخانە،‮ ‬كۆندسوڵخانە و كۆماری‮ ‬پۆلۆنیا و دامەزراوەكانیدا هەیەتی‮ ‬و چەندین جاریش شاندی‮ ‬پەیوەندییەكانی‮ ‬دەرەوەی‮ ‬پارتی‮ ‬بە فەرمی‮ ‬بانگهێشتی‮ ‬كۆماری‮ ‬پۆلۆنیا كراوە،‮ ‬بەم بۆنەیەشەوە بەرپرسی‮ ‬مەكتەبی‮ ‬پەیوەندییەكانی‮ ‬دەرەوەی‮ ‬پارتی‮ ‬پارتی‮ ‬دیموكراتی‮ ‬كوردستان پیرۆزبایی‮ ‬پارتی‮ ‬دیموكراتی‮ ‬كوردستانمان گەیاندە باڵوێز و كۆنسوڵ و جێگرانی‮ ‬كۆنسوڵ و ستافی‮ ‬كۆنسوڵخانەی‮ ‬كۆماری‮ ‬پۆلۆنیا و هیوای‮ ‬پێشكەوتن و بەختەوەریان بۆ گەڵ و كۆماری‮ ‬پۆلۆنیا و بۆ گەشەپێدانی‮ ‬زیاتری‮ ‬پەیوەندییەكانی‮ ‬نێوان هەرێمی‮ ‬كوردستان و كۆماری‮ ‬پۆلۆنیا و هەردوو گەڵی‮ ‬كورد و پۆلۆنیای‮ ‬دۆست و و بە جیاش لەسەر چەندین بابەتی‮ ‬جێی‮ ‬بایەخی‮ ‬نێوان پۆڵۆنیاو كوردستان گفتۆگۆ و ئالۆگۆڕی‮ ‬بیرۆڕا كرا‮.‬

لە كوردستان دەنگ دەدەن
ئەوەی‮ ‬جێی‮ ‬باسە لە‮ ‬26ی‮ ‬گوڵانی‮ ‬2019‮ ‬وڵاتانی‮ ‬ئەندام لە‮ ‬یەكێتی‮ ‬ئەورووپا دەنگ بۆ پەرلەمانی‮ ‬ئەورووپا دەدەن،‮ ‬هەر بۆیە زۆرێك لە وڵاتانی‮ ‬ئەندام لە‮ ‬یەكێتی‮ ‬ئەورووپا بڕیاریان داوە لە كۆنسوڵخانەی‮ ‬گشتی‮ ‬و ئۆفیسی‮ ‬دیپلۆماسی‮ ‬وڵاتانیان لە هەرێمی‮ ‬كوردستان،‮ ‬هاوڵاتیانی‮ ‬كە هەڵگری‮ ‬ڕەگەزنامەی‮ ‬وڵاتەكانیانن بتوانن دەنگ بدەن بە كاندیدەكانیان بۆ پەرلەمانی‮ ‬یەكێتی‮ ‬ئەورووپا،‮ ‬بۆ ئەم مەبەستەش باڵوێزی‮ ‬كۆماری‮ ‬پۆڵەندا‮ ‬ڕایگەیاند،‮ ‬كە ئەوان لە هەرێمی‮ ‬كوردستان دەنگ دەدەن نەوەك لە بەغدا،‮ ‬كە ئەمەش بۆ ئارامیی‮ ‬و سەقامگیریی‮ ‬هەرێمی‮ ‬كوردستان‮ ‬دەگەڕێتەوە‮.‬