خەبات:تریفە ئازاد
ئومێد خۆشناو، سەرۆكی فراكسیۆنی پارتی لە پەرلەمانی كوردستان سەبارەت بە هەمواركردنەوەی یاسای سەرۆكایەتیی هەرێمی كوردستان رایگەیاند: دوای ئەوەی دامەزراوەی سەرۆكایەتیی هەرێم كارا دەكرێتەوە پرۆسەی هەڵبژاردنی سەرۆكی هەرێمی كوردستان دەستپێدەكات و ئێمەش وەك فراكسیۆنی پارتی دیموكراتی كوردستان ناوی كاندیدی خۆمان پێشكەش دەكەین، هەروەها ئومێد خۆشناو لە گفتوگۆیەكی تایبەت بۆ رۆژنامەی خەبات گوتیشی: ئێمە وەك پارتی، بەرنامەیەكی هەڵبژاردنی فراوانمان هەبووە وەكو گرێبەستێكی كۆمەڵایەتی لەنێوان هاووڵاتییان و دەنگدەرانی هەرێمی كوردستان لەگەڵ پارتی بووە و ئێستاش پارتی زۆرینەی پەرلەمانی كوردستانە و فراكسیۆنی پارتی بە هاوبەشی لەگەڵ ئۆرگانەكانی دیكە، پێداچوونەوەیەك دەكرێ و ئامادەكاری دەكەین لە چوارچێوەی پەرلەمان و پرۆژەكان ئامادە دەكەین و پێشكەشیان دەكەین.
دوای كاراكردنەوەی یاسای سەرۆكایەتیی هەرێم كاندید پێشكەش دەكەین:
ئومێد خۆشناو، سەرۆكی فراكسیۆنی پارتی لە پەرلەمانی كوردستان رایگەیاند: دوای ئەوەی دامەزراوەی سەرۆكایەتیی هەرێم كارا دەكرێتەوە پرۆسەی هەڵبژاردنی سەرۆكی هەرێمی كوردستان دەستپێدەكات و ئێمەش وەك فراكسیۆنی پارتی دیموكراتی كوردستان ناوی كاندیدی خۆمان پێشكەش دەكەین كە پێ دەگوترێت پڕۆسەی ناوزەندكردنی سەرۆكوەزیران بۆ پێكهێنانی كابینەی حكوومەت، لەم وەرزەی یاسادانان ئەولەویەتی كاری ئێمە دەبێت وەكو فراكسیۆنی پارتی، واتە كاراكردنەوەی سەرۆكایەتیی هەرێم و هەڵبژاردنی سەرۆكی هەرێم و پێكهێنانی كابینەی نوێ، دوای ئەوەش بەپێی ئەو بەرنامەیەی هەیە، ئێمە بەرنامەیەكی هەڵبژاردنی فراوانمان هەبووە كە بەرنامەی پارتی دیموكراتی كوردستان بووە و وەكو گرێبەستێكی كۆمەڵایەتیش لە نێوان هاووڵاتییان و دەنگدەرانی هەرێمی كوردستان لەگەڵ پارتیدا بووە كە ئێستا پارتی زۆرینەی پەرلەمانی كوردستانە، فراكسیۆنی پارتی بە هاوبەشی لەگەڵ سەرجەم ئۆرگانەكانی تری پارتی پێداچوونەوە دەكرێت و ئامادەكاری دەكەین لە چوارچێوەی بەرنامەی هەڵبژاردن لە پەرلەمان پارتی دیموكراتی كوردستان پرۆژەكان ئامادە دەكەین و پێشكەشیان دەكەین، بەڵام ئەولەویەتی كارەكان لە پێش ئێمە یاسای چاكسازیە كە لە خولی رابردوو كۆمەڵێك كۆسپ و تەگەرە هاتە پێش، ئێستا لە چوارچێوەی ئەو رێككەوتنانەی كە لەگەڵ لایەنەكانی دیكە بۆ پێكهێنانی حكوومەت كردوومانە یاسای چاكسازی لە پێشینەی كارەكان دەبێت و لەوانەشە یاسای تر بێتە پێشەوە، بەڵام یەكێك لە یاسا لە پێشنەكان كە بە جدیی كاری لەسەر دەكرێت و لە چوار چێوەی ڕێككەوتنی ئێمەش لەگەڵ لایەنەكان دیكە بۆ پێكهێنانی حكوومەت، ئەوەش بەشێكە لە پاكێجی حكوومەت و ڕێككەوتنەكە ئەمجارە دەستبەرداری ئەم پڕۆژە یاسایە نابین، پێمان وایە خزمەتێكی زۆر بە دادپەروەری ناو كۆمەڵگا دەكات.
لیژنەكان هەموویان تەواو بوونە:
سەرۆكی فراكسیۆنی پارتی لە پەرلەمانی كوردستان لەبارەی دانانی لیژنەكان و كاروباری لیژنەكان گوتی: دانانی لیژنەكان هەموویان داندراون و هەڵبژێردراون، ئەوەی ماوە شتێكی ئەوتۆ نەماوە لە سەرۆكایەتیی لیژنەنەكان تەنیا ئاڵۆگۆڕی ئەندامانی لیژنەكان ئەوەش خاڵەتێكی ئاساییە، لەوەی لە هەموو كۆبوونەوەیەكی پەرلەمان دەتواندرێت داخلی بەرنامەی كار بكرێت.
پێویستە هەندێ یاسای تازە دەربكرێن:
ئومێد خۆشناو لەبارەی دەركردنی یاسای نوێ لە پەرلەمانی، بۆ خەبات گوتی: یاسای تازەمان پێویستە لە هەندێك بواردا و بۆیە دەبێت هەندێ یاسای تازە دەربكرێن، هەندێك یاساش پێویستیان بە هەمواركردنەوە هەیە كە ماوەی چەند ساڵێكدا بووە پێویستیان بە گۆڕانكاری بڕگەیی هەیە.
پۆستی سەرۆكی پەرلەمان:
ئومێد خۆشناو لەبارەی متمانەدان بەو كاندیدەی كە بڕیارە لەم نزیكانە بۆ پۆستی سەرۆكی پەرلەمان دیاری بكرێت، گوتی: ئێمە وەك فراكسیۆنی پارتی پابەندی هەموو ئەو رێككەوتننانەین كە پارتی دیموكراتی كوردستان لەگەڵ هێز و لایەنە سیاسییەكان ئەنجامی داوە، هەم بۆ شێوازی حوكمڕانی هەمیش بۆ دابەشكاری پۆستەكانی پەرلەمان و حكوومەت، هەر كاتێك فراكسیۆنی یەكێتی كاندیدی خۆیان دیاری كرد و پێشكەشیان كرد، بە دڵنیاییەوە ئێمە وەك فراكسیۆنی پارتی متمانەی پێ دەدەین، چونكە سەرۆكی پەرلەمان ئێستا لەلایەن ئێمەوە سەرۆكایەتی دەكرێت، ئەو سەرۆكی پەرلەمانەی ئێمە دەستلەكار بكێشێتەوە كاندیدەكەی یەكێتی دەنگی پێ دەدرێت لە لای ئێمەش كاندید بۆ یەكێتی دیاری ناكەین چاوەروانی كاندیدی ئەوانین، كەس لەلایەن ئێمەوە لەلایەن یەكێتی كە باس دەكرێت كەسیان هێڵی سووری لەسەر نییە، ئەوەی لە لای ئێمە گرنگە كاندید كاندیدی فراكسیۆنی یەكێتی بێت و ئێمەش وەك فراكسیۆنی پارتی دەنگی پێدەدەین، فراكسیۆنەكانی تریش بۆ خۆیان خاوەن بڕیاری خۆیانن، بەڵام ئێمە پابەندین بەم رێككەوتنەی لە نێوانمان هەیە.
پارتییەكان گلەیی لە سەركردایەتی دەكەن
ئومێد خوشناو سەبارەت بە گلەیی كادیرانی پارتی لەمەڕ پێدانی پۆستی زیاتر بە حزبەكان، گوتی: ئەگەر لە دیدی كادیرێكی ناوەند و ئەندامێك و دەنگدەرێكی پارتی تەماشای ئەو بابەتە بكەین، هەمیشە پارتییەكان ئەو گلەییان لە سەركردایەتیی خۆیان هەیە كە ئیستیحقاقاتی خۆی دەبەخشێت، لە دیوێكی تریشەوە سەیر بكەین كە نیشتمانیانە و بەرپرسیارانەی هێزی گەورەی خاوەن روئیای گەورە و بەرنامەی گەورە و خاوەن سەرۆكێكی گەورەی وەك پارتی دیقەت دەدەیت، ئەوە بایەتێكە كە پێویستی بەوە هەیە پارتی ئەو سەخاوەت و مرونەتەی هەبێت ئەو وڵاتە بۆ ڕەگڕێژكرنی جوانتركردنی ئەو وڵاتە بۆ جوانتركردنی پرۆسەی دیموكراسی پێویست بەوە دەكات بەشداری هەموو لایەنێكی تێدا بێت، واتە لە دیوە ناوەخۆكە و ئەندام و دەنگدەری پارتی قوربانی بوونە كە جێگای گلەییە، لە دیوە نیشتمانی و پرۆسە گەورەكە و بابەتە گەورەكەی نیشتمانی، بابەتێكی گرنگە پارتی دەیكات و پارتیش بەوە ناسراوە.
هەنگاوی پێكهێنانی كابینە لە رووی كردەییەوە دەستیپێكردووە:
سەرۆكی فراكسیۆنی پارتی دیموكراتی كوردستان لە پەرلەمانی كوردستان، ئومێد خۆشناو، سەبارەت بە رێككەوتنی لایەنەكان و وادەی دەنگدان لەسەر هەمواری یاسای سەرۆكایەتیی هەرێم، گوتی: رێككەوتنی كۆتایی لەنێوان هێزە سەرەكییەكان، پارتی دیموكراتی كوردستان و یەكێتیی نیشتمانیی كوردستان و بزووتنەوەی گۆڕان بۆ پێكهێنانی كابینەی نۆیەم ئیمزاكراوە و هەنگاوەكانی پێكهێنانی كابینەكە لەرووی كردەییەوە دەستیپێكردووە و لە پەرلەمانی كوردستان دەستبەكارەكان كراوە و یەكەم شت ئەوەیە كە رۆژی چوارشەممە كۆبوونەوەی پەرلەمان ئەنجامدەدرێت.
ناوەڕۆكی كۆبوونەوە چاوەڕوانكراوەكەی پەرلەمان:
سەرۆكی فراكسیۆنی پارتی دیموكراتی كوردستان لە پەرلەمانی كوردستان، ئومێد خۆشناو سەبارەت بە ناوەڕۆكی كۆبوونەوەی چوارشەممەی پەرلەمانی كوردستانیش گوتی: كۆبوونەوەكە تایبەت دەبێت بە خوێندنەوەی سێیەمی تایبەت بە پڕۆژە یاسای كاراكردنەوەی دامەزراوەی سەرۆكایەتی هەرێمی كوردستان و شێوازی هەڵبژاردنی سەرۆكی هەرێمی كوردستان تا بە خاوەن بوونی دەستوور، پێشتر هەموو گفتوگۆكانی پێویستی ماددە بە ماددەی پڕۆژەكە كراوە و تەنها دەنگدان دەمێنێتەوە، دواتریش لەلایەن سەرۆكایەتیی پەرلەمانی كوردستانەوە واژۆ لەسەر یاساكە دەكرێت و پاشان دەرگای خۆپاڵاوتن بۆ پۆستی سەرۆكایەتیی هەرێم دەكرێت بۆ ئەوانەی سی ڤی پێشكەش دەكەن و پاشان ناوەكانی پاڵێوراو بۆ ئەو پۆستە رادەگەیەنرێت و دواتر دەرگای تانەلێدان بۆ ئەو كەسانەی لادەبرێن دەكرێتەوە و پاشان دووبارە جارێكی دیكە ناوەكان رادەگەیەنرێت و دواتر هەڵبژاردن بۆ سەرۆكی هەرێم لەناو پەرلەمانی كوردستانەوە دەكرێت و متمانەی پێ دەدرێت. پاشان ئێمە ناوەزەندی سەرۆكوەزیران دەكەین و ناوەكەی پێشكەش دەكەین و پاشان لەلایەن سەرۆكی هەرێمەوە مەرسوم دەردەچێت بۆ راسپاردنی و پێكهێنانی حكوومەت و پاشان ماوەی كەمتر لە 30 رۆژ پێویستە سەرۆكی راسپێردراو بۆ حكوومەت كابینەكەی پێشكەش بكات و متمانە وەربگرێت.
ئومێدەوارین پێش جەژنی رەمەزان كابینەی نوێ رابگەیەندرێت:
ئومێد خۆشناو سەبارەت بە رێككارەكی پێكهێنانی حكوومەت و وادەكەی، گوتی: ئومێد دەخوازیین پێش جەژنی رەمەزان سەرۆكی هەرێم هەڵبژێردرابێت و كابینەی نۆیەم پێكهاتبێت، هەروەها ئەوەشی گوت رێككەوتنی نێوان پارتی و یەكێتی كاردانەوە و رەنگدانەوەی لەسەر هەردوو فراكسیۆنی یەكێتی و پارتی لەناو پەرلەمان دەبێت، سەبارەت بە پۆستی جێگرانی سەرۆكی هەرێمیشەوە گوتی: پاش هەڵبژاردنی سەرۆكی هەرێم بەپێی یاسا جێگرەكانی هەڵدەبژێرێت و دیارییان دەكات.
