سازان وەهاب
پرۆسەی‮ ‬پێكهێنانی‮ ‬كابینەی‮ ‬9یەمی‮ ‬حكومەتی‮ ‬هەرێمی‮ ‬كوردستان جۆرێك لە سستی‮ ‬پێوەیە و لەمێژووی‮ ‬حوكمڕانی‮ ‬هەرێمی‮ ‬كوردستاندا ئەزموونێكی‮ ‬دیكەیە لە جێكردنەوەی‮ ‬زۆرترین ئەجێندای‮ ‬لایەنە بەشداربووەكان،‮ ‬كە بڕیارە نۆیەمین كابینە بەڕێوەببەن و لە ئەولەوییەتەكانیشیاندا زۆرترین ئاماژە بۆ كابینەكە(چاكسازی‮)‬یە‮.‬ چاكسازی‮ ‬لە كورتترین ناساندنیدا،‮ ‬بریتییە لە گۆڕین‮ ‬یاخود باشتركردنی‮ ‬ئەو كەلێن و كەموكوڕییانەی‮ ‬هەیە،‮ ‬كە هەموو لایەنەكان كۆكن لەسەر ئەم مەرجە،‮ ‬واتا چاكسازی‮ ‬ببێتە بنەمای‮ ‬سەرەكی‮ ‬بۆ هاوبەشی‮ ‬كردن لە حكومڕانی‮ ‬4 ساڵی‮ ‬ئایندەی‮ ‬حكوومەتی‮ ‬هەرێمی‮ ‬كوردستان‮.‬ پرسیاری‮ ‬گرنگ ئەوەیە،‮ ‬ئەو مەرجانەی‮ ‬كە بۆ رووبەڕبوونەوەی‮ ‬گەندەڵی‮ ‬یاخود ئەو بەرنامانەی‮ ‬دانراون و رێككەوتنی‮ ‬لەسەر دەكرێ،‮ ‬چەندە بەدوای‮ ‬چارەسەر گەڕاوە؟‮ ‬یاخود تەنیا ئەو مەرجانە بۆ وەرگرتنی‮ ‬پۆستی‮ ‬زیاترە؟‮ ‬یاخود ئەو كاراكتەرانەی‮ ‬لە نێو پێكهاتەی‮ ‬كابینەكە دەبن توانا و ئیرادە و كەسایەتییان گونجاوە لەگەڵ ئەو دەنگۆیانەی‮ ‬كە باس لە چاكسازی‮ ‬دەكەن؟ ئەمانە پرسیارن،‮ ‬راستە خەڵكی‮ ‬هەرێمی‮ ‬كوردستان ئێستا چاوی‮ ‬لەسەر ئەو هەواڵ و بابەتانەیە كە پەیوەستە بە واژووكردنی‮ ‬رێككەوتنی‮ ‬نێوان لایەنەكان،‮ ‬بەڵام پرسیاری‮ ‬زۆر جەوهەری‮ ‬لە نێو خەڵك راستكردنەوەی‮ ‬ئەو دۆخەیە كە لە ئەنجامی‮ ‬حكومەتی‮ ‬فرە پێكهاتەیی‮ ‬یاخود لە ئەنجامی‮ ‬نەبوونی‮ ‬بەرپرسیاریەتی‮ ‬پێویست هاتۆتە ئاراوە،‮ ‬دەكرێ ئەمجارەیش هەمان ئەو دۆخانە دروست بێتەوە و چاكسازی‮ ‬وەك كارتێكی‮ ‬موزایەدەی‮ ‬لایەنەكان بن،‮ ‬كە زۆرجار رێگرییان لە پرۆژەی‮ ‬گرنگی‮ ‬چاكسازی‮ ‬كردووە،‮ ‬ئاخۆ ئەو لایەنانەی‮ ‬بەناوی‮ ‬بەشداریكردنی‮ ‬راستەقینە روو لە حزبی‮ ‬یەكەم دەكەن،‮ ‬ئامانجی‮ ‬سەرەكییان چاكتركردنە‮ ‬یاخود چاكتركردنی‮ ‬پێگەی‮ ‬حزبی‮ ‬و كەسێتییەكانە لە ناو حكومەت؟ 4 ساڵ لەڕووی‮ ‬كاتەوە نە هێندە زۆرە،‮ ‬متمانە بەو هەموو پرۆژە چاكسازییانە بكەین،‮ ‬نەهێندە كەمیشە بێ هیوا بین لە هەنگاوەكانی‮ ‬چاكسازی،‮ ‬بەڵام ئەوەی‮ ‬زۆر گرنگە،‮ ‬پیادەكردنی‮ ‬ئەو پرۆژانەیە كە ئێستا بۆ پێكهێنانی‮ ‬كابینەی‮ ‬نوێی‮ ‬حكوومەت پێداگری‮ ‬لەسەر دەكرێت و بووەتە مەرجی‮ ‬بەشداریكردنی‮ ‬ئەو لایەنانەی‮ ‬دەیانەوێ‮ ‬وەك دەرفەتێك بەسەریدا زاڵبن‮.‬ مادام چاكسازی‮ ‬مەرجە بۆ هەموویان و‮ ‬یەكێكە لەخاڵە گرنگەكان و دەخوازن لە هەموو سێكتەرەكان كاری‮ ‬لەسەر بكەن،‮ ‬پێویستە ئەو كاراكتەرانەی‮ ‬رۆڵیان پێدەدەن لە كابینەی‮ ‬نوێ خاوەن ئیرادەیەك بن‮ ‬یاخود توانایان هەبێ بۆ پیادەكردنی‮ ‬ئەو هەنگاو و بەرنامانەی‮ ‬كە بەنووسین و بە قسە هیوابەخشن،‮ ‬خۆ ئەگەریش ئەم دەرفەتە لە دەستبدرێ،‮ ‬پێش ئەوەی‮ ‬خەڵكی‮ ‬كوردستان زیانمەند بێت و كاریگەری‮ ‬لەسەریان دروست بكات،‮ ‬ئەوا حزبەكان باجی‮ ‬ئەو بەڵێنانە دەدەن كە بە خەڵكیان داوە و ئومێدی‮ ‬گەورەیان بۆ دروستكردوون‮.‬