هاوار مورتكەیی
بەر لەكۆتایی‮ ‬هاتنی‮ ‬وەرزی‮ ‬لالیگا بە‮ ‬3 جەولە،‮ ‬یانەی‮ ‬بەرشلۆنە توانی‮ ‬بۆ دووەم وەرز لەسەر‮ ‬یەكتری‮ ‬نازناوی‮ ‬خولی‮ ‬ئیسپانی‮ ‬2018- 2019 بەدەست بهێنێت،‮ ‬كە ئەمەش‮ ‬26ـەمین جارە لەمێژوویدا ئەم نازناوە بباتەوە،‮ ‬كە‮ ‬7 نازناوی‮ ‬ماوە بگاتە ریال مەدرید‮.‬
بەرشلۆنە لە قۆناغی‮ ‬35ی‮ ‬لالیگادا رووبەڕووی‮ ‬یانەی‮ ‬لیڤانتی‮ ‬بۆوە،‮ ‬سێ خاڵی‮ ‬ئەو‮ ‬یارییە بەس بوو بۆ ئەوەی‮ ‬بەرشلۆنە نازناوەكە لەبەرژەوەندی‮ ‬خۆی‮ ‬یەكلایی‮ ‬بكاتەوە،‮ ‬بەڵام لەگێمی‮ ‬یەكەمدا بەبێ مێسی‮ ‬نەیانتوانی‮ ‬گۆڵێك تۆماربكەن،‮ ‬لەگێمی‮ ‬دووەم كە مێسی‮ ‬بەشداری‮ ‬كرد توانی‮ ‬لە خولەكی‮ ‬62 تاكە گۆڵی‮ ‬یارییەكە تۆماربكات و دواجار لەگەڵ فیكەی‮ ‬ناوبژیوان ئاهەنگی‮ ‬بەدەستهینانی‮ ‬نازناوەكەیان گێڕا و جامەكەیان لەكامپ نوو بەرزكردەوە‮.‬
یەدەستهێنانی‮ ‬ئەم نازناوەش،‮ ‬بۆ مێسی‮ ‬تایبەتمەندی‮ ‬خۆی‮ ‬هەیە،‮ ‬كە دەبێتە‮ ‬یەكەمین‮ ‬یاریزان لە مێژووی‮ ‬یانەی‮ ‬بەرشلۆنەدا نازناوی‮ ‬لالیگا بۆ‮ ‬10ـەمین جار لەگەڵ‮ ‬یانەكەی‮ ‬بباتەوە‮.‬
ئەگەرچی‮ ‬هێشتا لالیگا‮ ‬3 جەولەی‮ ‬یاریی‮ ‬ماوە،‮ ‬بەڵام ڤالڤێردی‮ ‬و بەرشلۆنە بەهێنانەدەی‮ ‬ئامانجەكەیان ئەركیان لە لالیگا كۆتایی‮ ‬هات و لەمەودا سەرنجی‮ ‬خۆیان دەخەنە سەر هەردوو پاڵەوانێتی‮ ‬جامی‮ ‬شای‮ ‬ئیسپانیا و خولی‮ ‬یانە پاڵەوانەكانی‮ ‬ئەورووپا‮.‬