دڵشاد میراودەلی
ئەوەی‮ ‬لەدوای‮ ‬مرۆڤ جێ دەمێنێت تەنها‮ ‬یادگاری‮ ‬مایەكی‮ ‬و واتاییە،‮ ‬بارزانی‮ ‬ئەو مرۆڤە ئازا و لەخۆ بردوو و چاونەترس و نیشتمان پەروەر و شۆڕشگێرە و‮ ‬یەكسانی‮ ‬خوازە و كۆلنەدەرە بوو،‮ ‬كە هەر شتێك لەبارەی‮ ‬خەباتی‮ ‬ئەو زاتە بڵێی‮ ‬ناتوانی‮ ‬مافی‮ ‬تەواوی‮ ‬خۆی‮ ‬بدەیتێ،‮ ‬باسكردن لە‮ ‬خەباتی‮ ‬ئەو زاتە گەورەیە كەمكردنەوە نییە لە خەبات و‮ ‬رەنج و هەستی‮ ‬نیشتمانی‮ ‬كەسانی‮ ‬تر،‮ ‬هەروەهاپێشێل كردنی‮ ‬مافی‮ ‬كەسیش نییە،‮ ‬چونكە كە لە سەركردەكانی‮ ‬وەك شیخ سەعیدی‮ ‬پیران و شیخ عەبدوڵڵای‮ ‬نەهری‮ ‬و شیخ محمودی‮ ‬نەمر و پیشەوا قازی‮ ‬محمد و بارزانیی‮ ‬نەمر،‮ ‬كە هەموویان لەنێو كوردان هەڵكەوتن و بەشێكی‮ ‬تەواون لە مێژووی‮ ‬پر سەروەری‮ ‬گەلی‮ ‬كوردستان‮.‬
‮ ‬خەبات و فیكری‮ ‬بارزانیش‮ ‬هەم خەباتەكەی‮ ‬گەورەیە و پر بەپێستی‮ ‬نیشتمان بووە و هەمیش بۆ دوژمنانی‮ ‬سەلماندووە كە كورد شیاوی‮ ‬زۆرترە لەوەی‮ ‬دەیبینین‮. ‬دەیان نموونەی‮ ‬دەرەوجیهانیش هەن كە لێرە‮ ‬جێگەیان‮ ‬نابێتەوە،‮ ‬فیكر و رێبازی‮ ‬بارزانی‮ ‬بۆ سەردەمەكەی‮ ‬خۆی‮ ‬و بۆ ئیستەیش زۆر دەسازێت و زۆربەی‮ ‬چەمكە جوانەكانی‮ ‬ژیان لە وتە بەنرخەكانی‮ ‬بارزانیی‮ ‬نەمردا وتراون و ئیشیان لەسەر كراوە بۆكاری‮ ‬حزبی‮ ‬و رێكخراوەیی‮ ‬هەوێنی‮ ‬كاری‮ ‬ڕاستەقینەن‮. ‬لێرەدا پێویستە ئاماژە بەوە بكەین كە بەتێڕوانینی‮ ‬نەك هەر ئەندامانی‮ ‬پارتی،‮ ‬بەڵكو دەرەوەی‮ ‬پارتیش،‮ ‬بارزانی‮ ‬بەتەنها موڵكی‮ ‬حزبێك و لایەنێك نییە،‮ ‬چونكە ئاڵای‮ ‬كوردستان و خەباتەكەی‮ ‬و قسەی‮ ‬گەورە پیاوانی‮ ‬غەیرە كوردیش گەواهیدەری‮ ‬ئەو راستییەن،‮ ‬هەموو كورد و هەر شۆڕشگێڕ‮ ‬و نیشتمان پەروەرێك لە جیهاندا شانازی‮ ‬بە بارزانیی‮ ‬نەمر و خەبات و شۆڕش و بەرخودانی‮ ‬بارزانیی‮ ‬نەمر دەكات‮. ‬بۆیە ئێمەش وەكو كورد لەهەرچوار پارچەی‮ ‬كوردستان،‮ ‬شانازی‮ ‬بە هەوڵ و كۆشش و خەبات و بەرخودان و قوربانیدانی‮ ‬بارزانیی‮ ‬نەمر و هەڤاڵەكانی‮ ‬دەكەین و ساڵانە لە‮ ‬یادی‮ ‬نەمراندا‮ ‬گوڵی‮ ‬وەفا و دڵسۆزی‮ ‬و بۆ گڵكۆی‮ ‬نەمران دەبەین‮.‬