خەبات‮: ‬شاخەوان برایم عەبدوڵڵا
بڕیارە ئەمڕۆ‮ ‬یەكشەممە‮ ‬3‮/‬3‮/‬2019‮ ‬سەرۆكایەتیی‮ ‬پەرلەمانی‮ ‬كوردستان و سەرۆكی‮ ‬فراكسیۆنەكانی‮ ‬پەرلەمان لەبارەی‮ ‬تاوتوێكردنی‮ ‬پێكهێنانی‮ ‬لیژنە هەمیشەییەكانی‮ ‬پەرلەمانی‮ ‬كوردستان‮ ‬و پێشنیاركردنی‮ ‬ناوی‮ ‬ئەندامانی‮ ‬پەرلەمان لە فراكسیۆنەكان بۆ لیژنە هەمیشەییەكان،‮ ‬كۆببنەوە،‮ ‬بە گوتەی‮ ‬پەرلەمانتارێكی‮ ‬پارتی‮ ‬كۆی‮ ‬لیژنە هەمیشەییەكان‮ ‬15‮ ‬لیژنەن و دوای‮ ‬پێكهێنانی‮ ‬لیژنەی‮ ‬یاسایی‮ ‬لە ئێستادا‮ ‬14‮ ‬لیژنە ماونەتەوە پێكبهێندرێن‮.‬

سەعید هەركی،‮ ‬ئەندامی‮ ‬پەرلەمانی‮ ‬كوردستان لە فراكسیۆنی‮ ‬پارتی‮ ‬دیموكراتی‮ ‬كوردستان تایبەت بە خەبات رایگەیاند‮: ‬بڕیارە ئەمڕۆ سەرۆكی‮ ‬فراكسیۆنەكان لەگەڵ سەرۆكایەتیی‮ ‬پەرلەمان كۆببنەوە بۆ پێشنیاركردنی‮ ‬ناوی‮ ‬ئەندامانی‮ ‬پەرلەمانی‮ ‬كوردستان لە فراكسیۆنەكان بۆ پێكهێنانی‮ ‬لیژنە هەمیشەییەكان،‮ ‬كە دواتر پەرلەمان لە دەنگدانێكدا پەسەندیان دەكات‮.‬

ئەو ئەندامەی‮ ‬فراكسۆنی‮ ‬پارتی‮ ‬دیموكراتی‮ ‬كوردستان لەبارەی‮ ‬ژمارەی‮ ‬لیژنە هەمیشەییەكانی‮ ‬پەرلەمان گوتی‮: ‬ژمارەی‮ ‬لیژنەكانی‮ ‬پەرلەمانی‮ ‬كوردستان‮ ‬15‮ ‬لیژنەن و دوای‮ ‬پێكهێنانی‮ ‬لیژنەی‮ ‬یاسایی‮ ‬ئێستا‮ ‬14‮ ‬لیژنە دیكە ماون پێكبهێندرێن‮. ‬

سەعید هەركی‮ ‬لە فراكسیۆنی‮ ‬پارتی‮ ‬سەبارەت بە شوێنی‮ ‬ئەندامانی‮ ‬فراكسیۆنی‮ ‬یەكێتی‮ ‬لە لیژنەكان،‮ ‬لە‮ ‬ئەگەری‮ ‬بایكۆتكردنی‮ ‬كۆبوونەوەكان لە لایەن فراكسیۆنی‮ ‬یەكێتییەوە،‮ ‬گوتیشی‮: ‬شوێنی‮ ‬ئەندامانی‮ ‬فراكسیۆنی‮ ‬یەكێتی‮ ‬لە لیژنە هەمیشەییەكان بە بەتاڵی‮ ‬دەمێننەوە،‮ ‬هەتا ئەو كاتەی‮ ‬رێككەوتنی‮ ‬سیاسی‮ ‬دەكرێت‮. ‬رۆژی‮ ‬18ی‮ ‬شوباتی‮ ‬2019‮ ‬پەرلەمانی‮ ‬كوردستان بەبێ فراكسیۆنی‮ ‬یەكێتی‮ ‬كۆبۆووە و دەستەی‮ ‬سەرۆكایەتی‮ ‬هەڵبژارد،‮ ‬هەروەها رۆژی‮ ‬هەینی‮ ‬1‮/‬3‮/‬2019‮ ‬دانیشتنی‮ ‬ئاسایی‮ ‬ساڵی‮ ‬یەكەم لە خولی‮ ‬پێنجەمی‮ ‬پەرلەمانی‮ ‬كوردستان بەڕێوەچوو و بڕیارە ئەمڕۆش سەرۆكایەتیی‮ ‬پەرلەمانی‮ ‬كوردستان لەگەڵ فراكسیۆنەكانی‮ ‬ناو پەرلەمان كۆبێتەوە بۆ پێشنیاركردنی‮ ‬ناوی‮ ‬ئەندامانی‮ ‬فراكسیۆنەكانی‮ ‬ناو پەرلەمان بۆ لیژنەكان و تاوتوێكردنی‮ ‬چۆنێتی‮ ‬پێكهێنانی‮ ‬ئەو‮ ‬14‮ ‬لیژنەی‮ ‬كە ماونەتەوە‮.‬