سەلام عەبدوڵڵا‮ ‬

یەكێك لەو هۆكارانەی‮ ‬كە پارتە كوردییەكانی‮ ‬باكوور نەیاندەتوانی‮ ‬سوود لەو مۆڵەتە دیموكراتیەی‮ ‬نێو توركیا وەربگرن،‮ ‬مەسەلەی‮ ‬پەرتەوازەییان بوو كە هەر حزبەو بەجیا بەشداری‮ ‬پڕۆسەی‮ ‬هەڵبژاردنی‮ ‬دەكردو بەوپێیەش دەنگی‮ ‬پێویستی‮ ‬نەدەهێنا كە بچێتە نێو پەرلەمان و بەشداری‮ ‬لە پڕۆسەی‮ ‬سیاسیدا بكات و داخوازییەكانی‮ ‬گەلی‮ ‬كورد لە رێگەی‮ ‬مۆڵەتی‮ ‬دیموكراتییەوە دەستەبەر بكات‮.‬ بەوپێیە بەربەستی‮ ‬چوونە نێو پەرلەمانی‮ ‬توركیا تا رادەیەك سەخت بوو،‮ ‬چونكە دەبوو ئەو پارتانەی‮ ‬كەمتر‮ ‬%10ی‮ ‬دەنگ دەهێنن نەتوانن ئەو بەربەستە ببڕن و بچنە نێو پەرلەمانەوەو تا بۆ‮ ‬یەكەمین جار پارتی‮ ‬دیموكراتی‮ ‬گەلان توانی‮ ‬ئەو بەربەستە ببەزێنێ و بە سەنگێكی‮ ‬باشەوە بچێتە نێو پەرلەمان،‮ ‬ئەگەرچی‮ ‬هەدەپە وەك پارتێكی‮ ‬كوردی‮ ‬خۆی‮ ‬رانەگەیاند،‮ ‬چونكە لە راستیدا تەنیا كورد دەنگی‮ ‬بەو پارتە نەدا،‮ ‬بەڵكو جگە لە كورد،‮ ‬تورك و لەناو پێكهاتەكانی‮ ‬تری‮ ‬توركیاشدا دەنگی‮ ‬پەیدا كردو بەوپێیەش توانی‮ ‬بچێتە نێو پەرلەمانەوە‮.‬ ئێستا كە پارتە كوردییەكان و هەدەپەش لەو‮ ‬ڕاستیە گەیشتن كە هۆكاری‮ ‬لاوازبوون و بێهێزیان لە پەرتەوازەیی‮ ‬خۆیاندا بووە،‮ ‬بۆیە ئەم رێكەوتنەی‮ ‬ئێستا كە پارتە كوردییەكان پێكەوە واژۆیان لەسەر كردووە بۆ بەشداربوونی‮ ‬لە هەڵبژاردنی‮ ‬شارەوانییەكاندا بە هەدەپەشەوە بە هەنگاوێكی‮ ‬زۆر بەجێ و پێویست دەزانرێ كە دەتوانرێ گەرەنتی‮ ‬سەركەوتنی‮ ‬لە هەڵبژاردنەكاندا بە گەلی‮ ‬باكوور بدات و ئەمجارە وەك كورد بەشداری‮ ‬هەڵبژاردن بكات نەك وەك حزب،‮ ‬بۆیە چاوەڕوانی‮ ‬ئەوە دەكرێت كە دەنگێكی‮ ‬باش مسۆگەر بكات بەتایبەتی‮ ‬كە خەڵكانێكی‮ ‬زۆر هەن بێ لایەنن و سەر بەهیچ پارتەك نین،‮ ‬بەڵام دەنگ بەو بەرەیە دەدەن،‮ ‬چونكە دەتوانێ پێكەوە داكۆكیكارێكی‮ ‬بەرچاو و بەسەنگ بن لە داخوازییەكانی‮ ‬گەلەكەیان و بەوپێیەش ئەو بەرەیە دەتوانێ هەموو ئەو شارەوانیانەی‮ ‬لە دەستیان داوەو دراوە بە‮ (‬قەیوم‮) ‬جارێكی‮ ‬تر بگەڕێنەوە بۆ كورد و نوێنەری‮ ‬راستەقینەو هەڵبژێراوی‮ ‬خۆیان‮.‬ گرنگ ئەوەیە ئەم بەرەیە‮ ‬یان ئەم هاوپەیمانیەتە بەردەوام بێت و ئەمجارە ئەو هێزە‮ ‬یەكگرتووە بخرێتە خزمەت هەڵبژاردنەكانی‮ ‬داهاتووەوەو بەوپێیەش ژمارەیەك كورسی‮ ‬بەرچاو بۆ گەلی‮ ‬كورد لە پەرلەمانی‮ ‬توركیا دەستەبەر بكات‮.‬ كورد دەمێكە دەڵێ هێز لە‮ ‬یەكگرتندایەو پەرتەوازەیی‮ ‬لاوازیی‮ ‬دەخوڵقێنێت،‮ ‬پیرۆزبایی‮ ‬لەم‮ ‬یەكگرتنە دەكەین و هیوادارین سوود لەو مۆڵەتە دیموكراتیە ببینرێ و داخوازییەكانی‮ ‬گەلی‮ ‬كورد لە باكوور لە رێگەی‮ ‬دیموكراتییەوە دەستەبەر بكرێت‮. ‬