ڤینیسیۆس جونیۆری ئەستێرەی بەڕازیلی و یانەی ڕیال مەدرید ڕووبەڕووی قەیرانێکی نوێ دەبێتەوە کە ڕەنگە دۆخی دیسپلینییەکەی زیاتر ئاڵۆزتر بکات. میدیاکانی ئیسپانیا ئاشکرایان کردووە، ئەو تۆمەتبارە بە پاڵنانی کارمەندێکی لالیگا لەکاتی جێهێشتنی یاریگا، دوای ئەوەی بەرامبەر ڤیاریال بە کارتی سوور دەرکرا. ئەم ڕووداوە دەتوانێت سێبەرێک بخاتە سەر سزا چاوەڕوانکراوەکەی و هەڕەشە لە بەشداریکردنی لە ئیلکلاسیکۆ بەرامبەر بەرشەلۆنە لە ٢٥ی ئۆکتۆبەر بکات.
بەپێی بەرنامەی «ئێل چیرینگویتۆ»ی ئیسپانی و ڕادیۆی «COPE»، کاردانەوەکانی دەرکردنی ڤینیسیۆس بەو ڕووداوە کۆتایی نەهات کە لە کاتی یارییەکەدا ڕوویدا. ئێستا یارودۆخێکی نوێ دەرکەوتووە سەبارەت بە ڕەفتارەکانی لەکاتی جێهێشتنی یاریگاکەدا.
ئەم ڕووداوە گوماناوییە یاریزانە بەڕازیلییەکە دەخاتە مەترسییەوە کە لێکەوتەی دیسپلینیی زیاتری لێبکەوێتەوە، بەتایبەتی کە ڕەنگە گرتە ڤیدیۆییەکان و ڕاپۆرتی ناوبژیوان ڕۆڵیان هەبێت لە دیاریکردنی بارودۆخی ئەوەی ڕوویداوە.لە کاتێکدا چاوەڕێی پێشهاتی زیاترە، یانەی ڕیال مەدرید بە نیازە تانە لە کارتە سوورەکە بدات، هەرچەندە ئەگەری سەرکەوتنی تانەدانەکە کەم دەردەکەوێت، بەپێی ڕادیۆی کۆپ.
