وەزارەتی بازرگانی عێراق خزمەتگوزاری ئەلیكترۆنی بۆ زیادكردنی منداڵانی خوار 12 ساڵ بۆ كارتی بەشەخۆراكی هەڵەبجە كارا كرد.
ئەمڕۆ چوارشەم 14ـی كانوونی دووەم، وەزارەتی بازرگانی عێراق بەشێوەیەكی فەرمی كاراكردنی خزمەتگوزاری بۆ زیادكردنی منداڵانی خوار 12 ساڵ بۆ سیستەمی كارتی بەشەخۆراكی ئەلیكترۆنی لە لقی كارتی بەشەخۆراكی هەڵەبجە ڕاگەیاند.
فەرمانگەی ڕاگەیاندنی وەزارەتەكە دەڵێت، دەستپێكردنی ئەم خزمەتگوزارییە لە چوارچێوەی هەوڵەكانی وەزارەتدایە بۆ ئەلكترۆنی كارەكانی كارتی بەشەخۆراك و گواستنەوە بۆ خزمەتگوزارییە ئەلیكترۆنییەكان، كە یارمەتیدەر دەبێت بۆ ئاسانكردنی ڕێكارەكان و كەمكردنەوەی بارگرانی لەسەر هاووڵاتییان.
باس لەوەشكراوە، وەزارەتەكە بەرە بەرە بەردەوامە لە فراوانكردنی خزمەتگوزارییەكە بۆ لقەكانی كارتی بەشەخۆراكی كە ماونەتەوە لە بەغدا و پارێزگاكانی تر، ئەمەش لە چوارچێوەی بەرنامەیەكی قۆناغبەندی بە ئامانجی بەرزكردنەوەی كارایی ئەدای كاركردن و دڵنیابوون لەوەی كە بابەتی كارتی بەشەخۆراكی بە شێوەیەكی ڕێكخراو و بێ كێشە دەگاتە دەست سودمەندەكانیان.
