وەزارەتی دارایی و ئابووریی هه‌رێمی كوردستان ڕاگه‌یاندراویكی بڵاو كرده‌وه‌.

له‌ ڕاگه‌یاندراوه‌كه‌دا هاتووه‌، ئه‌مڕۆ یەکشەممە (٢٠٢٥/١٢/٢٨) بڕی ( ٩٤٢،٨٤٥،٠٠٠،٠٠٠ ) نۆ سەد و چل و دوو ملیار و هەشت سەدو چل و پێنج ملیۆن دینار وەک تەمویلی مووچەی مانگی تشرینی یەکەمی فەرمانبەران و مووچەخۆرانی هەرێمی کوردستان خرایە سەر هەژماری بانکی وەزارەتی دارایی و ئابووری هەرێمی کوردستان لە لقی هەولێری بانکی ناوەندیی عێراق.