چه‌ند سه‌رچاوه‌یه‌ك ئاشكرایان كردووه، به‌هۆى بوونى پێشێكاریى دارایى و كێشه‌ى كارگێڕی، لقى بانكى رافیده‌ین له ئه‌بوزه‌بیى پایته‌ختى ئیمارات رووبه‌ڕووى داخستن ده‌بێته‌وه. دووپاتى ئه‌وه‌یش ده‌كرێته‌وه ئه‌م مه‌ترسییه رووبه‌ڕووى چه‌ندان لقى ترى بانكه‌كه ده‌بێته‌وه.
ئه‌مڕۆ دووشه‌م هه‌شتى كانوونى یه‌كه‌م، چه‌ند سه‌رچاوه‌یه‌ك بۆ ماڵپه‌ڕى شه‌فه‌ق نیوزیان ئاشكرا كردووه، لقى بانكى رافیده‌ین له ئه‌بوزه‌بى، رووبه‌ڕووى داخستن ده‌بێته‌وه، چونكه مه‌ترسى هه‌یه لێكه‌وته‌كانى پێشێلكارییه‌كان به‌رده‌وام بێت و ئه‌مه‌یش كاریگه‌ریى خراپى بۆ كار و ناوبانگى بانكه‌كه ده‌بێت.
سه‌رچاوه‌كان دووپاتیشى ده‌كه‌نه‌وه، ئه‌م هه‌ڕه‌شه‌یه له چه‌ندان وڵاتى تر هه‌یه و لقه‌كانى ئه‌و بانكه رووبه‌ڕووى گرفت ده‌بنه‌وه، چونكه پێشێلكاریى دارایى و كارگێڕیى تێدا ده‌كرێت و مامه‌ڵه له‌گه‌ڵ هه‌ندێك لایه‌نى سزادراو ده‌كه‌ن.
پێشتر موعه‌مه‌ر ئیریانى وه‌زیرى راگه‌یاندنى ئه‌بوزه‌بى ئاشكراى كرد، بانكى رافیده‌ین ده‌یه‌وێ لقه‌كه‌ى له سه‌نعا دابخات و كۆتایى به چالاكی دارایى و بانكى بهێنێ. ئیریانى گوتیشى، “ئه‌مه هه‌نگاوێكه به ئاراسته‌ى دروست، له ئه‌نجامى كۆششى نێوده‌وڵه‌تى كه ده‌یه‌وێ سه‌رچاوه داراییه‌كانى حووسییه‌كان وشك بكات”.
