خالد ئه‌حمه‌د بادی
رەوشا گشتی یا روژهەلاتا ناڤەڕاست زۆر یا ئالوزە ویاسایێن سروشتی ویاسایێن گشتی گهورینان دكەنە دناڤدا وژبۆ بەرژەوەندێن زلهێزان دگهورن یان دهێنە گهورین، رەوشا جیهانێ ب گشتی یا دناڤ ئالوزیان دا كاروانێ خۆ دبەتە سەر بتایبەت رەوشا روژهەلاتا ناڤەڕاست بەردەوام ئالۆزتر لێ دهێت و بەرەڤ رەوشەكا پێشبینی كری یا داهاتێ روژهەلاتا ناڤەراست ڤە دچیت، وەكو دئاوێنە وخودیكا دا دیار چ تشت یان بوار ل روژهەلاتا ناڤەراست یێ بەرقرار نینە و هەر ئەندازەكا دهێتە دانان بو چارەكرنا پرسگرێك وئاریشەیان و هێمنكرنا رەوشا گشتی یان دا كو دبەرژەوەندا هەمی لایەنان دا بیت یان كو تشتەك وئەندازەكا نوی وگشتگیر بیت دێ ئێكسەر هەڤڕكیەكا دی یان پرسگرێكەكا دی پەیدا بیت ل روژهەلاتا ناڤەڕاست دێ هەمی دۆز وئارێشە وهەڤڕكییان بەرەف پاشڤە بەت و ئالوزتر لێ كەت وبەرەف ئاقارەكێ نەدیار ڤە دبەن، ل ڤان دویماهییان سەنتەرێ (ستیمسون) یێ جیهانی كۆمبونەك گرێدابوو بۆ شارەزایێن هەرێمی و ئەمریكی بۆ گەنگەشەكرنا سێ سیناریویێن روژهەلاتا ناڤەڕاست بو هەژدە هەیڤێن دی یێن داهاتی ئانكو تا سالا (2026) یا داهاتی كو لدور شەڕێن دەڤەرێ وب تایبەت شەڕێ ئیران و ئیسرائیلێ و هەر دیسان شەرێ ئۆكرانیا و روسیا و شەڕێ حەماس و ئیسرائیل و شەڕێ حزبڵڵا یا لبنانی و ئیسرائیل شەڕێ توركیا و پارتا كرێكارێن كوردستانێ و شەڕێ ڤەشارتی یێ وەلاتێن زلهێز و ناكوكیێن زۆر وەلاتان دگەل هەڤدوو ب راستی تەڤنەكێ ئالۆز یێ بهێز یێ هەیی ل تەڤایا جیهانێ وپاشان وەلاتێن هەرێمی ووەلاتێن عەرەبی، زۆر سیناریۆ هەنە بۆ پرسا روژهەلاتا ناڤەڕاست وهەروەسا بو سیناریویێن هەین كو ئەمریكا پتر یا كەفتیە دناڤا هەڤنەهاتنێن ل گەل هەڤوو دكەن كو ئەوژی ئەمریكا هەمی پرسێن گشتی ب پرسێن ئابوری ڤە گرێدەەت كو ترامپ كەسەكێ بازرگانە وكار و پوستێ خۆ وهێزا ئەمریكا بكار دئینیت بو بدەست ڤە ئینانا پتر دەستكەفتێن ئابوری وهەروەسا سیاسی.
ئەمریكا ودگەل هەڤالێن خۆ بریتانیا و روسیا یێ كێكێ لێكڤە دكەن چونكە سیناریۆ ب رێژەكێ یێ دیار دبن ئەو ژی كونترولا ئیرانێ لسەر دەڤەرێ كێم كر وهەروەسا یێ لناڤبەرا روسیا وئوكرانیا بژیڤانیێ دكەن چونكە سەفقەكا بازرگانی دگەل زینیلیسكی ئیمزا كری یە و هەروەسا ل سوریایێ ژی ئەحمەد الشرع یێ دلیستا تاوانباران دا بۆ هەر لدەڤ وان وەلاتان لێ چونكە كار ب ئەحمەد الشرع هەیە سەرۆكێ ئەمریكا پێشوازیێ لێ بكەت. بۆ دیار دبن كو دەڤەرا روژهەلاتا ناڤەراست یا پێشوازیێ ل شەرەكێ دی دكەت ودێ ئەو شەر یێ ئیكلاكەر بیت دا كو ئەڤ لایەنێن مایی ژی بكەڤنە دبن كونترولا زلهێز وبەرژەوەندخوازان دا.
زەرەرمەندێ ئێكێ ژڤان ناكۆكی وشەرو هەڤكێشەیان ب تنێ وەلاتیێن سڤیل وبێ گونەهن ل وەلاتێن روژهەلاتا ناڤەراست. ل داویێ ئومێدەوارین پێلێن بهێزێن ئاشتیێ وئارامیێ با وهەوایێ خو ل پاپۆڕا ئاشتی وئارامی وپێكڤەكاركرن ویەكترقەبولكرنێ بدەت وئاراستەیا پاپورا مە یا دنیڤا دەریایێ دا بدەت وبەرەڤ كنارێن ئیمناهیی وئاشتیێ ببەت ومللەتێن روژهەلاتا ناڤەڕاست و وەلاتێن هەرێمی ب ئاشتی وئارامی بژین و چپكێن خوناڤان لسەر رویێن بێ بەهرا بدەت داكو ئەو ژی بژین ودویر بن ژ دوژمنكاریكرن و توندو تیژیێ.
