ئەمڕۆ چوارشەممە، مازن فەراعنە وەزیری ناوخۆی شانشینی ئوردن، رایگەیاند: “لێرە بەدواوە هەموو جۆرە چالاکییەکی ئیخوان موسلیمین لە ئوردن قەدەغەیە و هەموو موڵک و ماڵ و سامانی گواستراوە و نەگواستراوەی ئەو رێکخراوە دەستیان بەسەردا دەگیرێت.”

ئەم بڕیارە دوای ئەوە هات کە چەند رۆژێک لەمەوبەر باندێکی تیرۆریستیی زۆر مەترسیدار کە مووشەک و درۆنیان دروست دەکرد و سەرکردەکانی ئیخوان موسلیمینی ئوردن سەرپەرشتییان دەکرد، ئەندامانی لە ئوردن دەستگیر کران.