ئەمڕۆ پێنجشەممە ٢٠-٣-٢٠٢٥، مەسروور بارزانی سەرۆکی حکوومەتی ھەرێمی کوردستان، پێشوازی لە گلێن مایڵز باڵیۆزی ئوسترالیا لە عێراق کرد.
لە دیدارەکەدا ھەردوولا ھاوڕابوون لەسەر گرنگیی بەھێزکردنی پەیوەندییەکانی ھەرێمی کوردستان و ئوسترالیا .
لە تەوەرێکی دیکەی کۆبوونەوەدا، جەخت لە پێویستیی پێکھێنانی کابینەی نوێی حکوومەتی ھەرێمی کوردستان و ھەروەھا چارەسەرکردنی کێشەکانی نێوان ھەرێمی کوردستان و حکوومەتی فیدراڵ لەسەر بنەمای دەستوور و ڕێزگرتن لە قەوارەی دەستووریی و فیدراڵی ھەرێمی کوردستان کرایەوە.
دوایین پێشھات و گۆڕانکارییەکانی عێراق و ناوچەکە، بەشێکی دیکەی گفتوگۆکانی دیدارەکە بوو.
