باره‌گای بارزانی، ئه‌مڕۆ 13ـی ئاداری 2025 په‌یامێكى سه‌ره‌خۆشیی بۆ كۆچی دوایی (قه‌یس قه‌ره‌داغی) نووسه‌ر و ڕۆشنبیرى كورد له ئه‌ڵمانیا كه ده‌كاته براى شاعیری كۆچكردوو مهاباد قه‌ره‌داغى، بڵاو كرده‌وه.
ده‌قى په‌یامه‌كه:
به‌ناوی خودای به‌خشنده و میهره‌بان
به‌داخێكی زۆره‌وه هه‌واڵی كۆچی دوایی ڕۆشنبیر و ڕۆژنامه‌نووسی نیشتیمانپه‌وه‌ر (قه‌یس قه‌ره‌داغی)مان پێگه‌یشت.
پرسه و سه‌ره‌خۆشیی خۆمان ئاراسته‌ی خانه‌واده‌ی خوالێخۆشبوو و نووسه‌ران و ڕۆشنبیرانی كوردستان ده‌كه‌ین، و هاوبه‌شی خه‌می هه‌موو لایه‌كین.
له خودای گه‌وره داواكارین دڵنه‌وایی به خانه‌واده‌كه‌تان ببه‌خشێت و گیانی خوالێخۆشبوو به‌ر ڕه‌حمه‌تی خۆی بخات و به به‌هه‌شتی به‌رین شادی بكات.
إنا لله وإنا الیه راجعون
باره‌گای بارزانی
13ـی ئاداری 2025
