تریفە دۆسکی
ل هەر کۆمەلگەهەکێ ئازاد و دیموکراسی پروسا هەلبژارتنێ دبیتە پیڤەرەک بو دەستنیشانکرنا داهاتێ وی کۆمەلگەهی، دەنگێ هاولاتی نەبتنێ ل روژەکێ دێ هێتە پیڤەرکرن. بو بەربژێرەکی بەلکو ئەزمونەکا تێدا هاولاتی پاشەروژا خو و نڤشەکێ بۆ ماوەیەکی دیار دکەت، کو تێدا بەربژێر ئەوان ئەرک و ئەوێ دەستهەڵاتا هەی بکار دئینیت بۆ خزمەتا هاوڵاتی ب مەرجەکی د پرۆسا هەلبژارتنێ دا دەنگدەر ئازانە دەنگ بدەت نە ب مینیت مەندەهوش هەمبەر لیستەکی تێدا شیانێن بەربژێری ل وی ئاستی نەبن یێ دەنگدەری چاڤەڕێ دکر، لەورا دشێن ب کریارا دەنگدانێ حەزکرنا خۆ بو وەلاتی نیشان دەن ل هەلبژارتنان دا بتنێ ب رێکا هەلبژارتنا بەربژێرێ شایستەی دەنگدانێ. پێویستە بەربژێری پیڤەرێن خو وەک تاک سەربەخۆە شیابیت خۆ پارێزیت. لایەنێ ئەخلاقی و نیشتیمانی بەرز کربیت و کەسایەتیەکێ مرۆڤ دوست و رەوشت بەرز بیت.
هوسا هاولاتی ب حەزەکا زوور بێ گومان دچیتە هەلبژارتنان رەنگە پیڤەرێن جودا جودا بن لێ بگشتی مێژوویەک پر ژ خزمەت و وەڵاتپارێزیێ د کەسایەتیا ویدا هەبیت. وەختێ دەنگدانێ رەنگە چەند کاتژمێر بن رۆژەک بتنێ بیت، ئێک رۆژ دبیتە خالا گوهورینا مێژویا وەلاتەکی یان هەرێمەکا وەک هەرێما کوردستانێ، ل هەلبژارتنێ سێ گوشەک هەیە (کایەک سیاسی واتە لیست، بەربژێر، دەنگدەر) هەرسێ فاکتەر گرنگن و کاریگەریا خۆ لسەر هەڤدوو هەیە، رەنگە بو دەنگدەرەکی وەختەکێ خوشە تێدا حەزکرنا خۆ بو لیستەکێ دیار کەت لێ ژبەر نەبونا کەسایەتیەکێ نەشایستەی دەنگدانێ دەنگدەر دێ کەتە بەهانە وێ لیستێ سزا دەت و دەنگ نادەتێ. واتا دگەهیتە هەستا تولڤەکرنێ و بەروڤاژی ژی هەیە.
رەنگە بەربژێرەک باش د لیستەکا حزبەکا دی دەنگدەری پالڤەددەت پشتگیریا بەربژێرێ وێ بکەتن. ئەڤەیە هاوڵاتیبوون. بمن دەنگدەر زوور گرنگە وەک کەسایەتی. ئەو دەستهەلاتێ ددەتە گروپەکێ و لیستەیا و پاشی بەربژێری لەوما گرنگە باسی مەدەنیبوونێ بکەین مەدەنیەت ب واتا ئازادانە دەنگ بدەین ب هەستەکا بەرپرسیاتی و ئەخلاقی وێ لیستێ پر کەین و دەنگی بدەینە کەسانێن هەژی دەنگدانێ. دەنگدان واتا کریارەک و میکانیزم بتنێ نینە، بەلکو خواستەک ئەز وەک هاوڵاتی ئەنجام ددەم ب خواست و حەزا خو، بەربژێر ل ئاستێ وی کاری بیت د ناڤا پروسا کاێ پەرلەمانی دا، و هەم هاوڵاتی و بەربژێر دیربن ژ هەستا شەرانیەتێ و تولڤەکرنێ و دژایەتیا و ئایدولوژیێ بەلکو دەنگێ خۆ ب ئەقلانە بێختە کاری د وێ پروسا دەنگدانێ هەلبژارتن ژی جارێ بۆ مە وەک پارتی زور گرنگە ئەم ل هەمبەر چەند هێزێن دی راوستاینە ب هیچ شێوەیەکی مێژوویا وان ناهێتە ئاستێ مێژوویا پارتی دیمکوراسی کوردستان.
ژبلی دەوروبەرێن مە و هەڤدژیاتیا هرێمێ ژی ژلایێ بەغدا بیت یان تورکیا و ئیرانێ، ئەم ل ڤێ هەرێمێ ئەوا ژ 1991 مە ب دەستڤە ئینای و تا ئەڤرو ب هەموو کاودانێن تێدا دەرباز بووین، مە بێ ئومێد نەکەت و رەوشا مە جودا دڤێت ب روحەکا کوردانە و ب هەستەکا پاک ئەم دەنگ بدەین. دەنگدان پێناسەکرنا مەیە بۆ مە وەک کورد، کوردبوون مەزنترە ژ گروبەکێ یان لیستەکێ کوردبوون واتا کەلتوور و زمان و ناسنامەیا ئەرد و شارستانیەت و ژیان و بەخشین و شەهید و کومەلگایەک و داهات لەوما گرنگە ئەم دەما دچینە بەر سندوقێن دەنگدانێ ب وژدان دەنگ بدەین.
