نێچیرڤان بارزانی پرسەنامەیەکی ئاراستەی شێخ نەهرۆ کەسنەزانی ڕێبەری تەریقەتی قادری کرد بۆ کۆچی دوایی خوالێخۆشبوو غاندی شێخ محه‌ممه‌دی برایان و ئه‌ندامی ئه‌نجوومه‌نی نوێنه‌رانی عێراق.
دەقی پرسەنامەکەی نێچیرڤان بارزانی.
پرسه و سه‌ره‌خۆشیی قووڵم ئاراسته‌ی به‌ڕێز شێخ نه‌هرۆ که‌سنه‌زانی و خانه‌واده به‌ڕێزه‌که‌یان ده‌که‌م بۆ کۆچی دواییی خوالێخۆشبوو غاندی شێخ محه‌ممه‌دی برایان و ئه‌ندامی ئه‌نجوومه‌نی نوێنه‌رانی عێراق، هاوسۆز و هاوخه‌میانم.
له خوای مه‌زن داواکارم گیانی خوالێخۆشبوو به به‌زه‌یی و میهره‌بانیی خۆی شاد بکات و ئارامی و دڵنه‌وایی به هه‌مووان ببه‌خشێت.
