خەبات: مسلم دۆله‌مه‌ری:- تیپا شاریا یا هۆنه‌ری میللى ل 14 /4/ 1997ێ هاتیا دامه‌زراندن لکۆمه‌ڵگه‌ها شاریا سه‌ر پارێزگه‌ها دهۆکێ ڤه ل سه‌ر ده‌ستێ ( ئیسماعیل میرزۆ برکات ) دامه‌زرينه‌ر و به‌رپرسێ تيپێ و دگه‌ل کۆمه‌کا کچ و خۆرتێن کۆمه‌ڵگه‌ها شاریا و یه‌که‌مین پشکداریا تیپا شاریا یا هونه‌رێ بهه‌لکه‌فتنا جه‌ژنا سه‌رێ ساڵا ئێزدیان ل 16 / 4 / 1997 ێ هاته ئەنجامدان ل کۆمه‌ڵگه‌ها شاریا و هه‌ر ژ وێ رۆژێ تا ئیرۆ ئه‌ڤ تیپه یا به‌رده‌وامه لسة بزاڤ و چالاکیێن خو و ئه‌ڤ تیپه سه‌رب رێڤه‌به‌ریا گشتیی یا ڕه‌وشه‌نبیری و هونه‌رێ – به‌شێ هونه‌رێ میللى – دهوك) ڤه‌يه.
*تیپاشاریا چه‌ند ئه‌ندام هه‌نه و مه‌رجێن ئه‌ندام بوونێ چنه؟
ئه‌ندامێن تیپاشاریا یاهونه‌ری نوكه ( 11 ) كچن و(12) كورن ل به‌شێ هونه‌رێ میللی وه ( 4 ) كوڕیش ل به‌شێ میوزیكێ و دگه‌ل به‌رپرسێ تیپێ ئیسماعیل شێخ میرزۆ ، مه‌رجێن مه بۆ ئه‌ندامه‌تیا تیپامه ئه‌وه كودبت هه‌ر كه‌سه‌كێ بڤێت بته‌ئه‌ندام دتیپاشاریادا دڤێت شاره‌زابت ل بوارێ هونه‌ریێ میللی یان میوزیكێدا، پاشان دوو هه‌یڤا دگه‌ل تیپێدا كاربكه‌ت ئه‌گه‌ر شیانێت وی باش بوون دێ هێته وه‌رگرتن وه‌ك ئه‌ندام ل تیپێدا.
*تانها تیپا شاریا پشكداری دچه‌ند ڤیسته‌ڤالێن هونه‌ریداكریه ؟
پشتی ناڤ و ده‌نگێ تیپا شاریا یا هونه‌رێ میللى کوردستان تژی کری ب بزاڤ و چالاکیێن خۆ ل سه‌ر ئاستێ هه‌رێمێ به‌لاڤ بویی ده‌نگ و ره‌نگێ تیپامه به‌لاڤبو ژ ده‌رڤه‌ی وه‌ڵاتی هێژایه بێژین تیپامه ل ڕێککه‌فتی 27/11/2012 ب نوینه‌راتیا هه‌رێما کوردستانێ پشکداری د که‌رنه‌ڤاڵا وه‌ڵاتێ ئیمارات ده‌کر ب هه‌ڵکه‌فتا بۆرینا چل و ئێك ساڵیا دامه‌زراندنا ده‌وڵه‌تا ئیمارات و ل پێنج میرگه‌هێن وێ چالاکی ئه‌نجامدان هێژایه بێژین تیپا مه ل وه‌ڵاتێ ترکیا ل باژارێ میدیادێ د ڤیسته‌ڤاڵا ئاشتیێ ده پشکدار بوو ئه‌وا ( بارزانیێ نه‌مر ) تێدا هاتیا خه‌ڵاتکرن، هه‌روه‌سامه پشكداری گه‌له‌ك ڤیستیڤاڵاندا كریه وه‌كی پشكدارى ل ڤیستیڤالێن نیڤ ده‌وڵه‌تی ل ده‌رڤه‌ى وه‌ڵاتى ( فيستیڤاڵا ڕۆژا جيهانى ئاشتێ ل تركيا باژێرێ ميديادێ و ڤيستیڤاڵا چه‌ژنا نشتيمانى يائيماراتا ئێكگرتى ل ئيمارات وكۆلۆمبيا و مەكسيك و ئكسپو دبى ل ئیمارات و دوماهى چالاكيا ده‌رڤى وه‌ڵاتى به‌نوێنه‌رايه‌تيا هه‌رێما كوردستانێ و عێراقێ ل 2023 پشكدارى ل چار ڤيستیڤالێن ويلايه‌تێن وه‌ڵاتێ هندستانێ بووێن بۆ ماوێ 20 ڕۆژان.
*دتیپا شاریادا چ كارێن هونه‌ری میللی تێنه پێشكه‌شكرد؟
چه‌ندین تابلۆیێن هونه‌ری به‌رهڤکرینا کو ده‌ربرینێ ژ که‌له‌پوورێ وكولتوورێ نيشتيمانى و نه‌ته‌وەیێ و کوردی یێ ڕه‌سه‌ن كرينه وه‌کی تابلۆیا ( سنجان – ژیان – شڤان و بێری – ئێشیك – جۆتیار – هه‌بوون – شاهی شێخانی – شێخانيا شڤانا – پێشمه‌رگه‌هـ و شنگال – ڕه‌سەن )
و زێده‌باری چه‌ندیین دیلانێن فولکلۆرێ كوردی وه‌کی ( شێخانی – تالانه – ملانێ – سێ پێچکی – سێڤه سۆر – به‌بله‌کان – میرانی – گولشێنی) و هه‌روه‌سا چه‌ندیین شانۆگه‌رىی ئەنجامداينه مینا شانۆگه‌ریا ( رۆژانێن مریه‌کی – ئه‌ز به‌هلوولم کی به‌رپرسیارا- ئۆپه‌رێتا زارۆکا- سێ گونه‌هبارێن سیاسی ) و هه‌روه‌سا ده‌رێخستنا گۆڤاره‌کێ ب ناڤێ( شالوول )بۆ زارۆکان و چه‌ندیین کلێپ چێکرینا ژ وانا کلیپا ( سروودا شه‌رفه‌دین – هه‌ی میره میره – هیڤیا دڵی – ئسترانا رێڤراندۆم ).
*په‌یوه‌ندێن تیپاشاریا دگه‌ل تیپێن هونه‌رێن كوردستانێ چاوانه و ئارمانجێت هنگۆ دڤێ تیپێداچنه؟
مه‌په‌یوه‌ندی دگه‌ل هه‌می تیپێن كوردستانێ وعێراقێ هه‌نه هه‌ولێر سلێمانی كه‌ركوك و به‌غداش بتایبه‌ت تیپا هونه‌ریا دهۆكێ، چونكی مه‌هه‌ردووكا سه‌رب ڕێڤه‌به‌ریا گشتیی یا ڕه‌وشه‌نبیری و هونه‌ری دهۆك ڤه‌نه‌ومه‌گه‌له‌ك كارێت هونه‌ری دگه‌ل ئێك ئه‌نجام داینه، ئامانجا مه‌ژی تنێ ساخكرن وەزیندی ڕاگرتنا فۆلكلۆر و هونه‌رێ میللێ گه‌لێ كورده، هه‌روه‌سا ناساندنا فۆلكلۆر و هونه‌رێ میللێ مه‌یه بۆ جیهانێ.
