لەبارەی ئۆتۆمبێلی بێ سەرەتاوە؛ بەڕێوەبەرایەتی هاتووچۆی هەولێر شۆفێران ئاگادار دەکاتەوە

بەڕێوەبەرایەتیی پۆلیسی هاتوچۆی هەولێر، ئاگادارییەك ئاراستەی شۆفێران و دانیشتووانی شارەكە دەكات.

لە ئاگادارییەكەدا هاتووە “سەرجەم هاووڵاتیان و شوفێران ئاگادار دەکەینەوە،کە خۆیان دووربگرن لە کڕین و لێخوڕینی ئوتۆمبێلی بێسەرەتا و تۆمارنەکراو بە هەموو جۆرەکانییەوە.”

پۆلیسی هاتوچۆی هەولێر دەشڵێ: “هەر ئۆتۆمبێلێكی لەم جۆرە ببیندرێت لەسەر شەقامەکان، دەستی بەسەردا دەگیرێت لەلایەن هاتوچۆ و هێزە ئەمنییەکانی دیكەوە و بە هیچ شێوەیەک نادرێتەوە بە خاوەنەکەی.”