سه‌رۆكی حكوومه‌تی هه‌رێمی كوردستان ئه‌مشه‌و سێشه‌م پرسه‌نامه‌یه‌كی به‌هۆی كۆچی دوایی نووسه‌ر و شاعیر و وه‌رگێڕی ناسراوی كورد جه‌لال زه‌نگابادی بڵاو كرده‌وه‌.

مه‌سرور بارزانی سه‌رۆكی حكوومه‌تی هه‌رێمی كوردستان له‌ پرسه‌نامه‌كه‌دا ڕایگه‌یاند: پرسه‌ و سه‌ره‌خۆشی ئاراسته‌ی بنه‌ماڵه‌ی خوالێخۆشبوو جه‌لال زه‌نگابادی نووسه‌ر و شاعیر و وه‌رگێڕی ناسراوی كورد ده‌كه‌م و هاوخه‌میانم.

ڕاشیگه‌یاند: خوای مەزن گیانی خوالێخۆشبوو بە بەهەشت شاد بکات و سەبر و ئارامییش بە بنەماڵە و کەسوکار و هاوڕێیەکانی ببەخشێت.

ئێواره‌ی ئه‌مڕۆ سێشه‌م جه‌لال زه‌نگابادی نووسه‌ر و شاعیر و وه‌رگێڕی ناسراوی كورد به‌هۆی نه‌خۆشییه‌وه‌ له‌ ته‌مه‌نی 72 ساڵیدا له‌ شاری هه‌ولێر كۆچی دوایی كرد.