سه‌ره‌تا وتار سەرۆک بارزانی کەشتیوانێكی لێهاتووە لە ناو شەپۆلەکانی زەریادا
روکار شێخ تەها
هەڵوێستە نەتەوەیی و نیشتمانیەکانی سەرۆک بارزانی لەبیر ناکرێت، ئەمڕۆ ڕۆژێکی پرشنگدارە لە مێژووی ڕزگاری خوازی گەلی کوردستان، ئەویش لەدایک بوونی جەنابی سەرۆک مسعود بارزانیە، کە هەمیشە وەکو چەترێک وایە بۆ ئەم گەل و نیشتیمانە، سەرۆک بارزانی ڕۆڵێکی گرنگی هەیە نەک تەنیا لە کوردستان بەڵکو لە ڕۆژهەلاتی ناوەڕاست قسە و کردارەکانی هەمیشە لە جێگایی هەڵوێستە لەسەر کردن و حساب بۆ کردنە.
قسە و گوتاری سەرۆک لە تەواویی عێراق سەبارەت بەهەر پرسێک بێت یەکلاکەرەوەیە، نموونەی ئەم هەڵوێستانە سەرۆک لە دیاری کردنی سەرۆک کۆمار و سەرۆک وەزیرانی عێراق دا دیارە، سەرۆک بارزانی خاوەنی مەشخەڵی بیری نەتەوەیی و نیشتمانیە شۆڕەسواری بیری سەربەخۆییە، کە ئەمە یەکێکە لە خەسڵەتەكانی سەرکردە و سەرۆک بۆ نیشتمان.
ئەگەر هەڵوێستە نەتەوەیی و نیشتمانیەکانی سەرۆک بارزانی نەبوایە ئەوا دەسکەوتەکانی خەڵکی کوردستان لەناو دەچوو، هەمیشە سەرۆک بارزانی قەڵغانێکی پۆڵایینی پاراستنی ئەم نەتەوە و نیشتمانەیە، جا لەوەی سەرۆک بارزانی سەرۆکی پارتی دیموکراتی کوردستانە، بەڵام هەمووان کۆکن لەسەر ئەوەی سەرۆک بارزانی وەکو مرجعی خەڵکی کوردستانە و هەموو کێشە و ململانێیەکان بە بچووک و گەورە لای جەنابی سەرۆک بارزانی یەکلا دەکرێتەوە.
لای یار و نەیاری نەتەوەکەمان حسابێکی تایبەتی هەیە هەمیشە جێگایی سەرنج و تێڕامانن لە هەموو هەڵوێستەکانی، هەتا جەنابی سەرۆک بارزانی مابێت ئەوا کوردستان کەشتوانێکی لێهاتووە لەناو ئەم هەموو شەپۆلە سامناکانەی جیهان کە ڕووبەڕووی ئەزموونی هەرێمی کوردستان دەبێتەوە.
