شەیما مستەفا
بارزانی بتنێ د قوناغەکێ دا نەبیە ئامرازێ مللەتەکێ ستەم لێ کری و د چەندین قوناغ و سەردەمێن زور دا بوویە سێمبولا نەتەوەیەکی ، ئەڤرۆکە ل هەمی دەمان پتر مە پێتڤی ب تێگەهشتنێ میتۆدا بارزانیێ نەمر هەیە نەب تنێ د پیاڤێ سیاسیدا بەلکو دبیت ل پیاڤێن جڤاکی و پەروەردەیی و هزرا نەتەوەییدا بین.
مەلا مستەفا بارزانی ل دەمێ دەست ب شوڕەشێ کری پیخەمەت رزگارکرنا مللەتێ کورد ژ ستەم و زورداریا ل وان دهاتی کرن، نە بتنێ بو چینەك دیار کری یان تەخەکا ژێگرتی ئەڤ شورەشە کر، د سەدسالا بوری دا بێ گومان چەندین بزاڤێن ڕزگاریخوازیێ هاتن بەرپاکرن، بو نموونە ل وەلاتێ چینێ بزاڤا مودێرن هاتە بەرپارکرن بەلێ ئەڤ شورەشە بوو ئەگەرێ ژناڤچوونا ژێدەرێن گرنگ و قوربانی دانا چەندین چینێن هەژار و بێ دەسەلات، گەلەك بزاڤ پشتی گەهشتین ئامانجا خوە ل دویڤدا دەست کرن ب ژناڤبرنا لایەنێن دی و تیرورکرنا وان، مێژوو ژ ڤێ چەندێ پڕە و تا نوکە ژی شینوارێن وان ماینە، بزاڤا ڕزگاریخوازیا کوردی ب رێبازا مەلا مستەفا بارزانی نموونەیەكا نوی بی ل دەڤەرێ، بارزانی هەردەم گرنگی دایە مافێن ژنێ و ژن وەك ڕەگەزێ دووێ نەهاتیە وەسف کرن بەلکی لگەل ڕەگەزێ بەرامبەری خوە خەبات کریە د هەمی بوارێن ژیانێ دا، چ سیاسی بت یان ئیداری یان ژی پەروەردە، پیخەمەت ڤێ چەندێ ژی چەندین گەنجێن کورد هاتینە تیرور کرن، شورەش پاشەروژا مللەتەکی دیار دکن تایبەت ئەو مللەتێن زورداری لێ هاتی کرن، کورد ئێك ژ مللەتێن ڕوژهەلاتا ناڤین یێن کەڤنارن و ب درێژاهیا چەندین سەردەما زورداری لێ هاتینە کرن.
مەلا مستەفا بارزانی شیا مللەتەکی بدەتە نیاسین بو جیهانێ و بو هەمیا دیار کر کو کورد ژی وەک مللەتێن دی دشێن داخوازا مافێن خوە بکن و بو ڕایا جیهانێ دیار بکت کە کوردان هزر د سەرخوەبوونا کوردستانێ دا هەیە ، مللەتێ کورد خودان داخواز و مافێن ڕەوانە و دشێن ڤێ چەندێ بجھ بینن ، سەرخوەبوون و ژیانا ئازاد و دیارکرنا چارەنڤێسیێ داخوازێن سەرەکی یێن کوردا بوون ئەڤ ئازادیە بندەست کرن و پێشیلکرنا چ مافێن کەسێن دی نینە ، کوردان ئاخ و وەلاتێ کەسێ نەڤیایە یا بتنێ خواستی ژیانا ئازادانەیە بێی کو چ کەس کونترولێ لسەر بکن ، بارزانی شیا ڤێ چەندێ بسەلمینت، پێکڤە ژیان و ئازادی و دادپەروەریا جڤاکی ژ ئامرازێن سەرەکی یێن شوڕەشا کوردی بین و د ڕوژا مە دا بێگومان ئەنجامێن ڤێ چەندێ دیارن و کوردستان بوویە دەڤەرەك ئارام ل دەڤەرێ.
