گوته‌بێژی ده‌سته‌ی گشتیی گه‌شتوگوزاری هه‌رێمی كوردستان رایگه‌یاند، له ماوه‌ی 5 رۆژی رابردوو 200 هه‌زار گه‌شتیار هاتوونه‌ته شاره‌كانی هه‌رێمی كوردستان.
ئه‌مڕۆ شه‌ممه، 1/7/2023، ئیبراهیم عه‌بدولمه‌جید، گوته‌بێژی ده‌سته‌ی گشتیی گه‌شتوگوزاری هه‌رێمی كوردستان رایگه‌یاند: ” له ماوه‌ی دوو رۆژی پێش جه‌ژن و سێ رۆژی جه‌ژنی قورباندا، تا ئێستا 200 هه‌زار گه‌شتیار هاتوونه‌ته شاره‌كانی هه‌رێمی كوردستان.
ئاماژه‌ی به‌وه‌ش كردووه، چاوه‌ڕوان ده‌كه‌ین له رۆژه‌كانی داهاتووشدا هاتنی گه‌شتیار بۆ شار و هاوینه‌هه‌واره‌كانی هه‌رێمی كوردستان به‌رده‌وام بێت و بگاته زیاتر له 300 هه‌زار گه‌شتیار.
